¹ Nga awaya mumbalama yakwe sumbi ku chiputulwa cha . ² Ala pano Yesu wafuma muwato, zuwazuwa akwiza kwe weliwe umunthu wino wafumile ku manda wino walinji ni mizimu miwipe. ³ Umunthu wino wikalanga ku malalo. Awanthu wapotwanga ukumunyepa, niminyololonye. ⁴ Wanyepwanga imphindi mvule niminyololo. Waputulanianga iminyololo, wakontholanianga navino wamunyepelelanga kweneko. Kutalinji nanthi wumwi wino wanga amuleme. ⁵ Uwusiku wonsi numusanya wikalanga ku malalo namu myamba, walilanga nu kuyilembanianga na mawe amakole. ⁶ Pano walola e Yesu apatali, amusamalila afika amusokowalila. ⁷ Alila nkhani nizwi kulu, ''ningakuchitila chani Yesu mwana wamwi Lewelewe e Leza? Nkhukulenga mwekwe Leza umwenecho, ati utakati unjonone.'' ⁸ Pakuti watinji kwe weliwe, ''Fuma mu munthu wee, we muzimu wuwipe.'' ⁹ Amukolowozya ati, ''Izina lyako weweni?'' Amutolelela ati, ''Izina lyane ne Liumba, pakuti swe wavule.'' ¹⁰ Atwalilila ukumulenga Yesu ukuti atakize afumye imizimu munsinye yoyo. ¹¹ Nomba kwalinji iwumba lya kapoli lyalyanga mumwamba, ¹² apano imizimu imulenga ukuti, '' Tutume mwa kapoli, leka twinjile mwenemo.'' ¹³ Apano ayizumilizya; imizimu miwipe ifuma iyinjila mwakapoli' awasamala awichilila umwamba awaponela mwe sumbi, imphendwa ya wakapoli wano wamwezile mwe sumbi kwalinji 2000. ¹⁴ Wawo wano wachemanga wakapoli awasamala awaya awavwanga chino chichisilwe mukaya na munsi yawo, apano awanthu awaya mukulola vino vyachitisile. ¹⁵ Apano awaya kwe Yesu apano awalola umunthu wino walinji ni mizimu iyiwipe, nga umunthu wino walinji nimizimu iyiwipe, ayisile paponye, wazwitwe apano mumenganio yakwe amazima; apano atina. ¹⁶ Wawo wano waweni chino chachitisilwe ku munthu wamizimu miwipe awawuzya pamulandu na cholicho muwulondolozi, swinya awawuzya pamulandu nawa kapoli. ¹⁷ Apano awatalika ukumulenga ukuti afume mukaya. ¹⁸ Pano winjilanga muwato, umunthu wamuzimu wuwipe amulenga ukuti awe nawe. ¹⁹ Nomba e Yesu ata zumilizizye, apano ati kwe weliwe, '' Pitanga kung'anda yako naku wanthu wako mukawawuzye vino Imfumu yiwomvile kwe wewe, navino akulanjizizye inkhumbu.'' ²⁰ Nga apita atalika atalika awalumbilila mu malo ivinthu vikulu vino Yesu wachisile kwe weliwe, nawonsi awazunguka. ²² Pano Yesu walamba swinya kumbali yinji muwato, iwumba kulu alimiliwilizya, pano walinji mumbali ye sumbi. ²¹ Apano wenga uwa nthunguluzi zya Sinagogi izina lyakwe Jayilosi ayiza amulola, apona pamanama yakwe. ²³ Awalenga swinya ati, '' Umwana wane umukazyana ali papipi nukufwa. Nkhulenga zanga uwike amakasa pakwe weliwe alyakuti apole awa nuwumi.'' ²⁴ Apano apita nawe niwumba alyamukonkha awamupalamila papipi. ²⁵ Apano umwanachi walinji penepo wino wafumanga uwazi pamyaka ikumi na yiwili. ²⁶ Wayimvile nkhaninye wasing'anga wavule nukusumba vyonsi vino walinji navyo nomba indwala yapitilizile. ²⁷ Pano wivwile ichimanyisyo pamulandu nu Yesu, amukonkha munsizi mwi wumba nga alema umwinjila. ²⁸ Pakuti watili, '' Ndi ningalemavye umwinjilo, nandi mpole.'' ²⁹ Ala walema, ukufuma kwa wazi akuleka, ayivwa umuwili wakw ukuti wapola kundwala. ³⁰ E Yesu mwezuwazuwa ayizuka ukuti amaka yafuma mwe kwe weliwe. Apiluluka kwiwumba ati, '' weweni wino wankhumya ku mwinjilo?'' ³¹ Awasambilizi wakwe awati kwe weliwe , '' Lolani awanthu wano wakuliwizizye, apano mukuti, 'weweni wawakumya?''' ³² Nomba Yesu alolechesya azyunguluka ukuti weweni wachiomvile. ³³ Umwanachi amanya chino chachisilwe kwakwe weliwe atina azakaza. Ayiza apona kwe weliwe amuwuzya ichisinkha chonsinye. ³⁴ Ati kwe weliwe, '' Mukazyana, isuwilo lyako lyakupozya. Pita umutende pola kundwala yako.'' ³⁵ Pano achili akuvwanga, awanthu wamwi awiza ukufuma kunthunguluzi zye Sinagogi, awati, '' Umwana umukazyana afwile. Ngachani chino ukutwalilila ukutamya umusambilizya?'' ³⁶ Ngapano Yesu wizile ayivwa ilandwe lino lya vwanzilwe, ati kunthunguluzi zya Sinagogi, '' Utakati uwatina. Suwila.'' ³⁷ Atazumilizye nanthi wenga, suka e Petulo, Yakobi nu Yohani, awanyina ne Yakobi. ³⁸ Awiza afika pang'anda ya nthunguluzi iya Sinagogi alola awanthu awavule wakupanga ichongo; walila ngawakupundisya. ³⁹ Pano winjizile mung'anda, alanda kwe weliwo, '' Achani mukuyilizyania mukulila chani? Umwana atafwile ukuwa alazile. ⁴⁰ Awamuseka. awafumizya panzi asenda eyisi, enyina wamwana nawano alinji nawo, ayinjila aya pano umwana walinji. ⁴¹ Wasenzi ikasa lya mwana wamunena ati, ''Talita Kumi'' chino chasulanga, 'mukazyana, inkhuti kwe wewe katuka.'' ⁴² Paponapapo umwana ayimilila, awapita pakuti walinji ni myaka ikumi na yiwili. Paponapapo awazunguka nkhaninye. ⁴³ Wizile awalesya ukuti patakawe uwakumanya pe choo. Awanena ati, '' Mupani chimwi ichakulya.