¹ Ndai Paulus, hamba Allah dan rasul Kristus Yesus, yang diutus demi iman jeme-jeme pilihan Allah dan pengetauan akan kebenahan yang mimpin kepade kesalehan. ² Mangke die uhang boleh pengahapan idup kekal, yang dijanjikan ndai semule sebelum pemulean zaman oleh Allah yang dekde pernah mbudi. ³ Pade waktunye, Die sude nyatekan Firman-Nye melalui pemberitaan yang lah dipercayakan kepade aku sesuai gok perintah Allah, juru selamat kite. ⁴ Kepada Titus, anak yang sah dalam iman kita mbak rembak. Anugerah Allah dan damai sejahtera ndai Allah, Abak dan Yesus Kristus juru selamat kite. Tugas-Tugas Titus Untok Mileh Penatua di Kreta ⁵ Karne alasan inilah aku ninggalken ngan di Kreta, yaitu mangke ngan pacak nyudekan ape yang maseh perlu diatur dan ngangkat penatua-penatua disegale kota, seperti yang ku pesankan gek ngan. ⁶ Die haruslah jeme yang dekde ngatek cela, laki ndai sikok bini ade anak-anak yang percaye, dan dek de di tudoh karne idup yang dekde bemoral atau mbrontak. ⁷ Sebab, suhang penilik jemaat haruslah suhang jeme yang dekde becela, sebagai penatelayan Allah, dekde langgok, dekde gincang rugat, kanye pemabok, dekde galak begucoh, dekde warok dalam nyakah keuntungan. ⁸ Sebaliknye galak ngenjok tumpangan, mencintai ape yang baek bijaksane, adil, saleh, dan pecak nguasei diri. ⁹ Die bekecak kuat pada perkataan yang pacak dipercaye sesuai gok yang sude diajahkan, sehingga die pacak ngunjokkannasehat nuhut pengajahan yang sehat dan menegur die uhang yang mbatahnye. ¹⁰ Sebab,ade banyak jeme yang mbrontak galak ngumung kian dan mbudi, khususnye dieuhang yang berasal ndai kelompok jeme besunat. ¹¹ Die uhang pantas ditutup mulutnye karne dieuhang nyusahkan segale keluarge gok ngajahkan hal-hal yang seharusnya dekde dieuhang ajahkan yang justru ndatangkan hal yang mmealukan. ¹² Salah sikok ndai dieuhang, yaitu nabi dieuhang diwek ngatekan dasar jeme-jeme Kreta tukang mbudi, lok binatang buas yang jahat, dan pelahap yang malas. ¹³ Kesaksian ini benah, karena itu tegohlah dieuhang gok kuat make dieuhang njadi sehat dalam dalam iman. ¹⁴ Hala perhatikan dongeng-dongen jeme Yahudi dan ajungan jeme-jeme yang nolak kebenahan. ¹⁵ Bagi yang murni segale jelahlah murni, namun bagi dieuhang yang najis dan dekde percaye, dekde ade sikokpun yang murni karne baek pikiran maupun ati nurani dieuhang adalah najis. ¹⁶ Dieuhang ngaku ngenal Allah, tapi gok pebuatannye dieuhang dekde ngakui Allah. Dieuhang itu menjijekkan, dekde taat dan dekde sanggop ngawikan ape kian yang baek.