¹ Tena Yesu aliingia ndani ya sinagogi na palikuwa na mtu mwenye mkono uliopooza. ² Baadhi ya watu walikuwa wakimfuatilia kwa ukaribu kuona kama atamponya siku ya Sabato ili wamshitaki. ³ Yesu alimwambia mtu mwenye mkono uliopooza, " Inuka simama katikati ya umati huu." ⁴ Kisha akawaambia wale watu, "Je ni halali kutenda tendo jema siku ya Sabato au kutenda yasiyo haki; kuokoa maisha, au kuua?" Lakini hawakujibu walibaki kimya. ⁵ Akawatazama kwa hasira, akihuzunika kwa sababu ya ugumu wa mioyo yao, na akamwambia yule mtu, "Nyoosha mkono wako". Akaunyoosha na Yesu akamponya mkono wake. ⁶ Mafarisayo wakaenda nje wakafanya njama pamoja na herode dhidi yake ili kumuua. ⁷ Kisha Yesu, pamoja na wanafunzi wake, walienda baharini, na umati mkubwa wa watu uliwafuata ukitokea Galilaya na Uyahudi ⁸ na kutoka Yerusalemu na Idumaya na mbele ya Yorodani na Tiro na Sidoni, umati mkubwa, uliposikia kila kitu alichokuwa anakifanya, walikuja kwake. ⁹ Na aliwaambia wanafunzi wake kuandaa mtubwi mdongo kwa ajili yake kwa sababu ya umati, ili kwamba wasije wakamsonga. ¹⁰ Kwa kuwa aliwaponya wengi, kila mtu aliyekuwa na mateso alikuwa na shauku ya kumfikia ili amguse apone. ¹¹ Popote roho wachafu walipomwona, walianguka chini mbele yake na kulia, na walisema, "Wewe ni Mwana wa Mungu". ¹² Aliwakemea kwa msisitizo wasimfanye akajulikana. ¹³ Alipanda juu ya mlima, na akawaita aliowataka, na wakamwendea. ¹⁴ Akawachagua kumi na wawili (aliowaita mitume), ili kwamba wawe pamoja naye na akawatuma kuhubiri, ¹⁵ na kuwapa mamlaka ya kutoa mapepo. ¹⁶ Na akawachagua kumi na wawili: Simoni, aliyempa jina la Petro, ¹⁷ Yakobo mwana wa Zebedayo, na Yohana ndugu yake Yakobo, aliyepewa jina la Bonagesi, hao ni, wana wa ngurumo, ¹⁸ na Andrea, Filipo, Bartholomayo, Mathayo, Tomaso, Yakobo mwana wa Alfayo, Thadayo, Simoni Mkananayo, ¹⁹ na Yuda Iskariote, ambaye atamsaliti. ²⁰ Kisha alienda nyumbani, na umati wa watu wakimfata kwa pamoja, tena, hata wasiweze kula mkate. ²¹ Familia yake waliposikia habari hiyo, walienda kumkamata, kwani walisema, " Amerukwa na akili". ²² Waandishi waliokuja kutoka Yerusalemu walisema, " Amepagawa na Beelzebuli," na, " Ni mtawala wa mapepo na anatoa mapepo". ²³ Yesu aliwaita na kusema nao kwa mifano, " Jinsi gani Shetani aweza kumtoa Shetani? ²⁴ Kama ufalme ukigawanyika wenyewe, ufalme huo hauwezi kusimama. ²⁵ Kama nyumba ikigawanyika yenyewe, nyumba hiyo haiwezi kusimama. ²⁶ Kama Shetani atainuka kinyume chake mwenyewe na kugawanyika, hawezi kusimama, atakuwa amefika mwisho wake. ²⁷ Lakini hakuna hata mmoja awezaye kuingia ndani ya nyumba ya mtu mwenye nguvu na kuiba vitu vyake bila kumfunga mtu mwenye nguvu kwanza, na kisha kukusanya vilivyomo nyumbani. ²⁸ Kweli nawambieni, dhambi zote za wana wa watu zitasamehewa, pamoja na kufuru ambazo wanatamka, ²⁹ lakini yeyote atakaye mkufuru Roho Mtakatifu hatasamehewa kamwe, bali ana hatia ya dhambi ya milele". ³⁰ Yesu alilisema hili kwa sababu walikuwa wakisema, "Ana roho mchafu". ³¹ Kisha mama yake na ndugu zake walikuja na kusimama nje. Wakatuma mtu, kumwita. ³² Na umati wa watu uliokuwa umeketi karibu naye wakamwambia, "mama yako na ndugu zako wako nje, wanakutafuta wewe". ³³ Aliwajibu, "Ni nani mama yangu na ndugu zangu?" ³⁴ Aliwatazama waliokuwa wamekaa wamemzunguka, na akasema, "Tazama, hawa ni mama zangu na ndugu zangu! ³⁵ Yeyote afanyaye mapenzi ya Mungu, mtu huyo ni ndugu yangu, na dada yangu, na mama yangu".