Nyi fun dɨ shyyo cad ku bɨ ced, mbyyaŋ ŋwwag əpyo dɨ shyyo zənaŋ ntswa ba bənaŋ zənaŋ lyyad əŋwwad Əgwaza ku. Naŋ ətyə əwo lyyad bə əlyem əyyaŋ ni, ənied byo gwo lyyad bə mba dag, Əgwaza əwo gwo lyyad bə ngu. Də əyin ə may fɨg kyaŋ əkwo gwo lyyad ni dag, dənian əka gwo ndyad nkyaŋ ənio shyyo bɨ niad bumi Ntswa. Əwod ətyə əwo lyyad əŋwwad Əgwaza ka ni, ə lyyad bə ənied byo, ə ga nog ba, gwô ti ba gbugbag dɨ shyim ba ntsswo. Ətyə əwo lyyad bə əlyem əyyaŋ ni, ə nog əpyo gu kyo, əwod, ətyə lyyad əŋwwad Əgwaza ka ni, ə nog nnwan Əgwaza nio. Bɨ cad nku, da kəkəb nyin əlyyad bə lɨlyem yyaŋ. Nwad ndi sɨkwo sswag ənnyo ni, yog nyi lyyad əŋwwad Əgwaza. Ətyə lyyad əŋwwad Əgwaza ə sswag ətyə lyyad bə lɨlyem yyaŋ. Kənəŋ əmun ə byyo ətɨ bwwaŋ kyaŋ əkwo ə lyyad bə əlyem əyyaŋ ni, kukwo nâ nog nnwan Əgwaza na. Əwod nini +nənyyug, kənəŋ mbay bə nyin naŋ ndyad bə əlyem əyyaŋ, nna nyyo ni mbyyaŋ nyin? Inɨ yəw dag, sənəŋ ndyad bə nyin naŋ ətɨ hwwug əlyyad Əgwaza ənio ə kub ni, lyen mbyyaŋ əŋwwad Əgwaza mbyyaŋ cyyed. Kənəŋ nkyaŋ bubwom ənio ə tswad saŋ sswon ji ni wwud bə əŋwuruŋ naŋ zunzug, kwo, zwunzwom ucwwoŋ, dənaŋ ba wurug bə ŋwuŋwwad ku lwwon dag, nio əyin əna ndyen naŋ ŋwuŋwwad bana ndwon? Kənaŋ ə hyab əgwa ka, kasɨ twərag əŋwwad əkyo də əyin əlyen ni dag, nio əyin əna ndyen əŋwwad zo yed jen ləb lwam shin zwaŋ kǔ? Ənnyǒ naŋ ku ndi nyin. Kənəŋ nyi kərag kyaŋ bə əŋwwad əyyaŋ əkyo. kyo də ə fɨg ni dag, nio əyin ə nə fɨg kyaŋ əkwo naŋ əlyyad ni? Nyi nɨ kɨ lyyad də əyin ənə fɨg nyin dag. Cucug əlyyad ə mbyyo nŋwab bədɨdɨd nio lwon ni bə swanta ku, ə mbyyo əlyem ənyyuŋ əkyo saŋ fɨg kuni dag. Əwod Kənaŋ ndyen kyaŋ əkwo ŋwab əzo fa ni dag, nna yed kubay ə bə ətyə əlyyad wu, gu bwo əma ngyed kubay ə bə nuŋ. Ənnyo bəd ku ndi bə nyin. Naŋ nyî nsag tsswo tuza nkyaŋ ənio +zənəŋ Ntswa ənɨ byərag əwon ni, sə nyî kwan bəd nyi cad nsɨ na sswag dɨ nog nnwan Əgwaza bəd ni. Tɨlɨd kwo ətyə əwo lyyad bə əlyem əyyaŋ ni, yog gwo ə nay gag əkwo gwo na ngyəw bwwaŋ ku ni. Kənəŋ nnay Əgwaza bə əlyem əyyaŋ, tswa nuŋ əzǒ nay, əwod cug dam nji nɨ nkyag kyaŋ dag. Yag ə bəd nna nyyo? Nna nay Əgwaza u bumi ntswa nka, əwod ku myim mmo nay Əgwaza u bwo bumi cug dam nji. Mmo bwom əbwom bumi ntswa ka dɨ bwom bumi cug dam nji. Kə də ənnyo dag, kənaŋ ndyeb Əgwaza u bumi ntswa nuŋ əzo, ni ə bəd ətɨ ŋway tswoŋ ŋwab nji əna nhyyo "Zəm" tuza nay Əgwaza ku bə əgway ngu, kənaŋ gwo lyen kyaŋ əkwo a fa ni bə əlyyad ənio dag? Bumi cucug, nyi nɨ ŋwwad gbəraŋdaŋ əgway ə, əwod əyyaŋ ənied ə shyyo nog ku dag. Ngway bə Əgwaza naŋ n ndyad bə lɨlyem yyaŋ nsswag nyin kəkəb. Əwod bumi tuŋ nnwan Əgwaza na, i na yed bəd nkərag bɨ swaŋ əlyyad tsswon zo, ənied bâ shyyo fɨg nku dɨ cyyed əyyaŋ ku, i lan swaŋ əlyyad ci kwob swag bumi əlyem əyyaŋ. +Nənyyug, nyi yog twərag yed nnwan zəwon bə dɨdam nyi wu dag. Nwad, dulwo nyyo kətug, nyi di naŋ anwan umwan ni. Əwod bumi cug dam nyi ji, nyi yed ətad əyyi byo. Bə doka ji ə lyurug nyo, "Mbwag +ətyog əbyo yed əkag lɨlyem bə ŋwuŋwwad kubay ənied. Mmo na ndyyad bə ənied əbay ni. Sɨm bə ənnyo, ba nə tswoŋ n dag, fog kyaŋ əkwo Ətyə Uli ə lyyad ni. Kukwo yed, lɨlyem əkwo nɨ ntwərag kyaŋ kwo tuza nnwan Əgwaza nio dag, byo ŋway yed nnwan Əgwaza ni ba byo. Əwod lyyad ustwon ji nɨ twərag kyaŋ kwo, ba tuza əsɨbyo ŋway yed nnwan Əgwaza ni, nwad təm ji yed təm nnwan Əgwaza nio. Bə kənəŋ ku di ənnyo, kə kəkəb nnwan Əgwaza na tuŋ nduŋ, kəkəb ba sɨ ŋwwo lyyad bə lɨlyəm kubay byo, ənecen bə ənied kubay əsɨ mun əbay, banɨ kyag nyin nyo nyi tyoŋ jyyib zo dâ? Bə kə kəkəb nyin sɨ nyyo əlyyad utswon nio, kə necen bə əsɨba ŋway yed nnwan Əgwaza ni əmun əbay, əlyyad ənio ba fog ni na tsub ntsswo bana. Əna yed fyyed əlyyad tuza ba bumi əlyyad əna ba fog ni. Əna gbərag gu nkyaŋ ənio gwo niad bə ntsswo guku ni kpay. Kukwo na cyyo gwo shod əkwa duyi Əgwaza ka, əwod ə kwog gu ntoŋ. Bâ byo nâ twərag naŋ Əgwaza u ə shyyo dunduŋ bə nyin. Bə yag ə bu na ntuŋ, +nənyyug? Jen əzo nyi ntuŋ dunduŋ ni, konyan əsɨ byyo əbwom, kwo cyyed, kwo tyay nkyaŋ ustwon na, kwo lyyad bə əlyem əyyaŋ kyo, kwo bwwaŋ əlyyad əlyem əyyaŋ ku. Nyi nyyo kwo zaŋ təŋkəy nkyaŋ ə̀ nnog nnwan Əgwaza na. Kənəŋ əyin ənə lyyad bə əlyem əyyaŋ, yog ənied əfyyaŋ kwo ətad byo bâ lyyad jin-jyin, sə ə shyyo əyin əwo əna bwwag əlyyad ənio əlyyad ni ənied ba ə ga fɨg. Kə ətyə bwwon əlyyad wu ə nshyyo dag, kəkəb ba sə bâ swan ŋyoŋywaŋ bumi utuŋ nnwan Əgwaza ka. Ku myim konyan bə nyin əlyyad bə nyin gu sə Əgwaza u. Yog ənied əfyyaŋ kwo ətad byo ə lyyad əŋwwad Əgwaza ka bâ lyyad əkum ka ə kworog tsutsswo ba ə nshyyo fɨg kyaŋ əkwo ə lyyàd ni. Kənəŋ əma joŋ əyin fɨg kyaŋ bə utuŋ nnwan Əgwaza ku, yog əsɨ byo əku shyyo bə əlyyad na ni bâ cyyo nywaŋ. Kəkəb nyin, nyi yəw nyî lyyad nkyaŋ utswon na jinjyin dɨ gag əkwo kwonyan ənə myam ni. Kəkəb nyin ə nyî ga shyyo gbugbag ku. +Tswa ənied lyyad əŋwwad Əgwaza ba, coŋ nduŋ bə cəcərag bə ənied lyyad əŋwwad Əgwaza əbyo. Nwad, Əgwaza u yed ətɨ bwərab əlyyad dag, ə̀ yed əsɨn kay nda ə. Sɨkwǐ yed tádá kwo bɨ +ulwo nnwan Əgwaza na. Yog +ulwo ənio nnwan Əgwaza na ntuŋ ni, ənyyug ba ə swǎ ənywaŋ. Ə joŋ ba jen bâ lyyad bumi utuŋ nnwan Əgwaza dag. Də kunuŋ əkyo, yog ba hwi ywway əpyo baku naŋ doka ji ndyyad ni. Kənəŋ ba byo kyaŋ əkwo ba cad myam ni, yog ba lyib +ətyog ba ba buli. Nwad, I yed kyaŋ nsum kwo əbyyug ə lyyad bɨ utuŋ nnwan Əgwaza ka. Əlyyad Əgwaza na nyyo bə nyin â? Nyin byo bə əyin nyin na ntad â? Kənəŋ əyin ə dam əpyo gu nyo ə yed ətɨ lyyad əŋwwad Əgwaza, əsɨ bə dɨ gwo shyyo cəcərag dəndwag Əgwaza ku, l myim gwô lyen nəŋ ǹkyaŋ ənio naŋ əku ndyurug nyin ndyo ni, nu yed doka əzo nyyo bə Əgwaza ni. Kə ə́ mbyyo ətyə əwo ŋway fɨg kyaŋ əkwi ni, nyi yog kyag gu də kunuŋ kyaŋ dag. Sɨm bə ənnyo +nəŋyyug, bumi cucug, ncad nyi byyo dɨdaŋ lyyad nkyaŋ utswon na, əwon nyi yog lwwoŋ əyin dɨ lyyad bə lɨlyem yyaŋ dag. Yog kwo yag ə nyyo, ə nyyo ku shensham ku kay ətan ndwag.