Nini tuza tuŋ nkyyaŋ dɨ byyaŋ nnwan Əgwaza naŋ nku nkam nnwan Əgwaza ənio shyyo Galatiya ni, nyin bwo, nyi nyyo ənnyo. Yog kwonyan bə nyin gwô sag kyaŋ bɨ nwam tɨb ntəm ku naŋ gwo ə ngyaw ni, nwad kə mma mbay, nyî dɨ tuŋ na dag. Kə mma mbay, nna təm ənied əbyo nyi khay ni dunduŋ bɨ kwa mbwag, bâ nad bɨ təm ji Urushalima. Kə mma ngyed naŋ nuŋ bwo mba shyyo bu nad ku, sə bâ nad duŋduŋ bə nuŋ. Nna bay bə nyin bə njen əzo n na ntyyeb Makidoniya ni. Naŋ əna nkay Makidoniya ni. Shim dag n labyyaŋ bə nyin də njen ulwo siyem ji dənian nyi ga byyaŋ n tuza cyyed nka kəkəb ulwo əka n nyyed ni. Cad nuŋ əkwo n di nyin bə akəday njen dag, nwad ncad n kyag jen bə nyin kə Əgwaza shim. Əwod nna nswan Afisus tɨ nad nwam Fenticos. Əwod ə hwwug n ulwo əkyo byyo kpay ni, əwod +nəndwan mba əsɨ shi bəd. Kənaŋ Timoti ə bay yog gwo ə shyyo swan sad bumi nyinka, nwod ntəm Əgwaza Ətyə Uli nio gwo nyyo ni, naŋ nuŋ bwo nnyyo ni. Yog əyin əyog jyway gu dag, nyî di naŋ nyi cyyo gu təlyen shensham. Dənian əna bwwog ə bay bə nuŋ, ncyaŋ lwag guku dunduŋ bə +nənyyug ba. Tuza əlyyad nənyyug zɨd wu Afollos. Ncyyo gu gbugbag gwô bay byyad nyin dunduŋ bə +nənyyug ba. Ə̀ cad bay ku nini dag, mməntug, kə jen ji ba nyyo əna bay. Nyi swan bɨ cog, nyî yoŋ bɨ ced bumi ŋwwag cucug, nyî twərag əkwa +ətyog, nyî byyo əlyo əced. Yog kəkəb nkyaŋ ənio nyi nyyo ni nyi nyyo na bumi cad əyyaŋ. Nyi lyen naŋ kyaŋ mbwag Stefanas ka ba byo ku tsa shyyo san ku bumi Akaya, basɨ ŋwwag əpyo ba bâ nyyo nnwan Əgwaza na ntəm. Nini n nay nyin +nənyyug. Nyi hwi taŋkay ənied ənay bə konyan əwo əbyyaŋ bumi ntəm əkay, əbwo sswo ubuŋ dunduŋ bə nzɨd ni. Nshyyo bə jijyad əlyo bɨ bay Stefanas bə Fartunatas mbyyaŋ Akaikas. Ba tɨn swad nyin̂ n ku. Ba cyyo tswa nji sɨ byyug mbyyaŋ nyin bwo. Dənian əkyo sə nyî ŋwwad taŋkay ənied ənay ni shi. Nnwan Əgwaza ənio shyyo bə əbɨn Asiya ka byyad nyin. Akila mbyyaŋ Bilkisu bə nnwan Əgwaza əba ə tuŋ bɨ uli baka ni, ba byyad nyin bumi Ətyə Uli. +Nənyyug ba kəkəb ə byyad nyin. Nyi byyad +nənyyug ba bə zɨzərag lwug əyyaŋ. Nuŋ Bulus, nuŋ ə ndyurug byyad əkwi bɨ bwag nku. Kwonyan əwo də cad Ətyə Uli ni, yog gwo yed ətyo əwo ə shyi ni. Ətyə Uli zɨ wu, bay! Shog Ətyə Uli Yesu i shyyo dunduŋ bə nyin. Yog cad nku i shyyo dunduŋ bə nyin kəkəb bumi Kristi Yesu. Zəm!