¹ Manẹ ki okpo mana vi shoke-Afe -uke -ketinawa, ma yia ne ni ukpo uo vo Oshokoze. ² Ukpo ni ko yio ha abo ma. Ama ukpo vi laiye laiye, Afe Ao oshokoze. Ukpo uni ma she no, ma he gbe ruzu uli mahi ma ha afe a oshokoze riagwo so. ³ Afe no ne mai ma toripe, lki ni ma ke hole zoo, lki akia mie utupa umana. ⁴ Atata, lki aki ma ke she ukpo no, ma hẹ gbe ruzu egwẹ ẹ gbe ma egbe, ma le da na sha ni ma hole zo ubo ẹnẹ yo ma le a dano ka so ze ma agwo; ukpazi ami ana gwe ne mia nei ruwu, ugbo lu no nu ha luwe. ⁵ Oyon no ziahe ma je ele no, one ko oshokoze no hẹ emi ewo damaloju nazi egwe nie zi ⁶ Ukpa lyo wẹ ọkọ wẹ oziza, nẹ zẹ kpe lki ma kẹ she afẹ zọ egwa ẹgbẹ me zeli zọ oshokozẹ ọ. ⁷ Eyiyio ni ma ha cha, lki llo na ha mie asha. ⁸ Ukpa lyo ma yia ne ni oko kpe ule bo zo ki me gbe egbe she he ma she afe kpe ze oshokoze. ⁹ Ma he no ri ẹmamazẹ ẹmana, boya ma gbe egbe she he abi ma sho egwa ẹgbẹ, ma he ri ugu mu ma yo. ¹⁰ Mama ẹza kpa me ziza zo aru ma ekwi yo ma lkrisiti, ukpa zi ko yio ko yio oi yie esọ wo aka ani me gbe egwa ẹgbẹ gbe boya unube abi uni ye. ¹¹ Ukpe ma nẹ zẹ nu uzuru mu oshokoze mama we ha agbo kpe oshokoze omie ma egwa bai kuku mama ne ze egwa mana. ¹² Iki ma we he wa pe wa le yẹ hẹ ma ẹkẹ lbo ni riata, ẹwieneyọnọ, mama wẹ hẹ wa ubo zi ki wa he mie utumọ ẹmi ni wa ha hẹ ha ma lẹ vena, ukpa wẹwẹ kpa hẹ lbo ne hẹ gbe vena ama l ke miana shọ egwa ọkọ. ¹³ Okiriki mama me gbe ni egwa oko ma na she he nazi oshokoze no okiriki mama zi egwa oko ma owe tata, tori ubo wa na no. ¹⁴ Ugu da mu vi Jesu une ni ki mi he gba ka ya ukpazi, megbe ni oko ma na we oyon kpa no gu na ma eza kpa oboeneyo agba zakpa kpa ne guwa. ¹⁵ Ogu wa na ze mae zakpa, ukpa zi lbo zakpa ne shọọ ẹkẹ shoo ne ze egbe ya, ama lkia shọọ na zi oyon no guwa to ri ukpa eya no kili wa ha zi. ¹⁶ Tori ukpa lnọ ma yio kene ze oyon ko kpa cha opopo egbe, ko kpa ma la ri ki ma ne ze ni lJesu ẹshẹ ẹwẹ egbe anana oki ri yo kpa. ¹⁷ Ukpa lyo, oyio ko yio no ke sheegbe lJesu orino yio afafa wa, egwe tẹlẹ etayo yẹhẹ egwe za kpa lri ne efafa wa. ¹⁸ Egwe nọ nẹ zakpa ẹfẹ oshokoze ni gbezi, oviema zo ẹgbẹ wọ cha ukpate u lJesu, Ozi o ha chaya awa vie agbọ naze ma. ¹⁹ Unoki, ẹgbẹ lJesu oshokoze ovie ugboluzakpa zo egbe wo, okozazia zo eya egbe ohanu uyo mu a viena le ma ubo. ²⁰ Ajẹ ni ma, ẹlẹ lbo ni ziza na zi lkrisiti ẹlẹ lbo ni zozọ zalo, ma zalọ wa tori ukpa lkrisiti, awẹ ma viena dai oshokoze vae!" ²¹ O ha ni oyon ni ko yia na zia ri oyon no yia na zia na zẹ ma. Ukpa zi ki me lri lbo ne fuema na zo oshokoze cha u kpate u lJesu.