¹ Uzi mai me uke he bai me kwe egbẹ gbe bai me zo uramina unọ ama atata uli kwe gbe gbẹ me. ² Ukpa zi me mi ri lvumia, lvumia eo oshokoze ene mi ri na we ka eshe ni mi gbe we he we kpe wa yiane ohoze onokpa, mi ri ni lari naze we kpe mia ha we le ubo lkrisiti ẹlẹ omuvizi oni ko emie ohoze gbe. ³ Uzua vamẹ tori we wu ki chiema viena gbe egbe usi mu atata unu yiane ni lkrisiti, ele ni eyie alalele zi EFA eshene. ⁴ Ele ki oyio ofa ozia we he we lJesu ofa vene oni ma kole kpaze abi u yie ne miefa yato ze nu sha yie tẹlẹ abi u yo ni wasu efa yato ze nu yio tẹlẹ zema ze no tara. ⁵ me kozi egbe keke tayo ze egbe l bone we ke. Evuyo mana rume ne ni ri eni rio kpa kaze. ⁶ Okpe ma la ri ke oyio kaze me ele na kolẹ ama akaze ni me egune ko popokọ popọ zo kemikemi, em ma ha ka ze wa ⁷ Mezia, ele ni mi la tẹ zė̱ egbẹ mẹ na wa, ukpazi ki waẹ yielẹ ofe ni me wasu akole oshokoze naze wa. ⁸ Mi zu ji ewi lshoshi ejoo ele mi la gbu ubo eya yie eni mi ha ri ugu wana. ⁹ Eshe ni me she efe wana, me le dano emi me he gbe oyio kopa egbe gbe toripe kemi kemi ani ma da no ene me mie ubo ewa ma na ewi mesidonia, lkama l kugwe kugwe ni ki mada ki mi ha egwe gbe wegbe. ¹⁰ Ele ata o Oshokoze na shọmọ lkimie kunu uvena mu nọ ie Jẹ fẹ eyiala ewi achaia. ¹¹ Uboene? ukpazi ma da ugu we? Oshokoze one ki me du ugu wẹ ¹² Ara ma ni mi ri ni zi lie ri, ukpazi ki mi lbo za kpa ne vena ki eria ma elekpa ni mi ri mi gbe eya ku wa. ¹³ Ibo ele no zakpa, lvuyo ma alẹ lẹ zẹ no bai lbo akaya ewi alẹlẹzẹ evie ẹgbẹ ya ẹlẹ ẹvuyo mai lkrisiti. ¹⁴ Uno nu gbe munu, toripe esu gọọ ovie egbe wo ele ageli awi llkiristi. ¹⁵ Uri ugunu gbunu tayọ ki lvuyo me ewi esu eke vie egbe ya zo evuyo mana fuema, lkpari eweya lha gbe ele akayo ubo we ya. ¹⁶ Me ke wẹ oyiọ ko kpa okika kozi kpe ogbedu mi ri, uki kozi lyo rio yie me ele ogbedu ukpa ki me vena ekeke. ¹⁷ Evena me nọ lgbe ubo oshokoze zi, ama, ele ogbedu ni mi la he ni. ¹⁸ Ukpa zi agbo a hakaya ubo eya vena, eni zi ku meme vena. ¹⁹ U ha nu utaina kwema pelu lbo ogbedu, u yiane nẹ egunẹ. ²⁰ We yie ma egbe l ki ni ko yio mu yiala, oyieniwe kemikemi anu yiane oyiewe kasha zakpa, okele vena lẹ yẹ wẹ abi okele fie ubi llo. ²¹ Mia we ki lkamukome mama, kpe mayio yiane ewi nei game kune akemie oyio nọ vena mẹ kole ẹlẹ ogbedu, kume l avena. ²² Ibọ l Heberu ni we ri kumeme Heberu nọ lbo lsreali ni we ri, kumeme lbie ewi Abrahamu ni me ri. ²³ Evuyo mai lkrisiti no? (me kole ele oyio no gbe okowo she he) me kpupa za o akayan, egwa ewon, egwa lgbe eni ke yianu umamazẹ me mie ufia llegu la ne bue zi ollo. ²⁴ I yẹ yẹ a tọ tọ ne lbo lju lgbe me epele ni ogbolo ete gbe ete sia. ²⁵ Iya sa na ho otu gbe mẹ ahe sia gbe me lshokpa, lyasa na vanazemewa ohonako ono kpa bai owazu onokpa ni mẹ shẹ egwa amẹ. ²⁶ Ikame ewi llucha ni ma ze sho she ufia llegu la lbome ufia lbo ọgbọlọ ufia eyala ene rumẹ ufia egwa ebẹ ufia egwa oku, ufia egbe lbo ni ki yiayo. ²⁷ Egwa uzu ke egwa lwahala, egwa oyon muze owazu, egwa ucha, oyon won ame awe a shozakpa, egwa oyioyiọ bai ukpa. ²⁸ Egbe egwe za kpa, adazakpa nu ugu lshoshi uzi sho shemọkọ. ²⁹ Oyon no ni ki ma ne ze zo egbe? oyon nọ cha zọ okpopo oni ko bọzọ ni ki ugbe me gbẹ? ³⁰ Iki mi ki a vena, uvena mume uzizazi kame emi na he kaze ele mi la ri ole je. ³¹ Oshokoze bai lya owi oga Jesu, oyon ne chie bae lailai, one ze kpe ata ni mẹ wẹ ³² Egwa l Damasikus, Gomina ono she aba okpaye Aretas, ole vele ele no lai mume. ³³ Oka na vale lrria zo aha za me cha l windo eyiema ltimizo ẹkẹ ni mi gbe la fue wa ubo wo.