¹ Nomba wonsi awakasontchezya misonkho na wembuke awiza kwe Yesu ukuti wateyelezye kwe weliwe. ² Wonsinye awa Farisi na wakawalika awayilizania wenga ku muwuye, awati, ''U munthu wee akupochelela awawembu, swinya akulya nukulya na woliwo. ³ Yesu avwanga umulumbe woo kwe woliwo, ati, ⁴ ''Wuzye weweni mwakwe, ndi ali ni ng'onzi umwanda nga pano yonga mwakwe zyolizyo yasowa, atalisya amakumi mufundikambali ni mfumila mufundikambali mu lupalang'ang'a nu kukonkha insowe suka ayizane? ⁵ Ngapano ndi ayizana, ayiwika pa viweya vyakwe awazewela. ⁶ Pano wiza kung'anda, ayita apaliponga iviwuzya vwakwe nawa palamani, ati kwe woliwo, 'Muzewele na nene, amuno nayizana ing'onzi yane insowe. ⁷ Nkhuti kwe mwemwe, awuliwonga, muliwa ichimwemwe mwiyulu pa muwembuke wonga wino watontholokwa, awavule ukulusya awanthu amakumi mufundikambali ni mfumila mufundikambali wano watakolendeka ukuti watontholokwe. ⁸ Pamwi mwanachi chi wino ali ni ndalama ikumi, ndi angasovya yonga, atanga kozye inyali, apyela ing'anda, nu kuvwamba ichete chete suka ayizane? ⁹ Pano ayizana, akakwita apaliponga iviwuzya vyakwe na wapalamani, ati, 'Muzewele na nene, amuno injizanile indalama yino nasovizye.' ¹⁰ Awuli wonga, nkhuti kwe mwemwe, kuli ichimwemwe pa minso ya wangelo wakwe Leza pakwe wonga umuwembuke wino watontholokwa.'' ¹¹ Ngapano Yesu atili, ''U munthu wumwi alinji na walumendo wawili, ¹² nga umutichi mwakwe woliwo atili kwe yisi, 'Tata, mpa imbali ya nsawo yino ayane.' Achaleka ayankhania ivyakwe pakasi pakwe woliwo. ¹³ Nanthi amanda yavule ukupita, umutichi awunganika apaliponga vyonsi ivyakwe nga aya kunsi yakutali, nga kulyanye ayonona insawo zyakwe zyonsi pa kwikala sita sayila. ¹⁴ Lelo pano wasumbania chilichonsi, inzala inkhulu ayisata kunsi yonsi yilyanye, nga atalika ukulonda. ¹⁵ Aya nu kwinjila intchito kwe wonga uwa kunsi yilyanye, wino atuma weliwe kuvyalo vyakwe ukuzuwila wakapoli. ¹⁶ Angatemwa nu kulya amapapa yano wakapoli walyanga umulandu nanthi wenga apile weliwe chilichonsi. ¹⁷ Ukuwa pano umulumendo umutichi ayiluka, atili, 'Wuzye wanga awawomvi wakwe tata wane wali ni chakulya ichivule ukulusya, apo ndi paa, nkhufwa ni nzala! ¹⁸ Nandi mfume koo nu kuya kwe tata wane, nga nditi kwe weliwe, 'Tata, nawembuka kwiyulu nakwe wewe. ¹⁹ Nthayanine ukuti nitwe u mwana wako; umbike ngati ne wonga wa wawomvi wako.'''' ²⁰ Achaleka umulumendo umutichi afuma nu kwiza kwe tata wakwe. Pano wachilinji ukutali, e tata wakwe amulola nga ichilanda chamulema, nga amusamalila nu kumukukula, nu kumufyompha. ²¹ U mulumendo atili kwe weliwe, 'Tata, nawembukila mwiyulu na kwe wewe. Nthayanine ukuti nitwe umwana wako.' ²² E tata atili ku wawomvi wakwe, 'Letani wangu umwinjilo wuzima, nu kumuzwika, nu kuzwika imbalaminwe mwi kasa lyakwe, ni ndatu kumatamba yakwe. ²³ Ngapano letani umwana wa ng'ombe umwine nu kumukoma. Muleke tuzewele ni chakulya! ²⁴ Amuno umwana wane walinji amufwe, nga nomba amumi. Walinji amusowe, nga nomba wazanwa.' Nga awatalika ukuzewela. ²⁷ Lelo umulumendo wakwe e songo walinji ku chalo. Pano akwiza nu kupalamila ku ng'anda, ayivwa indwimbo swinya ukuchina. ²⁶ Ayita wonga wa wawomvi nu kukolowozya ivinthu vyoo vingawa achani. ²⁵ Umuwomvi atili kwe weliwe, 'Umunyoko awezile nga a tata wako akomile umwana wa ng'ombe umwine umulandu awezile umutende.' ²⁸ ''Umulumendo e songo avitwa swinya akana nu kuya mwenemo, nga e tata wakwe afuma kunzi nu kumulambilizya. ²⁹ Ukwa umulumendo songo atolelela nu kuti kwe tata wakwe, 'Lola, yoo imyaka iyivule nakuwombelanga ngati ne muzya, swinya nthatela nsule amasundo yako, lelo utatela umphe nene umwana wa mbuzi ukuti ningazewela ni viwuzya vwane, ³⁰ kweni umwana wako wiza, wino wonona insawo zyako na wa malaya, wamukomela umwana wa ng'ombe umwine.' ³¹ E yisi atili kwe weliwe, 'Mulumendo, wunji uli nane, penye, swinya vyonsi vino avyane avyako. ³² Ukuwa chalinji achizima kwe sweswe ukuti tuwe ni nsansa, amuno wee umunyoko walinji amufwe, nga nomba amumi; wasovile, nga nomba wazanwa.''