¹ Yahweh akazungumza na Musa na Haroni, akasema, ² "Sungumzeni na watu wa Israeli muwaambie, 'Hivi ndivyo viumbe vyenye uhai ambavyo mwaweza kula miongoni mwa wanyama walioko juu ya nchi. ³ Mnaweza kula mnyama yeyote aliye na kwato zenye kugawanyika na ambaye pia hucheua. ⁴ Hata hivyo, kuna baadhi ya wanyama ambao ama hawacheui au hawana kwato zilizogawanyika, nanyi msiwale hao, wanyama kama ngamia, kwa sababu yeye hucheua lakini hana kwato zilizogawanyika. Kwa hiyo ngamia ni najisi kwenu. ⁵ Pimbi pia: kwa sababu yeye hucheua lakini hana kwato zilizogawanyika mara mbili, huyo pia ni najisi kwenu. ⁶ Na sungura pia: kwa sababu yeye hucheua lakini hana kwato zilizogawanyika mara mbili, huyu naye ni najisi kwenu. ⁷ Na nguruwe pia: ingawaje yeye anazo kwato zilizogawanyika lakini hacheui, kwa hiyo yeye ni najisi kwenu. ⁸ Msile aina yoyote ya nyama yao, wala msiiguse mizoga yao. Hao ni najisi kwenu. ⁹ Nao wanyama waishio majini mnaoweza kuwala na wale wote walio na mapezi na magamba, iwe waliomo baharini au mitoni. ¹⁰ Lakini viumbe wote hai wasio na mapezi na magamba waliomo baharini au mitoni, pamoja na wale waendao majini na viumbe hai waliomo majini —watakuwa chukizo kwenu. ¹¹ Kwa kuwa watakuwa chukizo, msile nyama yao, pia mizoga yao sharti itakuwa chukizo. ¹² Chochote kisichokuwa na mapezi au magamba kilichomo majini ni lazima kiwe chukizo kwenu. ¹³ Nao ndege mtakaowachukia na msiopaswa kuwala ni hawa wafuatao: tai, furukombe, kipungu, ¹⁴ mwewe mwekundu, aina yoyote ya kipanga, ¹⁵ kila aina ya kunguru, ¹⁶ kiruka-njia, kipasua sanda, Shakwe, na aina yoyote ya mwewe. ¹⁷ Ni lazima pia bundi mdogo na bundi mkubwa muwaone kuwa chukizo, mnandi, ¹⁸ bundi mweupe na mwari, ¹⁹ korongo na haina zote za koikoi, huduhudi na popo pia. ²⁰ Wadudu wote wenye mabawa wanatembea kwa miguu minne kwenu ni machukizo. ²¹ Lakini manaweza kula wadudu wenye mabawa wanaotembea kwa miguu minne ya kurukia ardhini yenye vifundo. ²² Na manaweza kula aina zote za nzige, senene, parare, au panzi. ²³ Lakini wadudu wote warukao wenye miguu minne ni chulkizo kwenu. ²⁴ Nanyi mtakuwa najisi hata jioni kutokana na wanyama hawa endapo mtagusa mizogo yao. ²⁵ Na yeyote atakayeokota mojawapo wa mizoga yao ni lazima atazifua ngua zake naye atakuwa najisi hata jioni. ²⁶ Mnyama yeyote ambaye anazo kwato zilioachana ambazo hazikugawanyika kabisa au hacheui huyo ni najisi kwenu. Yeyote awagusaye atakuwa najisi. ²⁷ Mnyama yeyote anayetembea kwa vitanga vyake miongoni mwa wanyama waendao kwa miguu yote minne ni najisi kwenu. Yeyote agusaye mzoga kama huo atakuwa najisi hata jioni. ²⁸ Na yeyote aokotaye mzoga kama huo ni lazima atazifua nguo zake na kuwa najisi hata jioni. Wanyama hawa watakuwa najisi kwenu.o ²⁹ Kuhusiana na wanyama wataambaao juu ya ardhi, hawa ndiyo walio najisi kwenu: kicheche, panya, aina zote za mijusi mikubwa, guruguru, ³⁰ kenge, mijusi ya ukutani, goromoe, na kinyonga. ³¹ Wanyama hawa wote ambao hutambaa, hawa ndiyo watakua najisi kwenu. Yeyote awagusaye atakuwa njisi hata jioni. ³² Na iwapo mmoja wao anakufa na kuanguka juu ya chombo, chombo hicho kitakuwa najisi, ama kiwe kimetengenezwa kwa mbao, nguo, ngozi, au gunia. Kiwe chombo cha namna gani na kiwe kwa matumizi gani, ni lazima kitalowekwa katika maji nacho kitakuwa najisi hata jioni. Kisha kitakuwa safi. ³³ Kwa hiyo kila chungu ambacho mnyama najisi atakiangukia juu yake au ndani yake, chochote kilichomo kwenye chungu hicho kitakuwa najisi, na ni lazima mtakivunja chungu hicho. ³⁴ Vyakula vyote ambavyo ni safi na kilichosudiwa kuliwa, lakini kikaingiwa na maji kutoka kwenye chungu najisi kilichoanguka, nacho kitakuwa najisi. ³⁵ Na kitu chochote kinachoweza kunywewa kutoka kwenye chungu kama hicho kitakuwa najisi. Kila kitu kitakachoangukiwa juu yake na kipande cha mzoga wa mnyama najisi nacho kitakuwa najisi, ama liwe ni jiko au vyungu vya kupikia. Ni najisi na ni lazima kiwe najisi kwenu. ³⁶ Chemchemi au kisima cha maji ya kunywa yanapokusanyika patabaki kuwa safi, iwapo kiumbe najisi kama hicho kitaangukia humo. Lakini ikiwa yeyote anaugusa mzoga wa mnyama aliye najisi uliomo ndani ya maji, yeye atakuwa najisi. ³⁷ Iwapo sehehemu yoyote ya mzoga wa mnyama aliye najisi inaangukia juu ya mbegu zozote zilizo kwa ajili ya kupanda. Mbegu hizo zitakuwa bado zingali safi. ³⁸ Lakini kama maji yanawekwa juu ya mbegu, na kama sehemu ya mzoga unaangukia juu yake, nazo zitakuwa najisi kwenu. ³⁹ Iwapo mnyama yeyote awezaye kuliwa anakufa, naye yeyote amgusaye atakuwa najisi hata jioni. ⁴⁰ Na yeyote alaye chochote cha mzoga huo atalazimika kufua nguo zake naye atakuwa najisi hata jioni. Na yeyote aokotaye mzoga kama huo atafua nguo zake na kuwa najisi hata jioni. ⁴¹ Kila mnyama atambaaye juu ya ardhi atakuwa chukizo; hatakuwa wa kuliwa. ⁴² Chochote kitambaacho kwa kujivuta juu ya tumbo lake, na chochote kitembeacho kwa miguu yake yote minne, au chochote kilicho na miguu mingi—wanyama wote ambao hutambaa juu ya nchi, hawa msiwale, kwa sababu watakuwa machukizo. ⁴³ Msijinajisi wenyewe kwa kiumbe chochote najisi kitaambacho; msijinajisi wenyewe kwavyo, ili kwamba msije mkachafuliwa navyo. ⁴⁴ Kwa kuwa Mimi ndimi Yahweh Mungu wenu. Nanyi lazima muwe watakatifu, kwa hiyo na iweni watakatifu, kwa sababu Mimi ni mtakatifu. Haiwapasi kujichafua kwa aina yoyote ya kiendacho juu ya nchi. ⁴⁵ Kwa kuwa Mimi ndimi Yahweh, aliyewaleta ninyi kutoka nchi ya Misri, ili niwe Mungu wenu. Kwa hiyo lazima muwe watakatifu, kwa kuwa Mimi ni mtakatifu. ⁴⁶ Hii ndiyo sheria kuhusu wanyama, ndege, kila kiumbe hai kiendacho majini, na ya kila kiumbe kitambaacho juu ya nchi, ⁴⁷ kwa ajili ya kile kinachopaswa kutofautishwa kati ya kilicho najisi na kilicho safi, na kati ya vitu vilivyokufa na vilivyo hai ambavyo vyaweza kuliwa na vitu vyenye uihai visivyoweza kuliwa."