Nini zɨd ə byo byyo ced ni, i myim zɨd coŋ shonshwon mbyyaŋ əkum ənied əkyə da ba byyo ced ku ni. Zɨd yog twərag cad əpyo dag. Yog konyan bumi zɨd ka gwô ə cyyo kpəndaŋ swad gu wu gwo fəg nyinyaŋ, ənnyo iyed bəd bɨ gag əkwo əna nnog gu ni. Kwo Kristi əpyo gu əku ə cad əpyo dag, naŋ əlyyad Əgwaza na n hyyo ni, "twoy əkwo əyyaŋ ku twoy guni kwa bə nuŋ." Kwo yag ə əkə ndyurug ni, ə lyurug ku bɨ gag əkwo ənaŋ ŋhay bə nzɨd ni, dənian yab tsswo mbyyaŋ cyyed əlyyad Əgwaza kwo na ŋwwag gbugbag ni. Nini yog yab tsswo mbyyaŋ tyi gbugbag Əgwaza ku, ku joŋ nyin tsswo nyyuŋ bɨ nyyo swad duŋduŋ bə əyyaŋ tuza əkwa Yesu Kristi. Əku nyyo ənnyo ku byyo nyin cug dam jyuŋ dɨ dyeb Əgwaza bɨ unuŋ unyyuŋ mbyyaŋ Əcyo Ətyo Uli u Yesu Kristi. Nwad ənnyo, nyi san əyyaŋ nyin, naŋ Kristi n san nyin ni, nyi nshyyo dyeb Əgwaza u. Ntag nyin, Yesu ə nyyo gu əyed əhwo ti con da kunuŋ cucug Əgwaza, əku nyyo ənnyo dɨ twərag lɨkəwəli əbyo ə jen +əcyo əhwob zɨd ba ni ə nad cəcərag. Mbyyaŋ gag əkwo ənied əkag naŋ ndyeb shog Əgwaza ji ni bɨ gag əkwo ə ndyurug ni, "Nwad ənnyo nna tsa ŋwwag a dyeb bumi ənied əkag bɨ bwom bubwom dyeb ə yorog a ka." Ə bɨ kərag, "nyi gway bə jijyad əlyo nyin ənied əkag mbyyaŋ ənied gu ba. Mbyyaŋ, "dyeb Ətyo Uli, səlləy nyin ənied əkag, yog ənied ba səlləy ə dyeb gu." Ishaya bɨ kərag, "ə na shyyo nɨnan Jesse, mbyyaŋ ətyə əwo nə təkyem tyog tuza ənied əkag, ənied əkag əna shyyo gbugbag ku bumi gu ka." Nɨni yog ced Əgwaza ku i nhyad bə nyin bə səlləy ə say ntsswo mbyyaŋ kay nda bɨ ŋwwag cucug nyin ku, nyi ga shyyo gbugbag dənian ced zɨzərag Ntswa. Nuŋ bə əpyo n, nkyag nyin nənyyug mba nsɨ mo kyag nyo nyin bə əpyo nyin, nyi shyyo bɨ shog mbyyaŋ lyen ku səlləy. N kyag nyyo nyi na shyyo jen nyi kwag əyyaŋ nyin tsutsswo. Əwod ndyurug nyin ndyo ŋag tsarag tuza nkyaŋ jyaŋ, nwad n jyuŋ nyin dənian zənaŋ əkyo ə joŋ nyyo bə Əgwaza u ni. Zənaŋ əji ə joŋ nni, bɨ gag əkwo nna ngyed əhwo Yesu Kristi wo ətə́m bə ənied əkag ba ndyo ni. Gu bə əpyo gu əna yed ətyə fi zənaŋ usham əlyyad Əgwaza, n nɨ nyyo əni bɨ gag əkwo ŋwwag baiko ənied əkag nɨ nshyyo san ni mbyyaŋ ənied əbyo Zɨzərag Ntsswa u əkhab ni. Kyaŋ əkwo ncad ni ku shyyo bumi Kristi Yesu mbyyaŋ nkyaŋ Əgwaza. N na ndyad kyaŋ dag sə bɨ kyaŋ əkwo Kristi ə̀ nyyo bumi nka ni. I kay wurug bə nuŋ bɨ gag əkwo ənied əkag ba əga hwi nkyaŋ ənio ə lyyad ni mbyyaŋ sɨ nyyo ə nyyo ni. Dənian nyyo nkyaŋ twərag mbyyaŋ nkyaŋ tɨtyog, bɨ ced Zɨzərag Ntswa nyyo Urshelima mbyyaŋ ukəraŋ ənio kərag bwwag bə nǐ tɨnad Iliricum, bɨ nad bə usham əlyyad Kristi ka kwo ə ji səlləy. Bumi ndwag əkay ni nŋwwag əpyo n dɨ shey usham əlyyad Əgwaza ka, dulwo əkyo əyorog Yesu ka nshyyo ni dag, bɨ gag əkwo nna nog tutən ətyin nog əyyaŋ ənied ni dag. Naŋ ə ndyurug ni, "ənied ə ba ba əkǝ ntwərag ba nkhaŋ gu na ni dag ba fɨg, əsɨ ba də ba kə fəg bɨ fɨg nkhan gu na ni dag ba fəg na." Ikwo mbyyo ə ndwon bay bə nyin ku bə n jen bə dɨdɨd. Əwod nini, mbyyo ulwo bɨ ufam əbyin əkay ni dag, mbyyo tsswo bəd n bay bə nyin. Jen əzə nna nad Ashaniya ni, i shyyo n bɨ ntsswo kə nswərab nna di nyin bɨ gag əkwo nyi na cyyo n təlyen, ku twərag jen əzo n fəg nyinyaŋ swad ku ba nyin ni. Əwod nini əkay, n nyyed Urshelima dɨ byyaŋ nnwan Əgwaza na. Dulwo ənied Makidoniya mbyyaŋ ənied Akaya bə naŋ bə na ŋwwag baiko ənad dyo bə ənied əbyo tyag ced Urshelima ni. Ba tswoŋ nyinyaŋ ku di ba naŋ ta kwo tuza əpyo ba ka ni, ənied əkag ba ə ga tuŋ duŋduŋ bə mba bumi nkyaŋ tswa Əgwaza ji, i yed shin ba bwo bâ byyaŋ ba bə nkyaŋ. Kə ntyag təm əkwo nna di kə bə kan san kyaŋ əkwi ə təm ndyo ni, n na nad Ashaniya ka nswàràb n na di nyin. Ndyen naŋ jen əzo n naŋ bay bən nyin ni, n na bay bə lɨbarka təntyaŋ bumi Kristi. ³⁰ Nənyyug mba nnay nyin bumi Ətyo Uli zɨd u Yesu Kristi, mbyyaŋ cad Zɨzərag Ntswa, bɨ gag əkwo nyin na kwan duŋduŋ bə nuŋ bɨ nay nyin ku tuza nka dulwo Əgwaza ka ni. Nyi nay dɨ gag əkwo əna nfərəg n ǝwon bə ənied əbyo lag nyyo kyaŋ əkwo ə cad ni bɨ Yahudiya ji, bɨ gag əkwo ntəm na na nshyyo san ni dulwo nnwan Əgwaza na. Nyi nay ndyo: mbwwog mbay bə nyin bə say ntsswo, kə Əgwaza əshim, dunduŋ bə nyin zɨ shyyo tswuŋ. Yog Əgwaza ə wo ŋwwag kay nda ni, ə shyyo duŋduŋ bə nyin səlləy. zəm.