Pasal 1
Pive wa Yudas
1
Wa Yudas tata Yesus ba pouke pa Yakobus jouke keike te teba Ai Allah keleuw pa pipate kele tewa teba tetu wate te tata Yesus Kristus.
2
Noira pipate pa pepei efe e teuw lewala neumeme.
Allah rere kewefe teba jaa te tete fee
3
Joupa lala eve e ua we ni ena nave ropou japouw ni leiko tete mea kei eve hama nene ni hiu eute efe ropou ni lete me pa ni wa era eina bamua.
4
Ana teba nipa teja roropa teuw kei teba lopa tereiko reire tewefete te teba leutu ka teba tata janoke te ta kiki te,pa teba hiupala fefe heimofeu pa teba tata Yesus Kristus te lala oute. Ana teba te nipa teja roropa teuw kei teba lopa tereiko reire tewefefe te teba leutu ka teba tata janoke te ta kiki te pa teba hiupala fefe heimofeu pa teba tata Yesus kristus te lala oute.
5
Ni leute me peukoko,anara me peuw bamua tata teba pa keike keileuw Mesir ka meukei teute. pa teba ke leuw te laka ke ta qute ka.
6
Pa teba fa'apa keuho-keuho tevte te laka pa jee teite terifa te a kele la rantai keike wa loupa to wawa,pa te teko ba a pe te ke la fefe le.
7
Noira Sodom pa Gomora,wala bame tutu moteuw teute nya,te japa hiupala fefe heimo,pa ja lelepa fefe fa te te e ja teba puu teuka.
8
Noira tea wea,epa teite wowo terena houw,jaefe mo neutete,te reujate pa ja lelepai efe tenaja.
9
Kebafapa bati keike Mikhael Musa eiha ke teba te e pa kehala piti feu ra ti kelaka te tei ke leu noia,jalelepa we,tata e pi kelele.
10
Pa teba pijajiete,ja lelepa terika i te oute te pumoteuw,jalelepa wa hiupala teite kei anara jako japate ete hiupalara ka ja lelepa wea te ketaqu-qule.
11
Fee tewei! Terala leuw Kain kai anaira jalelepa fefe Bileam lemoteu tejajuete,kei taqu-qu teuw anara ja taqu korah.
12
Kewe anara neule tetemoteu perjamuan kasihmu hiupala roworaka telapa ja tetala te ana ata teuoko pa foura maka ana atu feka kekati kateu teanara riteuw,moutew pa naleka te ana riteuw a a te lela halipa.
13
Teana tio pa tototeu pa pu u feufeuw keike anara hiupala fetete te ana ha afia eumoteu,kei te,rapa pa kowi batotou ke leulete tele.
14
Teba weara Henokh,le nahipa pa'ali wa Adam pifetete nefoufo,tata keteu,kekala teba lelepa,teba touw.
15
Rere hetou fefe teba pa,teba fasik te japa janopa fefe tete ete,ja lelepa kete moute neule,pa piti fefe tetemoteu tata neuke.
16
Te anara teba looumote ete,te japa teba janopa fefe temoteu telafoete,pa hiupala fefe teite moteu hiupala teite nya telaete teba laeuw nana je ete,pa outefapa teba jate tereiete.
17
Jopalala e piupate nile,nya eanileuw e uawe jalelepa rasul-rasul tata Yesus Kristus hohotemoteu nya e lala.
18
Teba i teni,wakoteuw ba a pei,teba ouhe ete hiupala fefe tetenya telaete.
19
Teianara neba teheke nerafifi tela ja fefe moteu fitouwe heupala efe temoka.
20
Peanya jopalala epiupate nile uawe ehaleu nepara e ewowo eteupi wa iman pa hiupala tou teute pa lupopo elete Roh Kudus.
21
Pa neupara eie eteupite Allah u eheu e peipe wa tata nene Yesus Kristus teute u nepara nene we tepipi.
22
Pa hiupala efe netete teba fefe te ete,
23
Pa nouelute teba ra a leuleule ehalouna pe e teute,u teba tekareitew efe pa hiupala rowo eie te foufo u tera neule teite ana row tehemoteu fitouw we,tejuju.
24
Keba lelepa kelemoteu pa touta keleile ke koka u nera i i ka u neupara nene fefeka nekekati jefefei nenala raeuw pa.
25
Alifa Allah touta nene,tew Yesus Kristus tata nene,pi neteu,ne kenahone,nafenene pa touta nene batouto wa lopana fea wakoteu uawe pa wana toutefeua reupabe.