¹ Nǝ durghǝ cik.. ɗa keni, mya kara tu tǝ cǝɗkǝn tǝ karaghǝn Cokes tǝ karaghǝn nǝ zarsǝ ɓuru, tǝ kaɓkǝ nyaarghǝn, fin cik nǝ durghǝ zarsǝ, ² Durghǝ guŋsǝ tǝ mǝn guŋndu nǝ durghǝ tu mǝ tsǝtn tsǝtngǝn wusni tǝ riighǝn kǝ ngaɓkǝn gaam a giɓkǝ Cokes tǝ zhimngǝni. ³ Gin yi ndara nǝ nǝ ngǝtn kaɓkǝn a ken Cogn murghǝ vumngǝn wopi. ⁴ Caa suu tu zarsǝ ɓuruk tǝǝ tu vumngǝni gyo ɗaŋ wo tlǝr mi a yisǝŋngǝn kǝ caaghǝn raa. ⁵ Durghǝ tu Cognvon ci namboŋ, gyo ɗaŋ ciɗa dlei ngǝtn wos, ɗaŋ cigha dlei Cogn tǝ zaar, daashi nǝ Yesu ɗaŋ nǝƁorghǝnni. ⁶ A vǝr gamas nǝ konu, nǝ durghǝ tu tǝ tlya zha kili yo ɗaŋ tǝ ɓumtsǝ. ⁷ Nǝ durghǝ dei gin, tǝ ta caam gaamatn mǝ naa nǝ murghǝ ŋalarghǝn vi wusni mǝ naai nurghǝ shinngǝn jom jomni ǝŋ mya kon tu nǝ mbyerni hŋ, myani minǝ murghǝ giɗkǝn gya gyo ɗaŋ taa yisǝŋ Cogn hŋ, a te caaghǝn raa tǝǝ fighǝn ngǝtn ɗa giiri. ⁸ Nǝ durghǝ gi, Mya suu nǝn monci ɗa cigha ko lǝǝɓi gyo tǝ kara Cogn, cii yi mbi taas wasǝŋ kǝ ndzǝkni gaami tǝ tliitǝ yer ko shisherghǝn raa hŋ. ⁹ Ɗaŋ gi, mya suu guɗi tǝ caa lǝŋsǝ ɗaŋ a ndarai tǝ ngǝtnngǝ tlǝɓǝr yo ɗaŋ a ndara tǝ ngaɓkǝn gaam. Tǝǝ naa nǝ nǝn nalghǝn gaam tǝ jinari tǝ zurfa tǝ lǝŋ kǝ gyo ɗaŋ yi tǝ wurɓa hŋ. ¹⁰ Mya suu guɗi tǝǝ caa lǝŋsǝ yo ɗaŋ a ndara, guɗi tǝǝ rii ndara nǝ kǝ Cogn a te ndaraghǝnni kǝ laa. ¹¹ Guɗi tǝ kuuɓ ngaɓkǝn gaam tǝ mbutarghǝn gaam a ko te lǝɓi gyo. ¹² Ma vǝr dǝǝl gǝǝɗ tǝ giɗ vartǝ momwaan hŋ. Beɗ tǝ gi tǝ tsǝtn tǝ ngaɓkǝn gaam. ¹³ Adamu ǝŋ tǝ ndǝrtǝ keni kǝnnda Hawa'u. ¹⁴ Adamu kǝnnda tǝ mortǝ hŋ, beɗ tǝ gi gǝɗes jǝn tǝ mortǝ kǝn a maal. ¹⁵ Beɗ tǝ gi, wo tuu vumngǝnni a te ɓwaaghǝn mǝri, ɗaŋ caa cii ken tǝ caaghǝn raa tǝ suughǝni, tǝ ndzǝk ndzǝki tǝ raa namboŋ.