¹ Mwanangu, kama utaweka pesa zako kuwa dhamana kwa mkopo wa jirani yako; kama ukitoa ahadi yako katika mkopo wa mtu usiyemjua, ² basi umejiwekea mtego mwenyewe na umenaswa kwa maneno ya kinywa chako. ³ Mwanagu, ukinaswa kwa maneno yako mwenyewe, fanya haya ili kujiokoa, kwa kuwa umeangukia kwenye mikono ya jirani yako; nenda unyenyekee na ufanye shauri mbele ya jirani yako. ⁴ Usiruhusu usingizi katika macho yako wala kope za macho yako kusinzia. ⁵ Jiokoe mwenyewe kama swala kutoka katika mkono wa mwindaji, kama ndege kutoka katika mkono wa mwinda ndege. ⁶ Wewe mtu mvivu, mwangalie mchwa, zitafakari njia zake ili kupata busara. ⁷ Hana akida, afisa au mtawala, ⁸ lakini huandaa chakula chake wakati wa joto na wakati wa mavuno huweka hazina ili kula baadaye. ⁹ Ewe mtu mvivu, utalala hata lini? Wakati gani utainuka usingizini?" ¹⁰ Lala kidogo, sinzia kidogo, kunja mikono kupumzika kidogo" - ¹¹ ndipo umasikini wako utakapokujia kama mporaji na uhitaji wako kama askari wa vita. ¹² Mtu asiyefaa, mtu mwovu, huishi kwa kauli za udanganyifu wake, ¹³ akipepesa macho yake, akiashilia kwa miguu yake na kusonta kwa videle vyake. ¹⁴ Hufanya njama za uovu kwa hila ya moyo wake; daima huchochea faraka. ¹⁵ Kwa hiyo msiba wake utamkumba kwa ghafula, punde atavunjika vibaya wala hatapona. ¹⁶ Kuna vitu sita ambavyo Yehova huvichukia, saba ambavyo ni chukizo kwake. ¹⁷ Macho ya mtu mwenye kiburi, ulimi wa uongo, mikono inayomwaga damu ya watu maasumu, ¹⁸ moyo unaobuni njama mbaya, miguu inayokimbilia maovu upesi, ¹⁹ shahidi asemaye uongo na apandaye faraka kati ya ndugu. ²⁰ Mwanangu, itii amri ya baba yako na wala usiyaache mafundisho ya mama yako. ²¹ Uyafunge katika moyo wako siku zote; yafunge kwenye shingo yako. ²² utembeapo, yatakuongoza; ulalapo yatakulinda, na uamkapo yatakufundisha. ²³ Maana amri ni taa, na mafundisho ni nuru; kinga za kuadilisha za njia ya uzima. ²⁴ Yanakulinda dhidi ya mwanamke malaya, dhidi ya maneno laini ya uzinzi. ²⁵ Moyoni mwako usiutamani uzuri wake wala usitekwe katika kope zake. ²⁶ Kulala na malaya inaweza kugharimu bei ya kipande cha mkate, lakini mke wa mtu mwingine inagharimu uzima wako wote. ²⁷ Je mtu anaweza kubeba moto katika kifua chake bila kuunguza mavazi yake? ²⁸ Je mtu anaweza kutembea juu ya makaa bila kuchomwa miguu yake? ²⁹ Ndivyo alivyo mtu alalaye na mke wa jirani yake; yule alalaye na huyo mke hatakosa adhabu. ³⁰ Watu hawawezi kumdharau mwizi kama anaiba ili kukidhi hitaji lake la njaa. ³¹ Walakini akimatwa, atalipa mara saba ya kile alichoiba; lazima atoe kila kitu cha thamani katika nyumba yake. ³² Mtu anayefanya uzinzi hana akili; hufanya hiyo kwa uharibifu wake mwenyewe. ³³ Anasitahili aibu na majeraha na fedheha yake haiwezi kuondolewa. ³⁴ Maana wivu humghadhibisha mtu; hatakuwa na huruma wakati wa kulipa kisasi chake. ³⁵ Ujapompa zawadi nyingi, hatakubali mbadala wa kusuruhishwa wala kulipwa.