^{1 2} Pauli, u mupositole wakwe Kristu Yesu ukupitila mu kulonda kwakwe Leza, Ku wanthu awatele wa mu Efeso, wano awasuwilwa mwakwe Kristu Yesu. ² U wila kwe mwemwe nu mutende ukufuma kwe Tata witu swinya i Mfumu Yesu Kristu. ³ Lekani e Leza swinya Tata wa Mfumu yitu Yesu Kristu yitumvwe, wino atulosile sweswe na mawulotwe yonsi ya mu wuzimu mumasyo ya mwiyulu mwe Kristu. ⁴ Leza wasozile sweswe mwe weliwe ukufuma pantaliko yansi ya pansi, ukuti tungawa swe watele swinya nanti akampisya muminso yakwe mu lukundo. ⁵ Leza wasozile sweswe pantaliko ukulelwa vino awana wakwe ukupitila mwe yesu kilisitu, ukulingana nuwuzima wakusechelesya uwa kulonda kwakwe. ⁶ Ukulelwa kwitu kukuleta ukuwumbula kwa wuchindame wa wila wakwe kuno atupile pawila mwe Wenga wino wamukunda. ⁷ Mwakwe yesu Kristu tuli nuwukombolwe ukupitila muwazi wakwe nukutetelwa kwa mawembu, ukulingana ni nsawu zya wila wakwe. ⁸ Atukunkhumulila u wila woo pakwe sweswe namano yonsi nuwumanyichisye. ⁹ Leza wapanzile ukumanyikwa kwe sweswe ichakulondwa ichivwame mukulonda kwakwe, ukulingana kwechino chikumusechelesya, nachino walolesizye mwe krisitu ¹⁰ ukuti apekanie nu kufichilwa kwa mpindi, pakuleta vyonsi ponga, ivintu vyonsi mwiyulu ni nsi yapansi, pansi pamutwe wonga, Kristunye. ¹¹ Mwakwe krisitu twasoziilwe ukuwa awa mpyani. Twelenganizizwe pantaliko ukulingana nuwutantiko wakwe weliwe wino aka womba chilichonsi ukulingana nukulonda kwakwe. ¹² ELeza wasozile sweswe ukuwa anpyani alyakuti, wano awantaliko ukuchetekela mwe Kristu, chiliwa achitunvyo cha wuchindami wakwe. ¹³ Mwe Kristu, namwenye, mwalile pano mwivwa amazwi ya chisinka, ilandwe lyipususyo lyinu, mwasuwalizile mwe weliwe nga amumamatichizwa nilayizyo lya Muzimu Umwimichile, ¹⁴ wino akusimichizya kwi pyani lyitu ukufichila twasenda ivisinza ivikwane, kuwutunvyo wawu chindami wakwe. ¹⁵ Pa mulandu wakwe choo, kalinye nivwile isuwilo lyinu mu Mfumu Yesu nu lukundo lwinu ku wanthu wonsi awatele wakwe Leza, ¹⁶ Nthaleka ukusalifya Leza muno mwemwe ndi nkulumbula mwemwe mu mapepo. ¹⁷ Nkupepa kuno Eleza wa Mfumu yitu Yesu krisitu, e Tata wawu chindame, alipa kwe mwemwe u muzimu wamano nu kuwumbulika mu wumanyichisye wakwe weliwe. ¹⁸ Nkhupepa kuno aminso ya mwenzo winu yakozwe, ukuti mumanye ukupechela kwe chino wa wita mwemwe ni nsawu zya wuchindame wi pyani pa wantu wonsi awatele awa kwe Leza. ¹⁹ Mumapepo yane nkhulenga kuno mumanye uwukulu wamaka yakwe ayantakolania kwe sweswe wano tukusuwila, ukulingana nimiwombele yawukulu wamaka yakwe. ²⁰ Yaa amaka ayoliyonga yano wawombezile mwe Kristu pano wa muzyulupusizye ku wafye nukumwikazya kwi kasa lye ndilo mumasyo ya mwiyulu. ²¹ Wikazizye krisitu papela pakwe pa kuvinda konsi ni nsambu na maka nukuvindila, ni zina lyonsi lino lyisilwe. Kristu alivinda, asa mumpindi vye yoo, kweni swinya na mumpindi yino yikwiza. ²² Leza wawika ivintu vyonsi pansi pamatamba ye Kristu nga apa weliwe ku chiwanza ukuwa amutwe wa vintu vyonsi. ²³ I chiwanza amuwili wakwe, ukufichilikwa kwakwe weliwe wino akafichilisya mwa kwe vyonsi.