¹ Tamko kuhusu Ninawi. Kitabu cha maono ya Nahumu, Mwelkoshi. ² Yehova ni Mungu mwenye wivu na mlipiza kisasi; Yehova hulipiza kisasi na amejaa ghadhabu; Yehova ni Mungu hulipiza kisasi kwa adui zake, na huiendeleza hasira yake kwa adui zake. ³ Yehova si mwepesi wa hasira na ni mwenye nguvu; hatawahesabia haki watu waovu. Yehova hufanya njia yake kwenye upepo wa kisulisuli na dhoruba, na mawingu ni mavumbi ya miguu yake. ⁴ Huikemea bahari na kuifanya ikauke; hukausha mito yote. Bashani ni dhaifu, na Karmeli pia; maua ya Lebanoni imekuwa dhaifu. ⁵ Milima hutetemeka uweponi mwake, na vilima huyeyuka; nchi huanguka mbele zake, kweli, dunia na watu wote wanaoishi ndani yake. ⁶ 6Nani anaweza simama mbele ya ghadhabu yake?Nani anaweza zuia ukali wa hasira yake?Ghadhabu yake imemwagwa kama moto,na miamba ameipasua. ⁷ Yehova ni mwema, boma katika siku ya taabu; na yeye huwatambua wale wanaomkimbilia. ⁸ Lakini atafanya mwisho wa adui zake kwa mafuriko ya kutisha; atawawinda kwenye giza. ⁹ Watu wanapanga nini dhidi ya Yehova? Yeye atakomesha; taabu haitainuka mara ya pili. ¹⁰ Kama michongoma na kama mvinyo wa walewao ,wataharibiwa kama mabua makavu. ¹¹ Kutoka kwako, Ninawi, amejitokeza mmoja ambaye alipanga uovu dhidi ya Yehova ,mshauri muovu. ¹² Hivi ndivyo anavyosema Yehova, "Hata kama wana nguvu zao timilifu na idadi timilifu, hata hivyo wataondolewa; watu wao hawatakuwepo tena. Lakini wewe, Yuda: Ingawa nimekutesa, sitakutesa tena. ¹³ Sasa nitaivunja ile nira ya watu kutoka kwako; nitaikata minyororo yako". ¹⁴ Yehova ametoa amri juu yako, Ninawi: " Hakutakuwa na uzao tena utakaoendeleza jina lako. Nitaharibu sanamu zilizochongwa na kuziondoa sanamu za chuma kutoka kwenye nyumba za miungu yenu. Nitaandaa kaburi lako,kwa kuwa umedharauliwa." ¹⁵ Tazama, juu ya milima kuna miguu ya mtu aletaye habari njema, anayetangaza amani! Sherehekeeni sikukuu zenu, Yuda, na timizeni nadhiri zenu, kwa maana yule mwovu hatawavamia tena; ameondolewa kabisa.