¹ Haya ndiyo majina ya wana wa Israeli walioakuja Misri pamoja na Yakobo, kila moja na familia yake: ² Rubeni, Simioni, Lawi, na Yuda, ³ Isakari, Zebuluni, na Benjamini, ⁴ Dani, Naftali, Gadi, na Asheri. ⁵ Jumla ya watu wa ukoo wa Yakobo walikuwa sabini. Yusufu alikuwa Misri tayari. ⁶ Ndipo Yusufu, pamoja na kaka zake wote, na kizazi chote wakafa. ⁷ Waisraeli walifanikiwa sana, wakaongezeka sana idadi yao, na wakawa na nguvu maana nchi ilijazwa nao. ⁸ Wakati huu sasa mfalme mpya asiyemjua Yusufu aliinuka katika Misri. ⁹ Akawaambia watu wake, "Tazama, hawa Waisraeli ni wengi na wenye nguvu kuliko sisi. ¹⁰ Njooni na tukae nao kwa akili, ama sivyo wataendelea kuongezeka na kama vita ikilipuka, wataungana na adui zetu, watapigana nasi, na kisha wataondoka." ¹¹ Hivyo wakawawekea walinzi ambao waliwatesa kwa kuwafanyisha kazi ngumu. Waisraeli walijenga maghala ya miji kwa ajili ya Farao: Pishoni na Ramsei. ¹² Lakini kadiri Wamisri walivyowatesa, ndivyo Waisraeli waliendelea kuongezeka na kusambaa. Hivyo Wamisri wakaanza kuwaogopa Waisraeli. ¹³ Wamisri waliwafanya Waisraeli wafanye kazi kwa nguvu nyingi. ¹⁴ Waliyafanya maisha yao kuwa machungu kwa kuwafanyisha kazi ngumu kwa vinu na matofali na kwa kila aina ya kazi za shambani. Kazi zao zote zilikuwa ngumu. ¹⁵ Kisha mfalme wa Misri akawaambia wakunga wa Kiebrania; mmoja wao aliitwa jina lake Shifra, na mwingine aliitwa Puha. ¹⁶ Akasema, "Wakati mnapowasaidia wanawake wa Kiebrania wanapojifungua, chunguzeni wanapozaa. Ikiwa ni mtoto wa kiume, basi muueni; bali ikiwa ni mtoto wa kike, basi mwacheni aishi." ¹⁷ Lakini wale Wakunga walimwogopa Mungu na hawakufanya kama mfalme wa Misri alivyowaagiza; badala yake waliwaacha watoto wa kiume waishi. ¹⁸ Mfalme wa Misri akawaita Wakunga na kuwaambia, "Kwanini mmefanya haya, na kuwaacha watoto wa kiume wakaishi?" ¹⁹ Wale Wakunga wakamjibu Farao, "Hawa wanawake wa Kiebrania siyo kama wanawake wa Kimisri. Hawa wana nguvu na jasiri sana maana wao humaliza kuzaa kabla hata mkunga hajafika." ²⁰ Mungu aliwalinda hawa Wakunga. Watu waliongezeka kwa idadi na kuwa na nguvu sana. ²¹ Kwa sababu wale Wakunga walimwogopa Mungu, aliwapa familia. ²² Farao akawaagiza watu wote, "Lazima mmutupe kila mtoto wa kiume anayezaliwa katika mto, lakini kila mtoto wa kike wamwache aishi."