¹ Ibuku lya luko lwa Yesu kilisitu umwana wa Deveti, mwana wa Abulahamu . ² Abulahamu akawa we tata wa Ayizeki sona u Ayizeki tata wa Yakobe, Yakobe tata wa Juda nabakulu bake ³ .Juda akawa wetata wa Perezi nu Zera akapapa nu Tamara, u Perezi akawa we tata wa Heziloni sona u Hwziloni tata wa Ramu. ⁴ Ramu akaba we tata wa Aminidabu, Aminidabu tata wa Nashoni, wepe u Nashoni tata wa Salmoni. ⁵ Solmoni akaba we tata wa bowazi akapapa nu Rahabu, Bowazi akaba we tata Obedi akapapa nu Ruti, Obedi akaba we tata wa Jesse. ⁶ Jesse akaba we tata wa Daveti umalafyale, Daveti akaba wetata wa Solomoni akapapa nu mukasi wa Uriya. ⁷ Solomoni akaba we tata wa Rehobowamu, Rehobowamu akaba we tata wa Abija, Abija tata wa Asa. ⁸ Asa akaba we tata wa Jehoshafati, Jehoshafati tata wa Jolamu sona u Joramu munyenya wa Uziya. ⁹ Uziya akba we tata wa Josamu, Josamu tata wa Ahazi, Ahazi akaba we tata wa Hezekiya. ¹⁰ Hezekiya akaba we tata wa Manansi, Manansi akaba we tata Amoni ,Amoni akaba we tata wa Josiya. ¹¹ Josiya akaba we munyenya wa Jekoniya nabamukulu wake pakabaliro kobakakoliwagha ku Babeloni. ¹² Panyuma mobali mubukoliwa ku chisu cha Babeloni, Jokiya akaba we tata wa Shelotiyeli, Shelotiyeli akaba we munyenya wa Zerubbabeli. ¹³ Zerubabbeli akaba we tata wa Abiyuda, Abiyuda tata wa Eliyakimu sona Eliyakimu tata wa Azara. ¹⁴ Azara akaba wetata wa Zadoki, Zodaki tata wa Achimu, Achimu tata wa Eliwudi. ¹⁵ Eeliwudi akaba we tata wa eliyaza, Eeliyaza tata wa Matani wepe uMatani akaba we tata wa Yakobe. ¹⁶ Yakobe akaba we tata wa Yosefe umulume wa Maliya yuyo u Yesu akapapiwamo yo akwitisiwa ukuti Kilistu. ¹⁷ Uluko losi ukufuma kwa Abulahamu ukufika kwa Davidi lukabapo fotini (14), ukufuma po u Deveti akakoliwa ku kchisu cha Bebeloni uluko lukaba fotini (14) , ukufuma po bakakoliwa ku chisu cha Bebeloni ukufika kwa Kilisitu uluko liukaba fotini (14) ¹⁸ Ukupapiwa kwa Yesu Kilisitu kukawa ngati ulu. Umayi wake Mary, akasingiliwa nu Marry kwa Yosefe, bo akali ukubapoka nawe akaghiwa ukuti alinichifuba icha Mbepo mwikemo . ¹⁹ Loli UYosefe, umulume akaba mundu yumo musubiliwa sona wabwanaloli atakalondagha ukuti afumusye kubandu nukumuywelula uMaliya loli akalondagha ukuti umuleke mwachisisi. ²⁰ Bo akali akwinong'ona ichi, umungelo wa chala akamumonekela u Yosefe mumaloto, akayugha, '' Yosefe mwana wa Davidi, manye upasye pakumwegha uMaliya ukuba mukasi wako, chifukwa yo amupile ichifuwa (ulufukwe lwa mwana)icho we mbepo mwikemo. ²¹ Tise apape umwana umwanalume sona tukamwitisye ingamu ukuba we Yesu, papo weyo akuyupoka abandu bosi kumbiwi.'' ²² Fyosi ifi kabombiwa ukuti fikwanilisiwe fyosi fyofikayughiwa nu Chala ukwendela mubasoli, akayughetam , ²³ ''Keta umulindu akuya pakuba nichifuwa(ulufukwe lwa mwana mukati) nukupapa umwana umwanalume , yo tibakwiyisye ingamu yakuti Immaniwelo ching'anamula ukuti, uChala alinuswe.'' ²⁴ U Yosefe akanyamuka mutulo akabomba chicho umungelo wa Chala akamulamula ukuti abombe po akamwegha ukuba ngati mukasi wake. ²⁵ loli atakamumanya mukufika po akapapagha umwana umwana lume. po akamwitisya ingamu ukuti Yesu.