Nǝnyyug mba, naŋ nku nshyyo bǝ nyin ni, nyi ku may cad ya kyaŋ ya ceced ǝnied bumi əlyyad Əgwaza na dag. Kusɨ cyyo nsɨ ndyyad bǝ nyin bumi lwam naŋ ǝcwwaŋ nnwan ni bumi Kristi. Nsɨ ncyyed nyin nkyaŋ ǝnio dǝ i lwo ǝhwu fɨg ni, naŋ +ǝyaŋ ǝ nŋway nnwan ni. Nyi kǝ mmay ya ǝkpǝw kyaŋ ya dag. Əwod kwo bǝ nini mgbom, nyi kǝ mmay dag. Had nini, nyi nɨ nyyo swad təŋkay lwam kwo. Naŋ nyi nɨ mbyyo sag ǝyyi bɨ ya kǝnan bə əyyaŋ ni. Ku twarag naŋ nyi nnyyo swad lwam kwo ni naŋ kǝdǝ cyyed nyiku ngyed shin hwi tàdá ǝniebɨshyi dâ? Bə kə əyin bə nyin ə hyyo, "Ə' yed ə shin Bulus kwo Afolos ə, swad kukwoy ətyibɨshyi kwo dâ? To, ǝnyan ə yed Afolos? ənyan ə sɨ yed Bulus? Səlləy zɨd +ǝhwo Əgwaza byo, kwo mbwag zɨd kyo nyî nsan Əgwaza u. Konyan ə məmba əsɨ joŋ gu zənaŋ nyyo ntəm gu na cəcərag. Nuŋ ǝ ntɨb ǝlyyad Əgwaza na bǝ ntsswo nyina. Afolos ǝsɨba nti sǝhwod na. Əwod Əgwaza əwo ǝsɨ cyyo na lay ku. Yog mmo nkarag, bǝ ǝnied cwi, bǝ ǝnied ti səhwod, ba yed kyaŋ dag. Əgwaza ǝ ti lay ku. Nyi di naŋ nkyaŋ ǝnio ǝ cwi bǝ tɨtam ni. Bə ətyo cwi bǝ ǝtyə ti sǝhwod, tǝm nyyuŋ kwo naŋ ba nyyo. Əwod konyan bǝ mba ǝnǝ san zaŋ gu ji dɨ nyyo tǝm guku bɨ tsswo nyyuŋ. Nwad, zɨ nyyo ntǝm Əgwaza nio dunduŋ. Nyi byo mun yed ǝbyin khab Əgwaza ka. Əwod nyisɨ bu yed nog Əgwaza kwo. Əgwaza ǝ nyyo n shog ǝji nnyyo gu ntǝm, naŋ Əgwag ǝtɨ nog ni, nuŋ ǝ mkpərag ǝtyin nnog ka. Sǝ konyan ǝ tǝlwam bɨ gag ǝkwo gwo nnog tuza kuka ni. Nwad, ǝ mbyyo ǝyin əwo əbu na sag ǝtyin nog ǝyyaŋ ka u sswag usɨ ka ǝkə ntsa ǝ sag ni kyo yed Yesu Kristi ni dag. Kǝ ǝyin ǝsɨ nog tuza ǝtyin nog ka bǝ zinariya, azurfa, mɨmyad nfaŋ, nkwon, gǝfarag kwo ǝkwob. Əgwaza u ǝba fag ǝlyyad tuza tǝŋkay ntəm əna konyan ǝ nyyo ni kpəkpay tənwam ka. Ənǝ mag ntǝm zid na bɨ loŋ kwo. Loŋ ǝkwo nɨ twarag təŋkay gbǝdarag ntǝm ǝnio zɨ nyyo gu ndyo ni. Kǝ təm konyan yoŋ mag ku, ǝnû ǝna san zaŋ ji. Əwod kǝ təm əyin ku sɨ fi bǝ ndoŋ ku, ǝna sswo zwod ŋway zaŋ ji, gu bǝ əpyo gu ǝna shyyo san ǝkwo na di eye ǝkay ǝ wurug bǝ kəucyo ndoŋ ni. Cucug ə sə nyî lyen naŋ nyi byo ngyed gbǝndaŋ Uli Dyeb Əgwaza ka dâ? Tswa Əgwaza ji mun ə swan bumi nyin ka dâ? Bǝ kǝ əyin əsɨ mag byyan gbǝndaŋ Uli Dyeb Əgwaza ka, Əgwaza u ǝna tyɨrɨb ətyə əwo. Nwad, gbəndaŋ Uli Dyeb Əgwaza ka yed zɨzarag, nyi byo yed ka. Tǝlwam kǝlag ənɨ lyyǝn ǝpyo a. Kǝ ǝyin bǝ nyin ǝ dam nyo ə byyo tsutwad bǝd bǝ ncey ǝkwi ni, yog gwo bwwag ǝpyo gu ǝ ncyyo ǝbwwon ə, gwô ga nshyyo tsutswad Əgwaza ku. Nkyaŋ ǝnio ənied swanta ba cyyaŋ naŋ tsutswad ni, na yed bwwon kwo duyi Əgwaza ka. Nwad, ǝlyyad Əgwaza na ǝ nyo "Əgwaza u ǝ tǝbyyed tsutswad ǝnied ku bumi mumwaŋ baku." Sag utswun, "Ətyǝ Uli u ǝ lyen naŋ dɨdam tsutswad ǝnied wu ǝ ngyed nkag nio." Kukwo mbyyo, yog ǝyin ǝyog tswod fɨrɨŋ tuza +ǝtyog dag. Nwad nkyaŋ ənay ni yed nshin nyin kǝkǝb. Kwo Bulus a, Afolos a, Kefas a, swanta kwo a, sɨced kwo a, kǝ ǝhwu kyo? Bə kə nkyaŋ nini, kǝ nsɨn tɨbay nio a? Nkyaŋ ənay ni yed nshin nyin kǝkǝb. Nwad nyi yed ǝshin Kristi byo, Kristi bwo ǝsɨ yed ǝshin Əgwaza ə.