¹ Ndipo Hagai nabii na Zakaria mtoto wa Ido nabii wakatabiri kwa jina la Mungu wa Israel kwa wayahudi wa Yuda na Yerusalem. ² Zerubabeli mtoto wa Shealtieli na Yoshua mtoto wa Yosadaki wakainuka na kuanza kujenga nyumba ya Mungu Yerusalem pamoja na manabii ambao waliwahamasisha wao. ³ Ndipo Tatenai Mkuu wa mji ng'ambo ya mto, Shethar - Bozenai, na mshirika wao, wakaja na kusema kwao, "Nani aliyewapa agizo la kujenga nyumba hii na kukamilisha ukuta?" ⁴ Vilevile walisema, "Ni majina ya watu gani wanaoshughulika na ujenzi huu?" ⁵ Lakini jicho la Mungu lilikuwa pamoja na viongozi wa Wayahudi na maadui wao hawakuweza kuwazuia. Walikuwa wakisubiri barua kutumwa kwa mfalme na amri kurudi kwao kwa ajili ya suala hili. ⁶ Hii ni nakala ya barua kwa Tatenai, mkuu wa mji ng'ambo ya mto, na Shethar - Bozenai na wenzao katika mji ng'ambo ya Mto, ambao waliwatuma kwa mfalme Dario. ⁷ Wakatuma ujumbe, wakiandika kwa mfalme Dario, "Amani tele iwe kwako" ⁸ Mfalme atambue kwamba tulikwenda Yuda kwenye nyumba ya Mungu Mkuu. Imeshajengwa kwa mawe makubwa na mbao zimewekwa katika kuta. Hii kazi inafanyika kwa utaratibu na inaendelea vizuri kwa mikono yao. ⁹ Tukawauliza wazee, ni nani aliyewapa agizo la kujenga nyumba na ukuta?' ¹⁰ Pia tuliwauliza majina yao ili kwamba ujue majina ya kila mtu ambaye aliwaongoza. ¹¹ Nao wakatujibu na kusema, "Sisi tu watumishi wa Mungu wa mbingu na nchi na sisi tunaijenga nyumba hii ambayo ilijengwa miaka mingi iliyopita wakati mfalme mkuu wa Israel alijenga na kuikamisha. ¹² Ingawa, watangulizi wetu walipomchukiza Mungu wa mbinguni, Mungu akawatia katika mikono ya mfalme wa Babeli Nebukadineza, ambaye alivunja nyumba na kuwachukua watu mateka Babeli. ¹³ Pia, katika mwaka wa kwanza wa kutawala Koreshi mfalme wa Babeli, Koreshi aliamuru nyumba ya Mungu kujengwa. ¹⁴ Mfalme Koreshi pia alirudisha vitu vya dhahabu na fedha vya nyumba ya Mungu ambavyo Nebukadineza alivichukua kwenye hekalu Yerusalem na kuvipeleka kwenye hekalu Babeli. Naye akavitunza kwa Sheshbaza, ambaye alimchagua kuwa kiongozi. ¹⁵ Naye akamwambia, "Chukua hivi vitu. Uondoke na kuviweka kwenye Hekalu Yerusalem. Na nyumba ya Mungu ijengwe kule." ¹⁶ Ndipo huyu Sheshbaza akaja na kuweka msingi kwa nyumba ya Mungu katika Yerusalem: na ikaendelea kujengwa, lakini bado haijakamilika ¹⁷ Sasa ikiwa itampendeza mfalme, na uchunguzi ufanyike kwenye nyumba ya ukumbusho Babeli Ikiwapo hukumu ya mfalme wa Koreshi ya kujenga nyumba ya Mungu Yerusalem. Na mfalme anaweza kutuma uamuzi wake kwetu.