¹ Handi nindola Elikulu liyiaha nende esialo siyiaha, ohuba likulu liamberi nende Esialo siamberi bimalire ohubira, Ne inyanja siyabao handi. ² Ndalola itauni indakatifu, Yerusalemu injiaha, eyecha asi hurula mwikulu Nyasaye, obwahwanisibwa ngori omuhawa Arusi owapambwa hubera omusa cha waye. ³ Ndabulira isauti omwoyo muhongo nikurula husisala esio luyali niibola, "Lola! Obwihalo bwa Nyasaye buli alala nende abandu, naye anamenya alala nabo. Banaba bandu baye, Ne Nyasaye mwene anaba nabo handi anaba Nyasaye wabwe. ⁴ Anampangusia buli masika karuha muchimoni chiabwe, handi sihuna ba nende ohufwa handi, ao Hwerali hira, ao Hul;ira, ao machuni. Mahuwa katiale kamalire hubire. ⁵ Oyo oli niyehale akulu we sisalam sio oluya li abola, "Lola! Hola mahuwa kosi hutoa mayiaha. "Yabola, "Yaandika lino ohubera mahuwa kano na akobwa dieri nende ohweholeha." ⁶ Yambolera "mahuwa kano kamala Hubira! Esie Nesie Alfa nende Omega, obuchaki nende obumalirihi. Huulia obulira obuluo ndamuba ohung'gwa bila obukusi Hurula bunyifu bwa machi ko bulamu. ⁷ Oyo onahira ankerama amahuwa kano, handi ndaba Nyasaye waye, Naye anaba mwanawange. ⁸ Abula ngori kari Hubari, Abarasubira, Abasinisia, Abesi, Abairani, Abalosi, Abenamira ebifwanani, nende abebei bosi, olwande lwabe lunaba muuyanja yo omuliro kwo sibiriti okulasia. Oho nihwo ohufwa Hwo hubiri. ⁹ Musala hu malaika saba yecha Hwesie, mulala owali nende chibakuli saba echichule amahuye saba mwiso handi yabola, Ngoo ano. Ndahwekesia omuhasi wa arusi, omuhasi wo Omwana we Likondi. ¹⁰ Olunyama yambu kula ale nende omwoyo hulugulu luhongo handi Lurambi handi yanjekesia itauni indakatifu, Yerusalemu, nikwiha asi Hurula mwikulu a Nyasaye. ¹¹ Yerusalemu yali nende oluyali lwa Nyasaye, ne obulayi bwayebwali ngori omwalo kwo obukusi, Ngori likinarie irang'io indafu ya (yaspi). ¹² Kwali nende esida sihongo, sirambi esiri nende mingira lihumi nende kibiri, alala nende malaika ehumi nende babiri humingira. Akulu we mingira hwali hwandikirwe amera ka chimbia lihumi nende chi biri chia abana ba Israeli. ¹³ Elwande lwe ebukwe hwali nende mingira kidaru, Elwande lwa kusi mingira kidaru, elwande mumbo emingira kidaru. ¹⁴ Ebida bie itauni biali nende emise lihumi nende chibiri, Ne lu waye Hwali nende amera ehumi nende kabiori aka abeko ehumi nende kabiri ako mwana we likondi. ¹⁵ Mulala awaloma-loma nasi yali nende esipimo sio lusala olwahwanisibwa Hu idhahabu huluo hupima itauni, Emingira kiayio nende Esida siakwo. ¹⁶ Haniyageng'wa mukari wo muraba; oburambi bwaye bwali bwakana nende oburakalafu bwaye. Yapinara itauni nende esipimo sio olusala, stadia 12,000 hururambi(burambi bwa ye, oburakarafu, nende sipimo sifwanana) ¹⁷ Hudonge-ndonge yapima esida siaye, obukalafu bwaye bwali ebirifu 144 hubipimo bia abandu(ebiri biosi nbwe ne bipimo bia malaika). ¹⁸ Esida siali simbachwe kwa yaspi nende itauni ye idhahabu indafu, ngori ikio indafu. ¹⁹ Omuse kwe sida yali sihwanisibwe nende buli aina ya makina kobukusi. Eliamberi liali yaspi, elio hubiri wali irangi ya sambarao, elio hudaru liali kalkedoni, eliohulie samaridi, ²⁰ Elio hurano sardoniki, Elia husasaba akiki, munene sabara jadi, elia tisa yakuti ya namuki, Elia ehumi Krispopraso, Elia ehumi nende mulala hiakinitho, elia ehumi nende kabiri amethisto. ²¹ Emingira ehumi uende yali chilulu elihumi nende kabiri, buli mwingira kwahwa ni sibwa hurula hu lulu ndala chingongo chi itauni yali idhahabu indafu, eyalololahana ngori irangio indafu. ²² Sindalola ikanisa yosi-yosi mukari we hauni, ohubera Omwami Nyasaye, oruka akulu wa biosi, nende Omwana kwe Likondi ni ikanisa yaye. ²³ Itauni haba siyenya liuba ao omwosi mbwe hwaduha akulu waye ohubera oluyali lwa Nasaya lwa Hjosia akulu wayhe, Ne itara yaye ni Omwana we Likondi. ²⁴ Ebialo bichia ohukenda mubulafu bwe itauni eyo. Abaruki be Esialo banalera oluyali lwabwe Mukari waye. ²⁵ Emingira kiaye sikinafungwa esiha sie sidere, handi sihunabao nende esiro ao. ²⁶ Wataleta oluyali uende esiribwa esie ebialo mukari waye, ²⁷ handi sibulao esimali esichia ohwingira mukari waye. Kata yosi-yosi ohola lihuwa Liosi-liosi lie chisoni ao abubei sanengira, arali ni balia saabemera kabwe kaandikwa musitabo sio bulamu esia omwana we Likondi.