¹ Yule ambaye hujitenga hutafuta matakwa yake mwenyewe na hupingana na hukumu zote za kweli. ² Mpumbavu hapati raha katika ufahamu, lakini hufunua kile kilichopo katika moyo wake. ³ Mtu mwovu anapokuja, dharau huja pamoja naye sambamba na aibu na shutuma. ⁴ Maneno ya kinywa cha mtu ni maji yenye kina kirefu; chemchemi ya hekima ni mkondo unaotiririka. ⁵ Si vema kuwa na upendeleo kwa mwovu, wala haifai kukana haki kwa wale watendao mema. ⁶ Midomo ya mpumbavu huletea mafarakano na kinywa chake hukaribisha mapigo. ⁷ Kinywa cha mpumbavu ni uharibifu wake na hujinasa mwenye kwa midomo yake. ⁸ Maneno ya mmbea ni kama chembe tamu na hushuka katika sehema za ndani sana kwenye mwili. ⁹ Basi, ambaye ni mzembe katika kazi yake ni ndugu yake anayeharibu wengi. ¹⁰ Jina la Yehova ni mnara imara; atendaye haki hukimbilia na kuwa salama. ¹¹ Mali ya tajiri ni mji wake imara na katika fikira zake ni kama ukuta mrefu. ¹² Moyo wa mtu huwa na kiburi kabla ya anguko lake, bali unyenyekevu hutangulia kabla ya heshima. ¹³ Anayejibu kabla ya kusikiliza ni upuuzi na aibu yake. ¹⁴ Roho ya mtu itajinusuru na madhara, bali roho iliyopondeka nani anaweza kuivumilia? ¹⁵ Moyo wa mwenye akili hujipatia maarifa na usikivu wa mwenye busara huitafuta. ¹⁶ Zawadi ya mtu inaweza kufungua njia na kumleta mbele ya mtu muhimu. ¹⁷ Wa kwanza kujitetea katika shitaka lake huonekana kuwa na haki hadi mpinzani wake aje na kumuuliza maswali. ¹⁸ Kupiga kura kunamaliza mabishano na kuwatawanya wapinzani imara. ¹⁹ Ndugu aliyechukizwa ni mgumu kushawishiwa kuliko mji wenye nguvu, na kugombana ni kama makomeo ya ngome. ²⁰ Tumbo la mtu litashiba kutoka kwenye tunda la kinywa chake; atatoshelezwa kwa mavuno ya midomo yake. ²¹ Uzima na kifo hutawaliwa kwa ulimi, na wale wenye kuupenda ulimi watakula tunda lake. ²² Yeye apataye mke anapata kitu chema na kupokea fadhila kutoka kwa Yehova. ²³ Mtu masikini huomba rehema, lakini mtu tajiri hujibu kwa ukali. ²⁴ Anayejidai kwa marafiki wengi watamleta katika uharibifu, bali yupo rafiki ambaye huwa karibu kuliko ndugu.