Zɨ fəg əlyyad tuza nyin nyo ə mbyyo ǝnied shɨshɨg kɨ nyyo, təŋkǝy nnyyo ǝnio kwo ǝnied əkag ba bǝ nkag ba bwag ni. Kyaŋ ǝkwo zɨ fǝg ni ikwo yed nyo ǝyin bǝ nyin ǝ myyan bǝ ǝyaŋ ǝfyyaŋ əcyo gu. Əwod nyi sɨ wa gwwud guguŋ bǝ taŋkǝy shɨshɨg kɨ nyyo ǝkwi ni! Dǝ kunuŋ ə kyo, ku myɨm sǝ nkun nio nyi gwoŋ dâ? Gu ǝtyo ǝ bwwo baŋ ǝjî ni, tɨlɨd kwo ǝ tɨn gu ǝ wurug ndyo bǝ nyin. Kwo naŋ nŋway shyyo dunduŋ bǝ nyin bɨ lwam ni, nwa shyyo dunduŋ bǝ nyin bumi ntswa ji. Nwa kǝ fyyed ǝlyyad tuza ǝtyə əwo kwo naŋ nŋway shyyo dunduŋ bə nyin ni, sǝ nyi tɨn gu wurug ndyo. Jen ǝzǝ nyi mmwun bumi ǝlyorog Ətyə Uli zɨd wu Yesu ni, tswa nji shyyo dunduŋ bǝ nyin bumi tyog Ətyǝ Uli Yesu. N kǝ nfyyed ǝtyə ǝwo ǝlyyad na. N nyyo ǝnnyo n ga nnyyeb ǝtyo ǝwo mbwag ǝgwam utǝnyeraŋ gwo tyɨrɨb lwam ku, ǝwod tswa guji iba shyyo san ku bǝ nwam bay Ətyo Uli ku. Gwwud əguŋ nyin ku nkwa dag. Nyi lyen nyo bɨ fwərag bə dədday kakyo unɨ byyan əkwaŋ kunkwoŋ ka? Nyi kwi huhwwob fwərag ǝwo shyyo bǝ nyin ni, nyî ga bwwag cyyo əkwaŋ kunkwoŋ ǝfay, kunkwoŋ ǝwo dǝ ǝbyyo fwərag ni dag. Nwad Kristi ǝwo yed zwon tsyyeb fi zənaŋ u əwa kə fi zənaŋ ji. Nwad ənnyo, yog jen swoŋ təkəram ba ji i yog yed shin huhwwob fwǝrag dag, kwo fwərag bɨbyyo ǝkwa bǝ kǝtug nnyyo. Dǝ kunuŋ ǝkyo, yog swoŋ təkəram ba ji jî yed bǝ kunkwoŋ saŋ fwǝrag bumi cucug bɨ kwog cucug. N dyurug nyin bɨ kwa lamaŋ nku, nyǒ nyi yog kwaŋ bǝ ǝnied ǝbyo nyyo shɨshɨg kɨnyyo ni dag. Kwo bǝ cuncwad, nfa ǝnied swanta ǝbyo kɨ nyyo shɨshɨg kɨnyyo ni dag, ǝguŋ ufa, shwwo ǝnied, hwi +agwaza dunio, naŋ khab ku bǝ mba ni, tɨlɨd kwo sǝnaŋ nyi ba wod swanta ku. Əwod nini ndyurug nyin kud! Nyi yog kwaŋ bǝ ǝtyo ǝwo yed nǝnyyug ǝwod ǝnyyo shɨshɨg kɨnyyo wo ǝbyyo ǝguŋ ufa, ǝ hwi +agwaza dunio, ǝtyi twoy ǝnied, ǝtyi hyoŋ ǝkan, kwo ǝtɨ shwwo ənied ni. Kud yog ya kyaŋ ya bə +təŋkay bana dag. Nǐ bǝd nna ngyed ǝtyo fag ǝlyyad tuza ǝnied ǝbyo ǝ ŋway yed nnwan Əgwaza? Dǝ kunuŋ ǝkyo, I myim nnwan Əgwaza ǝnio nyî fag ba ndyyo dâ? Əwod Əgwaza ǝsɨ fag əlyyad tuza ǝnied ǝbyo shyyo tusa ka ni ǝlyyad na, "nyi tɨn kǝtug ǝyin ǝwo bumi nyin ka."