¹ Ndipo Ayubu akajibu na kusema, ² "Hakuna shaka ninyi wanadamu; Hekima mtakufa nayo. ³ Lakini nina ufahamu kama vile ninyi; Mimi siyo duni kwenu. Ni dhahiri, ni nani asiyefahamu vitu hivyo kama hivi? ⁴ Mimi ni kitu cha kuchekwa na jirani-Mimi, ni mmoja aliyemwita Mungu na ambaye alijibiwa na yeye! Mimi, ni mwenye haki na mtu asiyekuwa na hatia-Mimi sasa nimekuwa kitu cha kuchekwa. ⁵ Katika mawazo yake mtu fulani aliye katika kufurahi, kuna kudharau kwa mashaka; hufikiri katika njia ambayo huleta mambo mabaya zaidi kwa wale ambao miguu yao inateleza. ⁶ Hema za wezi hufanikiwa, na wale ambao humkasirisha Mungu huhisi salama; mikono yao wenyewe ni miungu wao. ⁷ Lakini sasa waulize hao wanyama wa mwituni, na watakufundisha wewe; waulize ndege wa angani, na watakuambia wewe. ⁸ Au iambie ardhi, na itakufundisha wewe; samaki wa baharini watakutangazia wewe. ⁹ Ni myama yupi miongoni mwa hawa asiyefahamu kuwa mkono wa Yahwe umetenda haya? ¹⁰ Katika mkono wake mna uzima wa kila kiumbe hai na pumzi ya wanadamu wote. ¹¹ Je, sikio haliyajaribu maneno kama vile kaakaa lionjavyo chakula chake? ¹² Kwa wazee mna hekima; katika wingi wa siku mna ufahamu. ¹³ Pamoja na Mungu mna hekima na ukuu; yeye anayo mashauri na ufahamu. ¹⁴ Tazama, yeye huangusha chini, na haiwezekani kujengwa tena; kama yeye akimtia gerezani mtu yeyote, hakutakuwa tena kufunguliwa. ¹⁵ Tazama, kama yeye akiyazuia maji, yanakauka; na kama akiyaachilia nje yanaitaabisha ardhi. ¹⁶ Pamoja na yeye mna nguvu na hekima; watu ambao wamedanganywa na mdanganyi wote pamoja wako katika nguvu zake. ¹⁷ Yeye huwaongoza washauri mbali bila kuvaa viatu katika huzuni; huwarudisha hakimu katika upumbavu. ¹⁸ Yeye Huondoa minyororo ya mamlaka kutoka kwa wafalme; yeye hufunika viuno vyao kwa nguo. ¹⁹ Yeye huwaongoza makuhani mbali bila kuvaa viatu na kuwapindua watu wakuu. ²⁰ Yeye huondoa hotuba ya wale waliokuwa wameaminiwa na huondoa mbali ufahamu wa wazee. ²¹ Yeye humwaga aibu juu ya binti za wafalme na hufungua mishipi ya watu wenye nguvu. ²² Yeye huweka wazi vitu vya kina kutoka katika giza na kuvileta nje kumuika vivuli mahali ambapa watu waliokufa wapo. ²³ Yeye huyafanya mataifa kuwa na nguvu, na pia huyaharibu; Yeye pia huyakuza mataifa, na pia yeye huyaongoza mbali kama wafungwa. ²⁴ Yeye huondoa mbali ufahamu kutoka kwa viongozi wa watu wa nchi; huwafanya wao kutangatanga msituni mahali pasipo na njia. ²⁵ Wao wanapapasa katika giza bila kuwa na mwanga; yeye huwafanya wao kuweweseka kama mtu mlevi.