Ntag nyin cucug u bumi Kristi mbwoy əlyem dag. Əwod dɨdam tsswo ngu ə̀sɨ kub n uma bumi Zɨzərag Ntswa. Naŋ bə nuŋ ni, ə mbyyo dyundyuŋ ntsswo mbyyaŋ tsswoŋ əhwu bumi ntsswo nka. Əwod bɨ cad nku, sə bâ ənə shyi n, ǝwod ǝ̂ khab m mbwwag Kristi dǝnian +nǝnyyug nka byo yed əlyem nka nwad lwam ku ni. Ba yed ənied Isirela byo, bâ yed nnwan nǝhwu nio bǝ kyeŋkyay shi bɨ kyaŋ ǝkwo Əgwaza u ə ləb əsag tuza ǝnied bə zǝnaŋ doka ji bɨ nyyo Əgwaza u sujada mbyyaŋ +lɨkəwəli ba. +Əcyo ǝhwob ba, ba byo nyyo bǝ ngu Kristi wo kyag lwam ǝtyibɨshi ku ni, ngwo yed Əgwaza tuza kozan kyaŋ. Yog ə dyeb gu tɨnad jen saŋ sɨsag, zəm. Əwod yog ku yog di nyo lɨkəwəli Əgwaza əkə nshwod dag. Ba konyan ə bumi Isirela ka yed cucug ətyə Isirela dag. Də kǝkǝb byin Ibrahim ku iyed cucug nnwan gu dag. Əwod, mbwag Ishaku kyo naŋ ənə ngyi byin nyi ku. Ikwo twərag naŋ nnwan lwam na u yed nnwan Əgwaza nio dag. Əwod nnwan lɨkəwəli na ba byo ə twərag naŋ ba ngyed byin kwo. Di lɨkəwəli əwo əku nyyo ni, "Bə njen ənǐ, nnə mbwwog mbay, əwod Saratu nə shyyo ŋgwon. Ə́ yoŋ əzə dag, məta əkyo Lifkatu ə nkyag ufa ka bə ətyog guwu, bə əcyo zɨ wu Ishaku. Nnwan ənay ni naŋ əkə nti ba dag, mməntu ba nyyo ətan kwo bɨbyyo dənian kyaŋ əkwo Əgwaza u ə cad tuza khay ku î yoŋ. Dənian nkyaŋ nyyo nio dag, əwod dənian gu əwo yoroŋ ni. Naŋ gwo bɨ ntag guni nyo, "Nənhwob əwo ənə nyyo shunshwo u hwo ku." Naŋ ə ndyurug ni, "Yakubu ə ncad bəd, əwod nsɨ ndag Isuwa." Bɨ yag ə bəd zɨ na kərag bə nɨni? Bə Əgwaza u ə byyo əbun a? Səm, kwo bə cuncwwad. Ə́sɨ tsa ə kə ntag Musa nyo, "N nə fəg kunag bə ətyə əwo n cad ni mbyyaŋ fəg shog bə ətyo əwo ncad ni." Kukwo mbyyo ku nɨ ya ngyed dənian kyaŋ əkwo gwo dam ni, kwo dənian gu əwo tyoŋ ni dag. Nwad, dənian Əgwaza əwo ə twərag shog ni. Əlyyad Əgwaza na nyo bə Fɨrauna, "Dənian əkay nɨ n ntəkyem a bəd, n ga ntwərag tyog nku də ŋwan, əlyorog nka ə ga nshyyo kay ku kwo əji bə dunio ku. Nwad ənnyo, Əgwaza ənɨ twərag shog guji bə ətyo əwo gwo fəg twərag kuni, əwod ətyo əwo gwo fəg bɨ cad guku ni, sə ə ncyyo gbəb əpyo də ngu. Əwod nyi nɨ cad nyo bə nuŋ, "Yag ə mbyyo gwo ncyyaŋ shwwod kwoy zɨku? Ənyan ə may ə sag uma bi kyaŋ əkwo Əgwaza u ə cad ni? Ŋwan ətyɨbɨshyi, ənyan ə naŋ a yed, əshin â bwwag kyaŋ əkwo Əgwaza u cad ni? Kə dərəg kyaŋ əkwo ə́ nog ni i nyyo bə ətyi nog ku wu, "Yag ə mbyyo a nnog n əni a?" Ətyi nog ə́wo ə́ byyo tyog ku tuza lyyəm ka gwǒ nnog təŋkəy ələn əkwo gwo cad ni. Əsɨ kay zan, əwod əsɨ kay ni ə́ byoŋ kozaŋ utug â? Bə kə Əgwaza u ə̀ sɨ cad ə twərag ndyen gu na ni, kwo na ə̀ ncyyo ə̀ lyen tyog gu ku ni, ə̀sɨ bwwog ə̀ sɨ yab tsswo gu ku bɨ +lən ndyen əkwo gwo sag ənə fwo ulwo ni la? Bə kə kyaŋ əkwo gwo nyyo ni, gwô ga ntwərag gag əkwo əna ndyen zwa kyeŋkyay shi gu ji tuza lɨlən kunag gu ku, kwo gwo kə njyi ə wod shɨn kyeŋkyay shi ni dâ? Bə kə kyaŋ əkwo gwo ku nyyo zɨd ndyo ni bwo, zɨd əba gwo yoroŋ ni, bə ənied Yahudawa byo ənyin ba dag, əwod mbyyaŋ ənied əkag ba bwo dâ? Naŋ gwo bwo ndyurug bɨ kwa Yushau kuni "Nna ngyi ənied əba də ba yed ənied n ni dag. Ngyed nsag əlyo bə ənied əba nku ncad ni dag. Əwod ku na yed naŋ əku nnyyo bə mba, "Nyi ku yed ənied n dag, əzə ənə ŋwwo yyi nyin nnwan Əgwaza sɨced." Ishaya əbɨ lyyad tuza Isirela ka, kwo naŋ dɨdɨd nnwan Isirela na u nɨ di naŋ +tsɨnsta unuŋ cen ni, ku na yed ba bə â ntswa nio unâ shyyo san ku. Ətyə Uli zɨd wu ənə nyyo kyaŋ əkwo gwo fyyed tuza dunio ku kəkəb bumi akədəy njen. Gag əkwo Ishaya ə ndyurug gbaŋgbaŋ ni, bə kə Ətyə Uli tuza, ə yog wod zɨd byin dag, sə zɨ ba nɨ di naŋ Saduma mbyyaŋ Gomarata ni. Bɨ yag ə bəd zɨ byyo nɨ kərag nini? Kwo ənied əkag əbyo əku lag saŋ əbun ku ni, ə́ku shyyo saŋ əbun ku. Kusɨ yed saŋ əbun ŋwwag tsswo kwo. Əwod Isirela ba bɨ kɨ hwi doka saŋ əbun ji, də bâ sɨ nshyyo san ku dag. Bɨ yag ə mbyyo? Nwad ba ku hwi doka saŋ əbun ji də bɨ ŋwwag tsswo, əwod sə bɨ nyyo ətan ntǝm. Kusɨ cyyo basɨ gwwud əkwoy tuza əfaŋ gwwud kwoy ka. Naŋ ə kə ndyurug ni, "Di, nsag əfaŋ tu tɨtag Sihiyona mbyyaŋ ədwo tyi shwwod kwoy. Əzə ətyo əwo ə ŋwwag cucug ni, nswum nɨ nshyyo dag.