Bulus, əhwo Yesu Kristi, wo ǝku yoroŋ gu ǝyed əgwag ntəm gu, əsɨ khab gu əsag dənian usham əlyyad Əgwaza ka. ² Usham əlyyad əkay ni kyo gwo mɨn nyyo lɨkəwəli nyyo gbəŋbəŋ bu nuŋ ənied əlyyad əŋwwad Əgwaza bumi zɨzərag kwa Əgwaza ku. ³ Ku yed tuza ənian ŋgwon gu ka, wo əbyin bə nkway Dauda bɨ gag lwam ni. Dərəg guku bə ənied kukwi ba, əku twərag gu dɨ yed Ŋgwon Əgwaza wo byyo ced bumi Zɨzərag Ntswa - Yesu Kristi Ətyo Uli zɨd wu. Mbwag gu kyo zɨ nsan shog mbyyaŋ yed +əgwag ntəm Yesu dɨ hwi əlyyad guna də cucug bumi ŋwwag tsswo bə kəkəb +nŋwab na dənian əyorog gu ka. Bumi +nŋwab ənay ni, əmun əyoroŋ nyin bwo nyî yəd əshin Yesu Kristi. Kwa mbwag əkwi ni yed shin səllay ənied ə byo shyyo bumi Roma ni, byo yed +nsag əlyo Əgwaza ni, byo ə yoroŋ bâ yed zɨzərag ənied ni.Yog shog ji ji shyyo bə nyin, mbyyaŋ kay nda kwo nyyo bə Əgwaza Əcyo zɨ wu mbyyaŋ Ətyə Uli Yesu Kristi. Kyaŋ nyyuŋ kwǒ yed, n gway bə Əgwaza ngu mbwag Yesu Kristi tuza nyin ka kəkəb. Nwad, ŋwwag tsswo nyin ku kukwo əshey səlləy bə swanta ku. Əgwaza ə kub n uma ka, wo n nyyo gu ntəm bumi Zɨzərag Ntswa bumi usham əlyyad Ŋgwon gu ka ni. Kukwo ti nkɨ ndyyad hyyag nyin ku kozaŋ njen ni. Kozaŋ njen zo nshyyo bumi kɨ nay Əgwaza ku, nnɨ twərag gu kwo bə zaŋ ndwag kwo, yog Əgwaza u a shim ndyo mbay ndi nyin. Naŋ ncad bəd ndi nyin ni, ku cyyo nga joŋ nyin zənaŋ zɨzərag ntswa u, dənian mbyyaŋ nyin gbugbag ku. Ənnyǒ mmun ncad bəd, nyî nyyo usham nswad ti əyyaŋ gbugbag mbwag ŋwwag tsswo konyan, nshin nyi na bə shin ku. Nini, n cad nyi ŋway lyen dag +nənyyug, naŋ mbyyo tsswo kozaŋ njen mbay bə nyin (əwod ə ndwon n sə bə nini), əwod ku cyyo n shyyo nnwan Əgwaza ufay bə nyin. Bə naŋ nka n shyyo bumi əkum ənied əkag ka ni. Mbyoŋ ta ənied Hellinawa mbyyaŋ səlləy kubay ba, bə ənied tsutswad mbyyaŋ ga əbwwon ənied. Kə bə nnuŋ ə, nka ndab ufəŋ nshey usham əlyyad Əgwaza ka bə nyin əbyo shyyo Roma ni. N tswoŋ nsum usham əlyyad ka dag, kukwo yed ced Əgwaza ku, shin san kozaŋ əyin əwo ŋwwag cucug ni, tsa bə Yahudawa ba tɨnad Hellinawa ba. Bumi əkyo ə ntwərag saŋ əbun Əgwaza ku nyyo bɨ ŋwwag tsswo tɨnad ŋwwag tsswo bənaŋ ə wa kə ndyurug nyo, "Ənied saŋ əbun ənâ shyyo san ku dənian ŋwwag tsswo ba ku." Əna twərag ndyen Əgwaza na nyyo tuza kəkəb ənied cyi lyen Əgwaza ku mbyyaŋ ənied bwoy əbun, bə ndwag bwoy əbun baku, byo yab cucug wu ni. Nwad, dənian kyaŋ əkwo ba lyen tuza Əgwaza ka ni ba cyyaŋ ku kpəkpay. Əgwaza u ǝwa kə ntwərag ba ku. Kukwo kukwoy gu ənio ə ŋway cyyaŋ ni, naŋ yed ced saŋ sɨsag guji bə zɨzərag əkwa gu wu ə wa ka ndi ku səlləy, əsɨ də nwad swanta ku, bumi nkyaŋ ənio əka nyyo ni. Əwod ba bə byyo tətwad dag. Nwad dənian əka ba wa kə ndyen Əgwaza u ni, basɨ dyeb gu naŋ Əgwaza ni dag, də bâ gway gu dag. Də kunuŋ əkyo, ba sɨ bwwag əcyyo ga bwwon bə dɨdam ba wu. Ntsswo ba ə́nio saŋ dɨdam wu ni sɨ shyyo bə ndyin. ²² Naŋ ba nnyo ba byyo tsutswad bəd ni, əwod basɨ bwwag əcyyo ga +əbwwon byo. ²³ Ba shay kyenkyay shi Əgwaza ku kwo ŋway byyan ni, ə ncyyo wuwwo ətyibɨshyi əkwo byyan ni.Naŋ shin unwan, shin nyam uyid tɨtag ənay, mbyyaŋ nkyaŋ kwaŋ əbin. Əmbgəm bə ənnyo, Əgwaza u əsɨ kay ba əwod bumi shushog ntsswo ba na nio di zɨzərag ni dag, əwod ndwam bana sɨ yed ba kyaŋ nsum ba əyyaŋ ba. Ba byo ə shay cucug Əgwaza u bə əlyem, ba bu nyyo agwaza dunio na sujada kaŋ bə Əgwaza əwo nwad na ni ngwo ǝwa myim ə dyeb tɨnad jen saŋ sɨsag ji. Zəm. Dənian əkay ni, Əgwaza u əsɨ kyag ba ŋwwag dɨ ya uswon dɨ nyyo əkwa nkyaŋ shushog ndwam bana, ənyyug ba əsɨ shay nyyo Əgwaza ku tuza ba ka, əbyyug bə əbyyug bə myyan əyyaŋ. Ənnyǒ bwo, +ətyog ba əsɨ mun ə shay əkwa nyyo Əgwaza ji tuza ənyyug ka. Ətyog bə ətyog əsɨ byyo əkwa shushog ndwam myyan bə əyyaŋ ba. +Ətyog əbay ni əsɨ nyyo nkyaŋ nsum bə +ətyog. Basɨ san bə əpyo ba ubuŋ əkyo kwa cəcərag bə əkwa ŋwwo uyid ba ku ni. Nwad, ba ku shim dɨ byyo Əgwaza bumi nkyaŋ shɨshɨg kɨ nyyo ba ku dag, əsɨ ŋwwag ba dɨ nyyo kətug bumi cug dɨdam ba ji, dɨ yed +əhwo nyyo kətug nkyaŋ. Ba ka n hyad dɨ nyyo nkyaŋ əbun, kətug, taŋ əli, nyyo əkpəd. Nhyay bu lag di, hyay ǝnied, jyyo, bwoy əlyyem, mbyyaŋ fa kətug nkyaŋ. Ba yed ənied əshwaŋ, tyam əyyaŋ mbyyaŋ ənied lag di Əgwaza. Ba yed ənied dwwod jyyo, əlag tswoŋ mbyyaŋ əŋwaŋ. Ba yed ənied cwi kətug nkyaŋ, ba bu yed ənied lag tswoŋ ənied mbyin ba ba. Ba byyo dyundyuŋ ntsswo. Ba yed ənied əbyo ənɨ sag tsswo bə mba ni dag, ba cad ənied dag, də ba fəg kunag əyin dag. Ba fɨg +tàdá Əgwaza na,naŋ ənied əbyo nyyo nkyaŋ ənay ni, əhwu yed əshin ba.Əwod dəbâ tswoŋ uwun nyyǒ nkyaŋ ənay ni dag, basɨ mun ə kub ənied əba nyyo təŋkəy nkyaŋ ənay ni uma.