¹ Haya ni maneno ya Mwalimu, mwana wa Daudi na mfalme katika Yerusalemu. ² Mwalimu asema hivi, "Kama mvuke wa ukungu, kama upepo mwanana katika upepo, kila kitu hutoweka na kuacha maswali mengi. ³ Ni faida gani wanadamu huipata kutoka katika kazi zote wazifanyazo duniani? ⁴ Kizazi kimoja huenda, na kizazi kingine huja, lakini dunia yabaki milele. ⁵ Jua huchomoza na jua huzama na kwenda kwa haraka, na kurudi mahali linapochomozea tena. ⁶ Upepo huvuma kusini na huzunguka kaskazini, na mara zote huzunguka katika njia yake na kurudi tena. ⁷ Mito yote hutiririsha maji bahari, lakini bahari haijai. Mahali mito inakoenda, ndiko inakoenda tena. ⁸ Kila kitu huwa uchovu, na hakuna yeyote awezae kukielezea. Jicho halishibina kile linachokiona, wala sikio haliriziki na kile linachosikia. ⁹ Chochote kilichopo ndicho kitakachokuwepo, kila kilichofanyika ndicho kitakachofanyika. Hakuna jipya chini ya dunia. ¹⁰ Je kuna jambo lolote ambalo watu wanaweza kusema, 'Tazama, hili ni jipya'? Chochote kilichopo kimekwisha kuwepo muda mwingi, wakati uliokuwepo kabla yetu. ¹¹ Hakuna anayeonekana kukumbuka kilichotokea nyakati za zamani. Na mambo yaliyo tokea siku zilizo pita na yale yatakayo tokea siku za mbele nayo hayatakumbukwa." ¹² Mimi ni mwalimu, na nimekuwa mfalme juu ya Isareli katika Yerusalemu. ¹³ Nilitia akili yangu katika kusoma na kutafuta kwa hekima kila kitu kinachofanywa chini ya mbingu. Hili nalo ni jukumu zito ambalo Mungu amewapa wanadamu kujishughulisha nalo. ¹⁴ Nimeona matendo yote ambayo yanafanyika chini ya dunia, na tazama yote ni mvuke ni kujaribu kuuchunga upepo. ¹⁵ Palipopinda hapawezi kunyoshwa! Kisicho kuwepo hakiwezi kuhesabiwa! ¹⁶ Nimeuambia moyo wangu nikisema, "Tazama, nimepata hekima kubwa kuliko walioishi Yerusalemu kabla yangu. Akili yangu imeona hekima kubwa na ufahamu." ¹⁷ nilikusudia moyo wangu kujua hekima na upumbuvu na ujinga. Nikagundua kuwa hili nalo pia lilikuwa ni kujaribu kuuchunga upepo. ¹⁸ Kwa kuwa katika wingi wa hekima kuna masumbufu mengi, naye aongezae ujuzi, aongeza masikitiko.