Tuza nkyaŋ ənio naŋ nyi lyurug ni, "l yed usham bəd ətyog ə yog byərom əbyyug dag" Əwod dənian tyoŋ mag utənyaraŋ ku, i myim kozaŋ ətyog ə bwwo əbyyug gu, kozaŋ əbyyug, ə nyaraŋ ətyog gu. Kozaŋ ətyog ə joŋ əbyyug gu u kyaŋ əkwo yed shin gu ku ni, əbyyug wu gu bwo gwo njoŋ ətyog gu u kyaŋ əkwo yed shin gu ku ni dəndwag mwun ndwam ba na bə əyyaŋ ba. ⁴ Əbyyug əbyyo tyog tuza lwam gu ka dag, ətyog gu əwo ə nyyo tyog ku. Ənnyǒ bwo ətyog wu ə byyo tyog tuza lwam gu ka dag, əbyyug gu əwo. Nyi yog lag bə əyyaŋ ndwam nyi na dag, də ndwag mwun ndwam nyi na. Sə nyi byo əfyyaŋ shim dɨ lag myyo əyyaŋ ku bə a njen bə cuncwwad. Kə nyi nɨ nyyo ənnyo, nyî ga ŋwwag əpyo nyin jen dɨ nay Əgwaza u. Əwod nyi bu mwun ndwam nyɨ na ufyyen, nyi tyoŋ mag utenyaraŋ ku bɨ ŋway təbyyed əpyo nyin ku. Ǹ shey nyin nkyaŋ ənay n twarag nyin naŋ n mbyyo nyin, n ti nyin tɨlid kwo dag. Yog ku iyed kyaŋ shim kwo. Ǹcad sə konyan ə̀ dɨ naŋ nuŋ ni. Əwod konyan ə byyo zənaŋ əzə Əgwaza u ə joŋ gu ni. Əyyaŋ ə nyyo nnyaraŋ, əyyaŋ ə swan də bɨ nnyaraŋ. Bə ənied əbyo əkə nŋway nyyo nnyaraŋ ni mbyyaŋ kponyyug ba, n nyo ku nɨ lan nyî swan də bɨ nyaraŋ nan nuŋ ni. Kə ba na yəw ə gba ndwam bana dag, sə bâ nyyo nnyaraŋ. Inɨ lan ba bâ nyyo nnyaraŋ bɨ gag əkwo ba nə sswo ubuŋ bɨ daŋ lwam kwo nɨ yed ba zwod ni. Bə ənied əbyo əkə nyyo nnyaraŋ ni, n ŋwwad nyin doka əji, shin nzo dag, shin Ətyo Uli zo. "Yog əbyyug ə yog wod ətyog gu dag." Had kə əbyyug ə wod ətyog gu wu, yog gwo yog nad nyaraŋ yyaŋ dag. Kə ənyyǒ dag, sə gwô bwwog əjyuŋ ətyog gu wu bâ jyi swad baku. "Ətyog bwo ə yog hyad nyaraŋ ku bə əbyyug gu wu dag." Əwod tuza əkum ka, nuŋ ə ndyyad, Ətyo Uli ə dag. Kə əyin ə byyo əbyyug əwo də ə yed ŋgwon Əgwaza ni dag, naŋ gwo kyag ənə swan nyaraŋ ku, yog gwo yog hyad nyaraŋ əkwo dag. Kə əbyyug ə maŋ byyo ətyog əwo əŋway yed ŋgwon Əgwaza ni, əsɨ shim bâ swan nduŋ, yog gwo yog hyad nyaraŋ ku dag. Nwad, ətyog əwo ə yed əshin Əgwaza ni dag, ə khab gu ə sag gu dənian əbyyug guwu. Əwod əbyyug əwô ə mun ə byyo ətyog əwo yed ŋgwon Əgwaza ni, ə khab gu ə sag dənian əbyyug guwu. Kə də ənnyo dag, nnwan bana una yed zɨzərag ənied dag. Nwad cucug ə, ə khab ba ə sag. Kənaŋ ətyə əwo ŋway yed ŋgwon Əgwaza ə cad gwǒ nkad, yog gu gwô ə nkad. Bɨ kyaŋ naŋ sɨkwi ni, +nənyyug əsam kwo ənab ə bwo shyyo bɨ hwo nnyaraŋ əkwo dag. Əgwaza u ə yoroŋ zɨd zɨ swan swad kay nda. Anɨ nyyo ni a ndyen ŋwan əbyyug, kə́ ŋwan ə nɨ yed lwag san ətyog a wu? Ŋwan ətyog bwo, a nyyo ni ndyen, kə̀ ŋwan ə nɨ yed lwag san əbyyug a wu? Yog konyan ə coŋ cyyed əkwo Ətyo Uli ə cad zɨ nyyo ni, konyan dɨ gag əkwo Əgwaza u ə ngyoroŋ guni. Doka nuŋ əzo ji bə nnwan Əgwaza na kəkəb +ulwo na. Əku tsa kə ncyyo a cwon ji asɨ̂ dɨ san Əgwaza u â? Yog gwo yog twərag əkwa ətyɨ saŋ cyyo cwon dag. Əyin əku saŋ cyyo cwon əsɨ̂ dɨ san Əgwaza u â? Yog gwo yog cad ə cyyo gu cwon dag. Cyyo cwon, kwo bu ŋway cyyo cwon, kukwo yed gbəndaŋ kyaŋ u dag. Gbəndaŋ kyaŋ u, kukwo yed hwi doka Əgwaza ji. Yog Konyan gwo yoŋ bumi yoroŋ əkwo Əgwaza u ə bɨ ngyoroŋ gu əsɨ nŋwwag tsswo ku ni. Nyi bɨ yed +əhwo byo də njen əzo Əgwaza u ə nsan nyin ni â? Yog dam sɨkwo dag. Əwod kənaŋ nyi byyo lwag shyyo swad səd, nyi kyag ulwo əkyo. Konyan ə Ətyo Uli əku yoroŋ naŋ gwo yed əhwo, ə yed əsəd ə duyi ətyə uli. Bə ətyə əwo ə yoroŋ naŋ gwo yed əsəd ni, ə yed əhwo ə duyi Kristi. Əgwaza u ə san nyin bɨ gbəndaŋ zaŋ zə, nyi yog bwwag əpyo nyin ncyyo +əhwo əniebɨshyi dag. +Nəŋyyug mba, kwo yag ə əyin əbɨ nshyyo də njen əzo ə bɨ ngyoroŋ gu əsɨ n ŋwwag cucug u ni, yog zɨ ya uswon ənnyo. Tuza ənied əbyo də ə kə nnyyo nnyaraŋ ni, n shyyo doka nyyo bə Ətyə Uli dag. Bɨ di nku, ngyed əyin əwo fəg kunag nyin ni, Ətyə Uli ə kub n uma. Nwad ənnyo, n dam nyo tuza sswo ubuŋ əkyo u tɨbay ni, i lan ətyibɨshyi ə swan naŋ gwô ndi ni. A ləb əpyo a sag mbwag əbyyug â? Yog cad a fərəg wurug mbwag guka dag. A saŋ əbyyug a, də yog cad bwwo əbyyug dag. Əwod kə əkə nyyo nyaraŋ, a nyyo kətug dag. Kə kwənyyug ə nyaraŋ, gu bwo ə nyyo kətug dag. Əmgbom bə ənnyo, ənio ənyyug ba ənə sswo ubuŋ ka bəd bə njen ba ji, əwod nna cad n tɨn nyin sswo ubuŋ əkwo məmba. Əwod sɨkwi ikwo ndyyad bə nyin +nənyyug ba. Jen ji tyag nini, nyyed duswon, yog ənied ənyyug ba ə swan eye də ba byyo ba ni. Yog ənied əba ə twi ni, ə nyyo eye də ba twi ni, ənied əgway ba ə nyyo eye də ba shyyo bə əgway ni, ənied kway nkyaŋ ba ə nyyo eye də ba byyo kyaŋ ni, Ənied əbyo ŋwwag əpyo ba dɨ nyyo nkyaŋ swanta anay ni, yog ba nyyo eye də ba nyyo kyaŋ ni tɨnad nŋhan. Nwad swanta əkwo zɨ cyyaŋ cyyaŋ əkwi ni, ku tɨbay kurum tyag. Ncad nwa fərog nyin dɨ nyyo dɨdɨd dɨdam əwo tswud tsswo ni. Ətyə əwo də ə byoŋ əbyyug ni, dɨdam guwu ə shyyo bə̀ nkyaŋ Ətyə Uli nio dɨ gag əkwo gwo nə shyim gu tsswo ni. Əwod ətɨ byoŋ əbyyug wu dɨdam guwu ə shyyo bə nkyaŋ swanta ənay ni, dɨ gag əkwo gwo nə nshyim əbyyug guwu tsswo ni. Dɨdam guwu ə tyaraŋ. Əbyyug əwo də ə kə nnyaraŋ ni, kwo gunyyem, dɨdam guwu ə shyyo bə nkyaŋ Ətyə Uli nio, dɨgag əkwo gwo nə khab əpyo gu bɨ lwam mbyyaŋ tswa ni. Əwod əbyyug nyaraŋ wu, dɨdam guwu ə shyyo bə nkyaŋ swanta nio, dɨgag əkwo gwo nə shyim ətyog guwu tsswo ni. Ǹshyey nyin sɨkwi ni kû ga byyaŋ nyin ə, ncad n təfog nyin dəg. Ndyyad əni, nwad kyaŋ əkwo yed cucug ni, dɨgag əkwo nyi nɨ nŋwwag əpyo nyin mbwag Ətyə Uli bɨ tsswo nyyuŋ ni. Əwod kə əyin ə dam nyo də ə nyyo əsag zwwad gunyyem guwu kyaŋ əkwo gwo cad ni. Kə əkə sswag ndyyo nyərag na. Kə ə cad gwô gwo bwwo gu ə, ə̀ bwwo əbun ə dag. Yog əcyo ba wu ə wod ba nyaraŋ əyyaŋ. Əwod kə gusyyem ka ə yoŋ bɨ ced bə ntsswo guku, kənaŋ gwo na təbad əpyo gu, kənaŋ gwo kə nkyag bǝ ntsswo ə nyyo əni, ə yog lyyen əsag guwu dag, bâ wod nyəraŋ ku. Inɨ yed usham bəd. Nwad ənnyo, ətyə əwo ə bwwo əsag guwu ni ə nyyo tsutswad kwo. Əwod ətyə əwo əsɨ kyag gwô swan yéd kwotyog ni, ngwo wa nyyo tsutswad ku ə nsswag bəd. Əbyyug wu ə shyyo bɨ hwo ətyog guku də njen əzo gwo nshyyo əced ni. Əwod kə əhwu ə kyag ətyog guwu, əbyyug wu ə byyo jen gwo nyaraŋ ətyə əwo gwo cad ni, əwod sə bə bumi Ətyə Uli. Əmgbom bə ənnyo, bɨ di n ku, inɨ lan gu ndyo kə ə swan swad kponyyug. Ǹ dam mmun byyo tswa Əgwaza ji bə əlyyad ənay ni.