ngala-francis-yas_exo_text

Gɛgɛgɛda 16

¹ Nɛbábánda niimée ná baaná bá Ɛ́sɛlahɛ́ɛlɛ go úlukie naá Élime, gáábɔ́ go ɛ́da bola naá giolóo gá Síne, gɛ́ lɛ́ o dómba Élime o bola naá Sineyíi, bó mba lɛ́ naá buisí bá buinyo naá ofɛ́ yá gáandɛ́ɛ yábɔ́ yá go húme naá gɛdɔŋɔ gá Egíbitene. ² Kɔ́ɔ nɛbábánda niimée ná baaná bá Ɛ́sɛlahɛ́ɛlɛ nɛ́ ɛ́damɔ́ go uŋgulineŋguline Mosɛ́sɛ nɛhɛ́ na Álɔŋɔ naá giolóo. ³ Bá bó gálagala báa mɔ́: "Ɛkádɛ ombɔ́gɔ yá Kanɛ Mesúge yó lɔ́mɔ́ kanɛ go có óna naá Egíbítene, anáa dɛ mbaá lɛ dɛ gɛ́ga, bɛtɛ́lɛ́a bá mesúgé bɛ́ gɛ́ga, dɛ nayáanana bɛlɛ́dɛ dɛ hóogonyo o? Goakɛ́ no lɛ́ úléelú nɛcɔ́ naá giolóo go go nco fúugie hɔ́ɔ na ncaná gitúu giimée gɛ́ɛgɛ." ⁴ Kanɛ Mesúge go oyana Mósɛsɛ a amɔ́: "Ɛ́ná kaá nyó niigínyée bɛlɛ́dɛ bɛ́ ɛ́da go úlene naá mmoɛná. Boɛ́nɔ bó ná ŋa bó húmene, bó báda, buisí go buisí, nɛnamá nɛ́ɛnɛ bá lɔ́mɔ́ ba go nyáanana, bó húme goŋaá mbó ága naá ɛmaga, ŋgɛ́na aáŋa bá gɛɛ́ ɛndáa ɛ́na bá dɛ gɛɛ́ ɛndáa, aŋa gicele gámɛ gɛ́ lɔ́mɔ́. ⁴ Kanɛ Mesúge go oyana Mósɛsɛ a amɔ́: "Ɛ́ná kaá nyó niigínyée bɛlɛ́dɛ bɛ́ ɛ́da go úlene naá mmoɛná. Boɛ́nɔ bó ná ŋa bó húmene, bó báda, buisí go buisí, nɛnamá nɛ́ɛnɛ bá lɔ́mɔ́ ba go nyáanana, bó húme goŋaá mbó ága naá ɛmaga, ŋgɛ́na aáŋa bá gɛɛ́ ɛndáa ɛ́na bá dɛ gɛɛ́ ɛndáa, aŋa gicele gámɛ gɛ́ lɔ́mɔ́. ⁵ Naá buisí bá gátáanɔ na gémmue, bá ná lɛ́ go gedegedie máama bá mbaá bádáa, bó ŋga bɛ́ɛ́mbá goŋaá nɛnamá ná miisí miimée nɛ́ búe ɛŋɛndɔ ɛhandɛ́." ⁶ Mósɛsɛ nɛhɛ́ na Álɔŋɔ go oyana Baaná bá Ɛ́sɛlahɛ́ɛlɛ nábɔ́ ná biimée bá amɔ́: "Hɛɔbɔ́bɔ́ɔ há ínoni, no gɔɔ́ ɔ́bɔ́ goŋaá a lɔ́mɔ́ Kanɛ Mesúge mɔ́ɔ a mbaá nyó húmíe naá gɛdɔŋɔ gá Egíbítene. ⁶ Mósɛsɛ nɛhɛ́ na Álɔŋɔ go oyana Baaná bá Ɛ́sɛlahɛ́ɛlɛ nábɔ́ ná biimée bá amɔ́: "Hɛɔbɔ́bɔ́ɔ há ínoni, no gɔɔ́ ɔ́bɔ́ goŋaá a lɔ́mɔ́ Kanɛ Mesúge mɔ́ɔ a mbaá nyó húmíe naá gɛdɔŋɔ gá Egíbítene. ⁷ Kanɛ́ na gɛyɛ́nɛ́, no gɛɛ́ ɛ́ná nigúmi ná Kanɛ Mesúge, goakɛ́ a lɛ́ ɔ́bɔ́ɔlú biuŋgúlú bɛ́nyɔ́ naá boayá bá Kanɛ Mesúge; goakɛ́ bɛɛcɔ́ dɛ lɛ́ ŋkádɛ, goŋaá no uŋguleŋgule nɛcɔ́ o?" ⁸ Mósɛsɛ a amɔ́: "Kanɛ Mesúge a gaá nyó fáá busugé bá go nyáa na hɛɔbɔ́bɔ́ɔ hɛ́ɛhɛ, na gɛyɛ́nɛ́, a nyó fáa bɛlɛ́dɛ no nyáa no hóogio, goakɛ́ Kanɛ Mesúge ɔ ɔ́ ɔ́bɔ́ biuŋgúlú bɛ́nyɔ́ bɛ́ɛbɛ no á ná lɛ na bɛ́ naá boayá bɛ́hɛ́; goakɛ́, bɛcɔ́ɔ moatɛ́ dɛ lɛ́ ŋkádɛ? Biuŋgúlú bɛ́nyɔ́ bɛ́ dɛ có núúnée, bɛ́ lɔ́mɔ́ na Kanɛ Mesúge." ⁹ Mósɛsɛ go oyana Álɔŋɔ a amɔ́: "Oyána nɛbábánda niimée ná baaná bá Ɛ́sɛlahɛ́ɛlɛ: 'Báyɛkánáamɔ́ nɔnɔ naá busío bá Kanɛ Mesúge, goakɛ́ a lɛ́ ɔ́bɔ́ɔlú biuŋgúlú bɛ́nyɔ́'." ⁹ Mósɛsɛ go oyana Álɔŋɔ a amɔ́: "Oyána nɛbábánda niimée ná baaná bá Ɛ́sɛlahɛ́ɛlɛ: 'Báyɛkánáamɔ́ nɔnɔ naá busío bá Kanɛ Mesúge, goakɛ́ a lɛ́ ɔ́bɔ́ɔlú biuŋgúlú bɛ́nyɔ́'." ¹⁰ Aŋa Álɔŋɔ a mbaá lɔmɔ́ o oyanɛna nɛbábánda niimée ná baaná bá Ɛ́sɛlahɛ́ɛlɛ, gáábɔ́ go gundie oŋgíso gɛayá gá giolóo, kɔ́ɔ nigúmi ná Kanɛ Mesúge nɛ́ bóloodiomú naá nogálámbá gadɛ́ɛ. ¹¹ Kanɛ Mesúge go ɛ́da go gálagala Mósɛsɛ a amɔ́: ¹² "Ŋgɔɔ́ ɔ́bɔ́ biuŋgúlú bá baaná bá Ɛ́sɛlahɛ́ɛlɛ. Bó oyánáamɔ́ go amɔ́: 'Naá kadɛ́gadɛ́ ya moɔbɔ́bɔ́ɔ móandɛ́, no ná nyáana busugé, aŋa gɛyɛ́nɛ́ gɛ́ bálamɔ́, no nyáanana bɛlɛ́dɛ no hóogio, no ná lɛnca no amɔ́ ndɛ́ Kanɛ Mesúge, Asaŋa bɛnyɔ́'." ¹³ Na hɛɔbɔ́bɔ́ɔ, mogɔdɔ go obana mó báá boáa nɛgɛ́ga nábɔ́; na gɛyɛ́nɛ́, gɛlɔndɔ́ go cábɛna gɛ́ báá géŋgélídíe nɛgɛ́ga nabɔ́. ¹³ Na hɛɔbɔ́bɔ́ɔ, mogɔdɔ go obana mó báá boáa nɛgɛ́ga nábɔ́; na gɛyɛ́nɛ́, gɛlɔndɔ́ go cábɛna gɛ́ báá géŋgélídíe nɛgɛ́ga nabɔ́. ¹⁴ Aŋa gɛlɔndɔ́ gá ndiemi gɛ́ mbaá ságɛ́ná, boóma bá go nyáa go síene naá mmoɛná ya cí ya giolóo, suúgudugudu aŋa camɔ́, boóma bá go nyáa bó púmene aŋa miimpo má isió, naá cí. ¹⁵ Baaná bá Ɛ́sɛlahɛ́ɛlɛ bá núune boóma, gáábɔ́ go ɛ́da go gálagala, mɔ́ɔnyɔ gá sɔ́gɔ́ɔ amɔ́: "Bɔ́ɔbɔ náana ɛkádɛo?" Goakɛ́ bá dɛ mbáa lɛ bí íyimene bɔ́ɔbɔ moánɛ. Mósɛsɛ go bó oyana a amɔ́: "Bó lɔ́mɔ́ gɛlɛ́dɛ gɛ́ Kanɛ Mesúge a nyó fáamɔ́ go manyáanya. ¹⁶ Náana gɔ́ɔ Kanɛ Mesúge a lɔ́mɔ́ lɔsɛ́nɔ́ɔlú: 'ŋgá onyɔ moánɛ a bándɛgɛna bɔ́ɔbɔ bó lɔ́mɔ́ manyáanya mɛ́hɛ́, usóyóo yúmmue go mɔtɔ, aŋa ombanɔ yá batɔ yɛ́nyɔ́ yó lɔ́mɔ́; onyɔ moánɛ a gɔlɔnɔ batɔ báaba bá lɔ́mɔ́ naá mɔ́ gincumu. ¹⁶ Náana gɔ́ɔ Kanɛ Mesúge a lɔ́mɔ́ lɔsɛ́nɔ́ɔlú: 'ŋgá onyɔ moánɛ a bándɛgɛna bɔ́ɔbɔ bó lɔ́mɔ́ manyáanya mɛ́hɛ́, usóyóo yúmmue go mɔtɔ, aŋa ombanɔ yá batɔ yɛ́nyɔ́ yó lɔ́mɔ́; onyɔ moánɛ a gɔlɔnɔ batɔ báaba bá lɔ́mɔ́ naá mɔ́ gincumu. ¹⁷ Batɔ bá Ɛ́sɛlahɛ́ɛlɛ go ŋa nɔ́ɔ; bá báá gógánáa, báaba gitúu, báaba gɔnɔ́ nɛnamá sɔŋɛ. ¹⁸ Gɔ́ɔ bɛ́ ɛ́damɔ́ go heege naá usóyóo; mɔ́ɔnyɔ a mbaá gógánáa nɛnamá gɛca, a lɛ́ kanɛ bɛa bá go dómbɛdana, tɔ́nɔ mɔ́ɔnyɔ a mbaá gógánáa nɛnamá sɔŋɛ, bá go mo taŋɛna bó lɛ́ kanɛ go bɛ́ɛmba. Onyɔ moánɛ a mba lɛ́ a gógana nɛnamá go manyáanya mɛ́hɛ́. ¹⁹ Mósɛsɛ go bó oyana a amɔ́: "Mɔtɔ a dɛ hóámá a dɛ bɛ́dɛ́gɛ́ná manyáanya má buisí má húme na gɛyɛ́nɛ́." ¹⁹ Mósɛsɛ go bó oyana a amɔ́: "Mɔtɔ a dɛ hóámá a dɛ bɛ́dɛ́gɛ́ná manyáanya má buisí má húme na gɛyɛ́nɛ́." ²⁰ Gɔ́ɔ bí inyemú go ɔ́bɛnɔ Mósɛsɛ, batɔ bóncoó go dɛ́ɛnana bó nco húme na gɛyɛ́nɛ; gɔ́ɔ ŋkibi sɛ́ íŋenemú, bó báá yɛkáa. Mósɛsɛ go duge odɛ́má na batɔ moánɛ. ²¹ Bɛyɛ́nɛ́ biimée, mɔtɔ a mba lɛ́ a gógana goana bɔ́ɔbɔ a lɔ́mɔ́ ba go nyáa; aŋa gofɛ́ɔ gá gɛonyá gó bolamɔ́, buimée bó sáncoga. ²² Naá buisí bá gátáanɔ na gémmue, gáábɔ́ go bándɛna madáŋɔ máandɛ́ má manyáanya, isóyóo ɛhandɛ́ go mɔtɔ.Bafɛanɔ́ɔ biimée bá Ɛ́sɛlahɛ́ɛlɛ go nco go oyanɛna Mósɛsɛ bosɔ́mɔ buimée. ²² Naá buisí bá gátáanɔ na gémmue, gáábɔ́ go bándɛna madáŋɔ máandɛ́ má manyáanya, isóyóo ɛhandɛ́ go mɔtɔ.Bafɛanɔ́ɔ biimée bá Ɛ́sɛlahɛ́ɛlɛ go nco go oyanɛna Mósɛsɛ bosɔ́mɔ buimée. ²³ Kanɛ́ Mósɛsɛ go bó oyana a amɔ́: "Gɛlɔsɛnɔ gá Kanɛ Mesúge gɛ́gɛ́ɛ. 'Nembeli a lɔ́mɔ́ buisí bá godúuge, gimmúmpúu gá sábadɛ yáŋónáalú go busío bá Kanɛ Mesúge; námbáa nɔnɔ bɔ́ɔbɔ bó lɔ́mɔ́ bá gonámba, tɔ́nɔ no óya bɔ́ɔbɔ bó lɔ́mɔ́ ba goóya, no beŋe gó ɛ́da húme na gɛyɛ́nɛ́ buimée bɔ́ɔbɔ bó síenemú. ²⁴ Gɔ́ɔ bá bɛ́dɛganamɔ́ bɔ́ɔbɔ bó mbaá síéné, naá golɔsɛnɔ gá Mósɛsɛ; bá ndiemi bó lɛ́ kanɛ go yɛka, ɛ́na go iŋe ŋkibi. ²⁴ Gɔ́ɔ bá bɛ́dɛganamɔ́ bɔ́ɔbɔ bó mbaá síéné, naá golɔsɛnɔ gá Mósɛsɛ; bá ndiemi bó lɛ́ kanɛ go yɛka, ɛ́na go iŋe ŋkibi. ²⁵ Mósɛsɛ go oyɛda a amɔ́: "Nyáánánáa nɔnɔ bɔ́ɔbɔ moánɛ ínoni, bó lɔ́mɔ́ buisí bá gɛandɛna; ínoni no do gaá bɛáa bá go gógana go hanyɔ́. ²⁶ Bó ná ŋa medúgú mátáanɔ na búmmue no gógana; kanɛ́ bá gátáanɔ na gáandɛ́ɛ bɔ́ɔbɔ bó lɔ́mɔ́ gɛandɛna, boóma bó do ná bɛ́ɛmba." ²⁶ Bó ná ŋa medúgú mátáanɔ na búmmue no gógana; kanɛ́ bá gátáanɔ na gáandɛ́ɛ bɔ́ɔbɔ bó lɔ́mɔ́ gɛandɛna, boóma bó do ná bɛ́ɛmba." ²⁷ Buisí bá gátáanɔ na gáandɛ́ɛ, nɛnamá ná batɔ naá boɛ́nɔ go húmene go go góganana, go lɔbɛnɔ kanɛ go gíde boóma. ²⁸ Kɔ́ɔ Kanɛ Mesúge o oyanamɔ́ Mósɛsɛ a amɔ́: "A húme nikíní gɔ́ɔ no nɛ́ ɛ́danamɔ́ no inyene go gumbene bɛlɔsɛnɔ bámɛ na bicele bámɛ o? ²⁸ Kɔ́ɔ Kanɛ Mesúge o oyanamɔ́ Mósɛsɛ a amɔ́: "A húme nikíní gɔ́ɔ no nɛ́ ɛ́danamɔ́ no inyene go gumbene bɛlɔsɛnɔ bámɛ na bicele bámɛ o?" ²⁹ Gɔ́lɔ́ nɔnɔ goŋaá Kanɛ Mesúge a á nyó fáá gɛandɛna; go busío moánɛ gɔ́ɔ a nyó fáananamɔ́ madáŋɔ máandɛ́ naá buisí bá gátáanɔ na gémmue. Onyɔ moánɛ a lukumene tehée naá undukí yɛ́hɛ́, a dɛ húmé naá hoóma háaha a lɔ́mɔ́ hɔ́ɔ naá buisí bá gátáanɔ na gáandɛ́ɛ. ³⁰ Boɛ́nɔ go dúuge naá buisí bá gátáanɔ na gáandɛ́ɛ. ³¹ Batɔ bá Ɛ́saɛlahɛ́ɛlɛ go dóŋɛnɔ manyáanya mɔ́ɔmɔ bá amɔ́: 'mána'. Ma mba lɛ́ má fóanana camɔ́ sá bɛgɔdɛ́nɔ́ nnámbɔ́ɔ (koloyándɛlɛ). Má mba lɛ́ memúmpúu, má sɛma gɛlɛ́dɛ gá megúdé má pɔ́ŋɛ́. ³¹ Batɔ bá Ɛ́saɛlahɛ́ɛlɛ go dóŋɛnɔ manyáanya mɔ́ɔmɔ bá amɔ́: 'mána'. Ma mba lɛ́ má fóanana camɔ́ sá bɛgɔdɛ́nɔ́ nnámbɔ́ɔ (koloyándɛlɛ). Má mba lɛ́ memúmpúu, má sɛma gɛlɛ́dɛ gá megúdé má pɔ́ŋɛ́. ³² Mósɛsɛ go oyɛda a amɔ́: "Gɛlɔsɛnɔ gá Kanɛ Mesúge gɛ́gɛ́ɛ: 'Ŋgá bá bɛ́dɛgɛna usóyóo yúmmue yá ɛlɔmbɔ ɛhandɛ́ dácɛ na mána go nogɔgɔ́ nɛ́nyɔ́ nɔ́ɔnɔ nó úlenemú; goŋaá buisí bɛ́ ɛ́na gɛlɛ́dɛ gɛ́ɛgɛ yɔmɔ́ɔ Kanɛ Mesúge mmbaá nyó nyíígíe naá giolóo, naá nyimé ya go nyó húmie naá gɛdɔŋɔ gá Egíbítene'." ³³ Kanɛ́ Mósɛsɛ go oyana Álɔŋɔ a amɔ́: "Gɔ́lɔ́ iséní, u hóogio kɔ́ɔ usóyóo yá mána, o hɛ́ dágɛga naá busío bá Kanɛ Mesúge, bá hɛ́ bɛ́dɛgɛna go busío bá dogɔgɔ́ dɛ́nyɔ́ dá goúle. ³³ Kanɛ́ Mósɛsɛ go oyana Álɔŋɔ a amɔ́: "Gɔ́lɔ́ iséní, u hóogio kɔ́ɔ usóyóo yá mána, o hɛ́ dágɛga naá busío bá Kanɛ Mesúge, bá hɛ́ bɛ́dɛgɛna go busío bá dogɔgɔ́ dɛ́nyɔ́ dá goúle. ³⁴ Naá gɛlɔsɛnɔ gɛ́ɛgɛ Kanɛ Mesúge a mbaá fáá Mósɛsɛ, Álɔŋɔ go ɛ́da hɛ́ dágɛga naá gisímbí gá gɛlada, goŋaá bá hɛ́ bɛ́dɛgɛna. ³⁵ Baaná bá Ɛ́salahɛ́ɛlɛ bá mba nyáánánáa mána nnyómá otíno áhandɛ́, bó bɛ́ɛ́ ɛ́dá húme aŋa mbɛɛ́ ɛ́dá bola naá gɛdɔŋɔ gɛ́ɛgɛ batɔ bá mbaá lɛ bá gɛ́ga kɔ́ɔ; bá báá nyáánánáa mána go ɛ́da húme aŋa bá mbɛɛ́ ɛ́dá bola naá ɛmbálá ya gɛdɔŋɔ gá Kanáana. ³⁶ Usóyóo yá ɛlɔmbɔ ɛhandɛ́ yó lɛ́ gɛɔdɔ́ɔ gá bísini (ɛfa).