¹ Unabii ambao habakuki nabii aliona. ² '' Yahwe, kwa muda gani nitalilia msaada, na hutasikia? Nakulilia wewe , 'vurugu!' lakini hutaokoa. ³ Kwa nini unanifanya nione uovu na kuangalia matendo mabaya? Uharibifu na vurugu viko mbele yangu; kuna mapambano, na ushindani unainuka. ⁴ Kwa hivyo sheria ni dhaifu, na haki haidumu kwa wakati wowote. kwa kuwa waovu wanawazunguka wenye haki; kwa hivyo haki iliyopindishwa inatoweka.'' ⁵ "Angalia mataifa na uwachunguze; ustajaabu na ushangae! Kwa maana hakika niko karibu kufanya jambo katika siku zako ambalo hutaamini utakapoambiwa. ⁶ Kwa maana angalia! nakaribia kuwainua Wakaldayo _taifa katili na lenye haraka _wanapita katika upana wa nchi kuteka makao yasiyo yao. ⁷ Wanatisha na kuogofya; hukumu yao na ukuu wao hutoka kwao wenyewe. ⁸ Farasi wao pia wanambio sana kuliko chui, wakali kuliko mbwa mwitu wa jioni. Farasi wao huwaseta, na wapanda farasi wao huja kutoka mbali _ wanapaa kama tai anayewahi kula. ⁹ Wote huja kwa vurugu; makundi yao yanakwenda kama upepo wa jangwani, na wanakusanya mateka kama mchanga. ¹⁰ Wanawadhihaki wafalme, na watawala ni dhihaka kwao.Huicheka kila ngome, maana wanarundika udongo na kuukamata. ¹¹ Ndipo upepo utapita; itaendelea kupita _watu wenye hatia, ambao nguvu zao ni mungu wao." ¹² "Wewe si wa tangu milele, Yahwe Mungu wangu, uliye Mtakatifu wangu? Hatutakufa. Yahwe aliwatenga kwa ajili ya hukumu, nawe, Mwamba, umewaimarisha kwa ajili ya kusahihisha. ¹³ Macho yako ni safi mno hata yasiweze kuutazama uovu, wala huwezi kuangalia maovu kwa fadhila; kwa nini basi umeangalia kwa upendeleo ambao wanasaliti? Kwa nini unakuwa kimya wakati waovu wanawameza wenye haki kuliko wao wenyewe? ¹⁴ Unawafanya watu kama samaki baharini, kama viumbe vitambaavyo bila mtawala. ¹⁵ Huwaleta wote kwa ndoano; anawakokota watu kutoka kwenye nyavu za samaki na kuwakusanya kwenye wavu wao;kwa hiyo anashangilia na kufurahi. ¹⁶ Kwa hiyo anatoa sadaka kwa wavu wake na kuchoma ubani kwa juya lake, kwa kuwa kwa wavu wake anaishi kwa starehe,na chakula chake ni aina tajiri zaidi. ¹⁷ Kwa hiyo ataendelea kumwaga wavu wake,na kuendelea kuyachinja mataifa bila huruma?"