¹ Paulo, umutumwa-wino atafumila ku wanthi pamwi mwiwumba lya wanthu, kweni ukwizila mwizina lya Yesu Kristu ne Leza Tata, wino wakatusizye weliwe kuwafwe- ² Nga nawonsi awanyina wano wali na nene, muchiwanza cha Wagalatiya: ³ Inkhumbu kwa kwe mwemwe nu mutende uwakufuma kwe Leza, Mukwasi witu ni Mfumu Yesu Kristu, ⁴ Wino wayilesile wenga umulandu wa mawembuko ukuti atupususye ku nkhwatwa yonye yoo, ukulingana nukulonda kwakwe Leza witu Mukwasi. ⁵ Kwa weliwe kuwe uwuchindame uwa muyayaya. Amen. ⁶ Newakuzunguka pakuti mukunyochela wangu kwe wino wawisile mwemwe muluse lwakwe Kristu. Nene nazunguka pano mwanyochela kwizwi linji, ⁷ asa chakuti kuli amazwi yanji. kweni pali wamwi wano wakuwachuzya swinya wakulonda ukuluvyania elandwe lyakwe Kristu. ⁸ Kweni ndi sweswe pamwi awangelo awakufumilila kwiyulu wakuwizya amazwi ayakupusana nayano twawawilizile, atipwe. ⁹ Ndivino twalanzile kali panthaliko, nkhuvwanga swinya nkhuti, '' Nanthi wumwi akuwizya amazyu yano yakupusana nayano mwivwa, atipwe.'' ¹⁰ Wuzye nene nkhulonda ukukundwa na wanthu pamwi ne Leza?Pamwi nkhulonda ukusechelesya awanthu? Nanthi nene nkhulonda ukusechelesya awnthu, asa ne muwomvi wakwe Kristu. ¹¹ Wanawitu nkhulonda mumanye, ukuti, ilandwe lino nawawizizya asa landwe lya wanthu. ¹² Nthapochelela ukufuma ku munthu wumwi pamwi ukusambilila. Mumalo mwakwe, kwalinji akuwumbulika kwe Yesu Kristu kwe nene. ¹³ Mwivwa kali imyikalile yane iya chi Yuda, muno nachuzizyanga ichiwanza cha kwe Leza pasi nanthi chipimo swinya navwambanga ukochonona. ¹⁴ Nachimvyizye mu chi Yuda ukulusye awavule wakwe woliwo awankhulo, awakufumila mu wanthu wane. Moo amuno nawombnga ukulusye inthambi zya wakwasi wane. ¹⁵ Kwe pano e Leza, wino wansozile nene muwula wakwe mama wane, wino wansozile kuluse lwakwe, ¹⁶ wasechelesizwe ukuwumbula ivya mwana wakwe mwa kwe nene ukuti nkhamuwizizye kumakandi, nthawuzichizye paponapapo ku muwili nu wazi. ¹⁷ Nthatela inkhwele nanthi akuya ku Yerusalem muku wawo walinji awatumwa lyo nthanimbeko, Kweni nayile ku Arabiya nga inyochela ku Damasika. ¹⁸ Kweni lyo kwapita imyaka yitatu, nizile naya kwe Yerusalemu ukuti imumanye e Kefasi swinya nikazile nawe amanda ikumi na yasano. ¹⁹ Kweni naponye nsitela ndole umutumwa wiliwensi ukufumya Yakobi umunyina ni Mfumu. ²⁰ Kweni vino nkhuwawalichila, nkhuwasimichila ukuti paminso yakwe Leza ukuti nthakuwawipa. ²¹ Naponye nayile mutwaya twamu Siriya na mu Silisiya. ²² Kweni nthamanyikwanga ichinso chane kuviwanza vyaku Yudeya wano wali mwe Kristu. ²³ Kweni wivwangavye ukuti, '' Umunthu wino watuchuzyanga sweswe kanonzi ukuwizya amazwi matele isuwilo lino welezizye ukonona.'' ²⁴ Apano watumvizye e Leza ukupitila mwakwe nene