¹ Ya kíyoe sâputu, mariya mandâlena, mariya êno Teaku yoko salúme, vanexoponoti xêru óvo'okope muyó Jesus. ² Ya inuxotí kaxena semana, yuponí koeti ínati ipuhíko káxe, pihónehiko xokó ekoxovoku Jesus ³ Ina kixokókohiko: kutimo kasa'írikoa ne mopôi exé ukôro? ⁴ ina noeméxoa noixoane kasa'írikeokonone nekô pú'iti mopôi ⁵ Urúkovonehiko xokó ekóxokonoku Jesus noixonehiko póhuti homoêhou hopú'iti ípovo vatá koyêti éxopeke , yupihovo kónoko'iyea, ⁶ Ina kixokókohiko, ákonoe kenôko'i Jesus Nazarena yopósiko pone kuruhuxoneti ítea exepukopone áko'one yaye, némexa ra imókonoku ⁷ Kó'oyene pîhe yéta'aka ne íhikauhiko xoko pêturu inuxó koepeamo ne Jesus ya timúnekenoe ya ngalileia ke nexópatinoemo, kuteâti koêkumeku yûha. ⁸ Ipúhíkopeanehiko éhakopeovohiko xoko ekóxokonoku koati yupíhova honónokea koyo'ikeyea áko eto'oepo koeti yupihovó koêti píkeohiko ⁹ Exépukopo Jesus ukopea xapa ivokóvoti ya yuponí koeti inúxoti kaxena semana Jesus Mariya Mandâlena itukóvo inúxoti éxokopovoke énomone neko Mariya koítovone Jesus ipúhikopeaku seti koêti ndémoniu. ¹⁰ Pihóne koyúhoyea neko noíxone xapake xánena ya koekúhiko isóne'ekeovohiko, koene íyoyea. ¹¹ kamoahiko ákoyeá ivákapu ne Jesus noixeokono, ítea akó akútipoahiko ¹² Ikénepoke, apé koépone ítea kópoe akopovo xokó po'í pí'âti ya koêku yóneahiko ya oxéneke mêum, ¹³ Pihónehiko éto'ohikoa ne poínuhiko íhikou ítea akó akútipeahiko ¹⁴ Ikénepoke apé koépone Jesus híyeuke ne unze koeti ya koêkuhiko ixómoyea óvohexeahiko xe'okú mêsa. Sayá'ikoa kôeku inonohikeohiko ákoyea akútipo, vo'okú tiú'iko omíxone akoyea akutipoa ne noíxoati ike exépukopine . ¹⁵ Ina kixovókoxoa pihénoe Yara uhá koeti kúveu mêum yokoyuhoinoa uhá koeti xâne ra inamáti eyekoûti. ¹⁶ koekuti: kutipoatí yoko ahíkovoti énomonemo itovô'o ítea pone ákoti ákutipoa, yonópotimo ipihóponovo kutike. ¹⁷ Enépone kutípoati harâ'a iyupánevoti ítukemo ya inzake. kopúhikopotimo ndémoniu koánemo koyúhotimo ínamati yuhôti. ¹⁸ Motovâtimo namúkea koéxoe ya vô'u, koane enâpu ekâti koepékoti kuteâti venenu ítea ákomo yuvâti, ipíhahiko vô'u xokó ka'aríneti, itóvotihikomo ¹⁹ Ikénepoke kíxea vúnae Jesus, pihópone ya vaneike ivátakopone ya èxopeke itukó'oviti. ²⁰ Pihónehiko ne íhikauhiko koyúhoyea ya koêkuti yónokuhiko, yoko hivó'oxoahiko vúnae kaná'uyea ra emo'úti ya koêku ápeyea iyupánevoti pónekono itúkea.