¹ Təm əjî nyyo bə +ətad əyyi nyyed bə əbyyug əwo əkə nkhay ni mbyyaŋ nnwan guna, byo ncad ni bumi cucug, nuŋ ə ənyin dag, əmgbəm ənied əba əkə nsan cucug wu ni. ² Dənian əkyo cucug əwo ə nshyo bə nzɨd ni ənə shyo bə nzɨd tɨnad jən saŋ sɨsag. ³ Yog shog, fəg kunag, kay nda i shyo bə nzɨd ku nyyo bə Əgwaza əcyo bə Yesu ŋgwon Əcyo, bumi cucug mbyyaŋ cad. ⁴ Ku ŋwwag n əlyo say bəd naŋ nshyo fəg əyyaŋ bə nnwan ana u ncoŋ bumi cucug ni, bə naŋ zɨkə nsan doka əji nyyo bə Əcyyo u ni. ⁵ Nini n kwad a nənyyug ənab, doka sway zə ndyurug a dyo dag, zə zɨ wa kə nfəg nyyo bu utsa ka ni, izə nyî cad əyyaŋ. ⁶ Cad əkwo kwi ni, zɨ coŋ bə dɨ gag əkwo gwo njoŋ zɨd dokoki gu ji ni, doka əzə jǐ bə naŋ nyi kə nfəg nyyo bu utsa ka ni, nyi ncoŋ bə nku. ⁷ Ənied lyyen ənied bə dɨdɨd ə kə ngurug ə ŋwwo bumi swanta ka, ba lag shim nyo Yesu Kristi əku bay bumi lwam. Ə̀ yed ətyi lyyen ənied əbwo yed nəndwan Kristi. ⁸ Nyi zwob əpyo nyin, kə lag nyi ni lyin nkyaŋ ənio yi myab mbwag zɨ ka ni. Əwod ku na cyyo nyɨ ba shyyo zaŋ ji. ⁹ Konyan ə tyyeb ə ya uswon bɨ ŋway təmyed bumi cyyed Kristi ku ni, ə yed əshin Əgwaza dag. Konyan ə maŋ nswan bumi cyyed gu ka ə̀ shyyo duŋduŋ bə Əcyo u bə ŋgwon ka. ¹⁰ Kə əyin ə̀sɨ bay bə nyin da naŋ gwo bay bɨ cyyed əkwi ni dag, nyi yog san gu buli nyi ka dag nyî yog byyad gu dag. ¹¹ Ətyo əwo əmaŋ san gu ni, ə shyyo duŋduŋ bɨ nyyo kətug nyyo gu wu. ¹² Mbyyo nkyaŋ bə dɨdɨd nio n nə dyurug a ndyo ni, əwod nna ngyəw ndyurug na bɨ kwa mbyyaŋ əŋway ulu dag. Əmgbəm bə ənyo, mbyoŋ tsswo mbay zɨ lyyad bə əyyaŋ əyyi bə əyyi, dənian say ntsswo zɨ na nâ nhyad. ¹³ Nnwan +nənyyug ənab nyi na wo ə khay ni ba byad a.