Gɛgɛgɛda gá 7 Ŋkanɔ́ sá Asaŋa na Mósɛsɛ
1
Kanɛ Mesúge go oyana Mósɛsɛ a amɔ́: "Ɛná, ŋgaá go íyíe Asaŋa naá busío bá Falaɔ́ŋɔ: tɛ́ɔbɛnɔ Álɔŋɔ mɔ́ɔ a bɛ́ɛmba mbúsí naá busío báhɔ.
2
Maamɔ́ɔ, o ná gálagala buimée bɔ́ɔbɔ ko lɔsɛnɔnɔmɔ́; tɛ́ɔbɛnɔ, Álɔŋɔ, mɔ́ɔ a gálagala Falaɔ́ŋɔ, goŋaá a dɛ́ɛna baaná bá Ɛsɛlahɛ́ɛlɛ bá húme naá gɛdɔŋɔ gɛ́hɛ́.
3
Kanɛ́ yɔmɔ́ɔ, ka ŋga lelíe odɛ́má yá Falaɔ́ŋɔ, mbúígenye yɔmɔ́ bieninye bá go békúke na bɛsɛɔ bámɛ naá gɛdɔŋɔ gá Egíbítene.
3
Kanɛ́ yɔmɔ́ɔ, ka ŋga lelíe odɛ́má yá Falaɔ́ŋɔ, mbúígenye yɔmɔ́ bieninye bá go békúke na bɛsɛɔ bámɛ naá gɛdɔŋɔ gá Egíbítene.
4
Falaɔ́ŋɔ a dɛ ná bóso go nyó bódóliginyo. Nná dúfie Egíbítene bogaaga bá ombɔ́gɔ yámɛ, kúmie naá gɛdɔŋɔ gá Egíbítene ɛlɔŋɔ ya bidé yamɛ, boɛ́nɔ bámɛ, baaná bá Ɛ́sɛlahɛ́ɛlɛ, na bɛantáanta bá mokada.
5
Batɔ bá Egíbítene bá ŋga lɛncá goŋaá ndɛ́ Kanɛ Mesúge, aŋa ka ŋgaá dúfíe Ebíbítene bogaaga bá ombɔ́gɔ yámɛ, kɔnɔ húmie naá gɛdɔŋɔ gábɔ́ baaná bá Ɛ́sɛlahɛ́ɛlɛ."
6
Mósɛsɛ nɛhɛ́ na Álɔŋɔ go ŋa bɔ́ɔbɔ Kanɛ Mesúge a mbaá bó lɔsɛ́nɔ́; bá báá ŋaáa nɔ́ɔ.
6
Mósɛsɛ nɛhɛ́ na Álɔŋɔ go ŋa bɔ́ɔbɔ Kanɛ Mesúge a mbaá bó lɔsɛ́nɔ́; bá báá ŋaáa nɔ́ɔ.
7
Mósɛsɛ a mbaá ŋá a ná lɛ́ nnyóma otíno énni, Alɔ́ŋɔ mɔ́ɔ na sɛ́ otíno énni na ɛ́dadɔ́, naá gɛcamɛna gɛ́ɛgɛ bá mbaá gálágáláa na Falaɔ́ŋɔ.
8
Kanɛ Mesúge go oyana Mósɛsɛ na Álɔŋɔ a amɔ́:
8
Kanɛ Mesúge go oyana Mósɛsɛ na Álɔŋɔ a amɔ́:
9
"Falaɔ́ŋɔ a amɔ́ a nyó gálɛda, a nyó oyana a amɔ́: 'Ŋaáa nɔnɔ gɛsɛɔ!' Go oyana Álɔŋɔ: 'Gɔ́lɔ́ mamɔ́ gidímbo, o gɛ́ nɔɔ naá busío bá Falaɔ́ŋɔ.' Gɛ́ gɛɛ́ ɛ́yá nnyɔ́gɔ."
10
Mosɛsɛ nɛhɛ́ na Álɔŋɔ go ɛ́da naá Falaɔ́ŋɔ, go ŋa bɔ́ɔbɔ Kanɛ Mesúge a mbaá lɔsɛ́nɔ́. Álɔŋɔ go nɔɔ gidímbo go cí naá busío bá Falaɔ́ŋɔ na naá busío bá boyogóní bɛ́hɛ́; gidímbo go ɛ́ya nnyɔ́gɔ.
11
Kanɛ́ Falaɔ́ŋɔ go dɔ́ŋɔnɔ benciŋínciŋi na bebúgí; tɔ́nɔ na bɔsɛɔsɛ́ɔ bá Egíbítene, bɔ́ɔ tɔ́nɔ, go ŋa gɛsɛɔ gɛ́ɛgɔ na nobóga nábɔ́.
11
Kanɛ́ Falaɔ́ŋɔ go dɔ́ŋɔnɔ benciŋínciŋi na bebúgí; tɔ́nɔ na bɔsɛɔsɛ́ɔ bá Egíbítene, bɔ́ɔ tɔ́nɔ, go ŋa gɛsɛɔ gɛ́ɛgɔ na nobóga nábɔ́.
12
Bá báá nɔɔnɔ́nɔ́ɔ bidímbo bábɔ́ biimée go cí, bɛ bɛ́ɛ́ ɛ́yáná nnyɔ́gɔ. Kanɛ́ gidímbo gá Álɔŋɔ go mɛna bɛ́ɛbɛ bábɔ́.
13
Odɛ́má yá Falaɔ́ŋɔ go lala, go inye go bódóliginyo Mósɛsɛ nɛhɛ́ na Álɔŋɔ gɔgɔ́ aŋa Kanɛ Mesúge a mboó oyɛ́dá.
14
Kanɛ Mesúge go oyana Mósɛsɛ: "Falaɔ́ŋɔ a lala odɛ́má; i í inyé go dɛ́ɛna boɛ́nɔ bó ɛ́da.
14
Kanɛ Mesúge go oyana Mósɛsɛ: "Falaɔ́ŋɔ a lala odɛ́má; i í inyé go dɛ́ɛna boɛ́nɔ bó ɛ́da.
15
Ɛ́dá naá Falaɔ́ŋɔ aŋa gó gaá ná bálá; a gaá húmé go go ɛ́da naá boayá bá miimpo, o mo ɛ́dɛna naá busío naá cɔ́lɔ ya osaá. O gɔ́lɔ naá ombɔ́gɔ gidímbo gɛ́ɛgɛ gɛ́ mbɛɛ́ ɛ́yá nnyɔ́gɔ,
16
go oyana Falaɔ́ŋɔ go amɔ́: 'Kanɛ Mesúge, Asaŋa ba Behébelée, mɔ́ɔ a tómamɔ́ naá mamɔ́ɔ, ncɛ go oyana caá: Dɛ́ɛ́na boɛ́nɔ bámɛ bó ɛ́da, bó ɛ́da mbúlugenye naá giolóo. Ɛ́ná kanɛ́, a no húme godɔ́ɔdɔ o lɛ́ kanɛ go bódóliginyo.
16
go oyana Falaɔ́ŋɔ go amɔ́: 'Kanɛ Mesúge, Asaŋa ba Behébelée, mɔ́ɔ a tómamɔ́ naá mamɔ́ɔ, ncɛ go oyana caá: Dɛ́ɛ́na boɛ́nɔ bámɛ bó ɛ́da, bó ɛ́da mbúlugenye naá giolóo. Ɛ́ná kanɛ́, a no húme godɔ́ɔdɔ o lɛ́ kanɛ go bódóliginyo.
17
Kanɛ́ náana gɔ́ɔ Kanɛ Mesúge a gálagalamɔ́: Go bɔ́ɔbɔ o ná lɛnca goŋaá ndɛ́ Kanɛ Mesúge. Kaá góbá miimpo má osaá na gidímbo gɛ́ɛgɛ ndɔ́mɔ́ na gɛ́ go ombɔ́gɔ; má gaá gundé manɔ́ŋɔ́.
18
Moɔbɔ́ mɔ́ɔmɔ naá osaá mó gaá gúénénée, miimpo má dɛ́aŋa na goyɛka, batɔ bá Egíbítene bá ná fúmbe go bonyo miimpo má osaá, go dúgúnú gɔ́gɔ́ɔ'."
19
Kanɛ Mesúge go oyana Mósɛsɛ: "Oyána Álɔŋɔ: 'Gɔ́lɔ́ gidímbo gáhɔ, o dóŋio ombɔ́gɔ yáhɔ naá miimpo má Egíbítene miimée, naá dofámbáláa dábɔ́, naá dosáncalɛ́a dábɔ́ dá ɛdɔ́bɔ́, naá bɛnɛmba bábɔ́ bá miimpo na naá bɛtɛmbatɛmba bábɔ́ biimée bá miimpo. Mó ná gunde manɔ́ŋɔ́: manɔ́ŋɔ́ má ná bɛ́ɛmba naá gɛdɔŋɔ giimée gá Egíbítene, naá muséní gedíelú na boɛ́tɛ, na naá mɔ́ɔmɔ gedíelú na ɛdánɛ́.
19
Kanɛ Mesúge go oyana Mósɛsɛ: "Oyána Álɔŋɔ: 'Gɔ́lɔ́ gidímbo gáhɔ, o dóŋio ombɔ́gɔ yáhɔ naá miimpo má Egíbítene miimée, naá dofámbáláa dábɔ́, naá dosáncalɛ́a dábɔ́ dá ɛdɔ́bɔ́, naá bɛnɛmba bábɔ́ bá miimpo na naá bɛtɛmbatɛmba bábɔ́ biimée bá miimpo. Mó ná gunde manɔ́ŋɔ́: manɔ́ŋɔ́ má ná bɛ́ɛmba naá gɛdɔŋɔ giimée gá Egíbítene, naá muséní gedíelú na boɛ́tɛ, na naá mɔ́ɔmɔ gedíelú na ɛdánɛ́'."
20
Mósɛsɛ nɛhɛ́ na Álɔŋɔ go ŋa bɔ́ɔbɔ Kanɛ Mesúge a mbaá bó lɔsɛ́nɔ́. Álɔŋɔ go fediginye gidímbo, go góba miimpo má osaá, naá oŋgíso ya Falaɔ́ŋɔ na naá oŋgíso yá boyogóní bɛ́hɛ́; miimpo miimée má osaá go gunde manɔ́ŋɔ́.
20
Mósɛsɛ nɛhɛ́ na Álɔŋɔ go ŋa bɔ́ɔbɔ Kanɛ Mesúge a mbaá bó lɔsɛ́nɔ́. Álɔŋɔ go fediginye gidímbo, go góba miimpo má osaá, naá oŋgíso ya Falaɔ́ŋɔ na naá oŋgíso yá boyogóní bɛ́hɛ́; miimpo miimée má osaá go gunde manɔ́ŋɔ́.
21
Moɔbɔ́ mɔ́ɔmɔ naá osaá go gúenene púmú, osaá go dɛ́aŋa, batɔ bá Egíbítene bá dɛ gɔnɔ́ bɛa pɛ́ yá go bónyo miimpo má osaá, manɔ́ŋɔ́ go bɛ́ɛmba naá gɛdɔŋɔ giimée gá Egíbítene.
22
Kanɛ́ bɔsɛɔsɛ́ɔ bá Egíbítene na dobóga dábɔ́ go fitie gɛsɛɔ móanɛ. Odɛ́má yá Falaɔ́ŋɔ go lala, a báá lɔbɔ́ a dɛ bódólígínyóo Mósɛsɛ nɛhɛ́ na Álɔŋɔ, gɔgɔ́ aŋa Kanɛ Mesúge a mboó oyáa.
23
Falaɔ́ŋɔ go fíidie nnyimé, go gunde naá mɔ́ nnyaŋá; moóma mɔ́ɔmɔ mó lɛ́ kanɛ akɛ́ go mo gɔmbɛdɔ odɛ́má.
23
Falaɔ́ŋɔ go fíidie nnyimé, go gunde naá mɔ́ nnyaŋá; moóma mɔ́ɔmɔ mó lɛ́ kanɛ akɛ́ go mo gɔmbɛdɔ odɛ́má.
24
Batɔ bá Egíbítene biimée go díme dobɛ́láa dó géŋgelenye osaá, go go ɛ́na miimpo má go bónyo; goakɛ́ máama má osaá má mba lɛ́ kanɛ mbónyíínó.
25
Medúgú má mba dómbá mátáanɔ na máandɛ́ a bayɛga aŋa Kanɛ Mesúge a mbaá díéŋíe osaá.