Bɨ yag ə bəd ədá zɨd wu Ibrahim, əcyo zɨ wu bɨ lwam, əku shyyo? Kə ba nyyo ətan ntəm Ibrahim ə bə nyin ku, gwo ku nshyyo san ku, sə gu ə shyyo tətwad tswod fɨrɨŋ.Nwad duyi Əgwaza ka dag. Yag ə bǝd kwa ku kǝrag? Ibrahim ə ŋwwag cucug bə Əgwaza, əwod əsɨ kyag gu ə byyo saŋ əbun dənian ətan ntəm guwu. Nini, bə ətyə əwo ə nyyo təm ni, kyaŋ əkwo ə taraŋ guni ə cyyaŋ ku naŋ zənaŋ ni dag, i di naŋ tan uluhyyo kyo ni. Əwod bá əbyo ə ŋway nyyo təm ku ni, də kunuŋ əkyo əsɨ ŋwwad cucug, bə ətyə əwo ə ŋwwad say ənied kətug nyyo ba ni, ə cyyaŋ ŋwwad cucug guku naŋ ətyə əwo ə saŋ əbun ni. Dauda bwo sɨ lyyad əlyyad kwərəg mmyaŋ tuza ətyog əwo Əgwaza u ə twərag gu yed ətyə saŋ əbun də bɨ nyyo ətan ntəm dag. Nyi yed zɨzarag ənied byo nyin əbyo ə yurub nyin kətug nyyo nyi wu ni, nyin ə ba ə kub nyin əbun nyi wu ni. Lɨbərka ə yed ətyog əwo Ətyə Uli ə yurub əbun guwu ni. Ku kworəg mmyaŋ əkwi ni iyed bə nshin ənied əba ə ti ba +con ji ni a, kə sələy bə əsiba ə ŋway ti ba +con ji ni? Nwad zɨ hyyo, "ŋwwag tsswo kwo ku cyyo əsɨ ntwaŋ Ibrahim naŋ ətyə saŋ əbun ni." Ni ə bəd əku nkyag ku? Naŋ əkə ncyyo Ibrahim cwon ji a, kə də naŋ ə kə ncyyo gu? Ku bu yed bug, əwod bumi ŋway cyyo cwon kwo. Ibrahim ə fɨg kyaŋ ə kwo ti cwon ku fa ni. I kwo sɨ twərag kpərag əpyo əgwam bə saŋ əbun shin ŋwwag tsswo, kwo əwa kə nshyyo də njen ŋway ti cwon ku. Kukwo ntwərag naŋ ngwo ǝ ngyed ədá əcyo hwob ənied ŋwwag cucug byo də əkə cyyo ba +cwon ni dag. Sɨ kwǐ ni fa naŋ saŋ əbun ku mɨn yed shin ba. Əsɨ bu twərag naŋ Ibrahim əyed əcyo ənied əba ə ti ba +cwon ni bə əsiba də ə ti ba +cwon ni dag. Əwod bwo bə ənied əba ə hwi lwag ŋwwag tsswo əcyo hwob zɨ wu Ibrahim, ə sɨ̂ də cyyo gu cwon ji. Kyaŋ əkwo Əgwaza u ə ləb əsag tuza Ibrahim mbyyaŋ byin gu ku ni, naŋ gwo na ngyed ətɨ ya gado swanta əkwǐ ni, ku bu mbay mbwag doka zo dag. Nwad, ku bu nyyo mbwag saŋ əbun shin ŋwwag tsswo kwo. Nwad, kənaŋ ənied ə ba ə swan swad doka byo əna ya gado, ŋwwag tsswo ku nɨ yed kyaŋ dag, kyaŋ ləb sag ku na yed bug kwo bə ənnyo. Ulwo ə ka doka nshyyo ni, i coŋ bɨ ndyen.Əwod kə doka ji nshyyo dulwo ka dag, bwoy əbun nshyyo dag. Kukwo mbyyo ŋwwag tsswo kwo na cyyo lɨbərka ə shyyo ku tuza shog kyo. Ku sɨ bɨ yed shin kəkəb byin Ibrahim ku. Ku byin əkwi ni shyyo bə tuza ənied əbyo ə swan swad doka zo ənyin ba dag, əwod ku mun yed shin ənied əbyo ŋwwag tsswo təŋkəy Ibrahim ku ni. Nwad, ngwo ǝ yed ədá ǝcyo hwob konyan. Naŋ ə ndyurug ni, n cyyo a ayed əcyo hwob nŋwab na. Ibrahim ə sɨ yoŋ duswon ətyo əwo gwo fəg də ngu ni. Əgwaza əwo ə ti sɨced bə nkwom na ni bɨ yyi nkyaŋ ənio də i nshyyo ni dag na nshyyo əced bə kpay. Kaŋ bə nkyaŋ kpay ənio ə shyyo gu ni, Ibrahim sɨ byyo gbubag sag tsswo bə Əgwaza u tuza utswon ji. Kukwo gwo sɨ ngyed əcyo nŋwab bə dɨdɨd naŋ nkyaŋ ənio əkə ndyyad ni, "ənnyo bəd byin əku na ndi." Ibrahim əsɨ ntɨn tsswo bɨ ŋwwag tsswo guku dag. Əku lyen naŋ gwo kə nkwob ə sswag jen ti ji dənian əka gwo kə ntad əlyo ci jyuŋ ni. Əsɨbo lyen naŋ əbyyug guwu Saratu ə yed nəhwu əbyyug ə. Əwod dənian lɨkəwali əwo Əgwaza u ə nyyo Ibrahim dyo ni,Ibrahim əsɨ kyag ŋway ŋwwag tsswo guku kyaŋ dag. Də kunuŋ əkyo, əsɨ joŋ gu gbugbag ku bumi ŋwwag tsswo əsɨ ŋwwag Əgwaza u dyeb bəd. Əsɨ ŋwwag cucug bəd naŋ lɨkəwəli əwo Əgwaza ə ənyyo ni, kubu nad cəcərag bəd naŋ gwo ku nnyyo ku cəcərag ni. Əmbom bə ənnyo, əsɨ mun ə twaŋ ulwo əkay ni ə cyyo gu ndyo naŋ ətyə saŋ əbun ni. ²³ Əbɨ lyurug nkyaŋ ənay ənian gu ənyin gu dag, naŋ əku nkyag ku yed tuza guni. ²⁴ Ə bɨ lyurug ənian zɨd mgbóm, zɨd əbyo ə mun ə kyag zɨ ŋwwag cucug u bə ətyə əwo ə dərəg bə Yesu Ətyo Uli zɨ wu ə wurug ndyo bə ənied kukwi bə unyyuŋ ni. ²⁵ Ətyə əwǐ ni ngwo əbɨ ŋwwag ə hyad ənian əbun zɨd wu, nwad ə sɨ dərəg gu ənian ngwo ə yed ətɨsan zɨd wu.