¹ Ẹpọl, Ijisọs Ẹkraist oọ̀van nẹnẹ biye ka adọ Apostu na, nẹnẹ bi tiyẹ obo nọ Osibina yọ ẹpepan nọboro na, ² nẹnẹ a ron mo wow nọ ú runsa íyo ogẹsero orebwo owore ọnwọnwọn. ³ anumi ane yọ ogben oforo, nẹnẹ wo Idavidi yọ ubanẹ iwukpe na. ⁴ Ẹfuẹwfuwẹn nẹnẹ wọ onwowwow na ka ada Osibina ogben ọsọma pale ṣa ékporo, Ijisọs Ẹkraist tọ ọ Idu. ⁵ Iyọ ọrẹ tẹ gba ese akọ apostu nọ ọton mowọwọ aka ọnawọn nọ erọ fenyan iyọ ọ iwuru uba. ⁶ Uwuru fenyan enane biye wo ka oda Ijisọs Ẹkraist eka. ⁷ Nọ ero fenyan Irom nẹnẹ wọ Osibina yọ uniniro eka na, ne biye ka bẹ da Osibina yọ onwowwow ro abe na: nẹ nọ aka iwu obeberẹ wọ ọ Osibina ẹfa, tẹ Ẹdẹda aka ti Idu Ijisọs Ẹkraist. ⁸ Oṣoro, ẹgan mo Osibina ẹba Ijisọs Ẹkraist iwuru nẹ na nọ fenyan uba ka bẹ kpọ nọ ọnawọw ẹpẹpan ẹrọ fenyan. ⁹ Osibina awaa mọ ubedin, nẹnẹ isiye yo-utun anọ imọ ẹfuwẹnfuwẹn nọ epepan no-oboro ogben nẹ ka, akọnẹ ide siye kẹ ga wẹga ọgba fenyan na. ¹⁰ Ọgba fenyan ida bẹlẹ imọ adura ka idi su osiye vẹ ẹpan, iyurun ba ọgbọnẹ, Osibina yọ ibo opin imọ ọsa wẹfa. ¹¹ Ini ka ẹgbawo, idi fọ ọ ova nẹnẹ wọ ẹfunwẹnfunwẹn ẹka na, edi fọ iwogbigben. ¹² Aya wa ka ọrẹ fon nẹnẹ me nika ni di fọrẹ yẹmọn, oro-orore yẹrẹ ọ́nawọ, nẹka aka mẹka. ¹³ Akana, ime ni ka nẹda ọda ẹnanẹ eme din kena kide na, ọgba fenyan ide nika ẹṣa to nu (àmá ọrẹ eme wo wamọ nẹmọ ama da akana na), ka idi gba ilukutu iniwu, akọ nẹ isiye su Ikuwaro abẹ iwu na. ¹⁴ Oju ba ayẹ wa nọ Igiriki ro aka ẹga nọ ogben nayẹn aka abẹyẹ. ¹⁵ Aa mẹka, ẹkọ ẹsa ka ẹpọ ẹpẹpanoboro jeb tọ ẹnanẹ wo Irom na. ¹⁶ Epan na makomo nọ ẹpẹpan noboro ayẹ, Osibina yọ iwogbigben wanọ ọnafan nọ orokoro nesu onawow na ubaka Ejew oṣoro aka no Igreek. ¹⁷ Ubaka ọ Osibina osere biya yẹn iwo onawo re onawow akone bi siye wore, "oserere akama akọ onawow." ¹⁸ Ubaka Osibina yọ iwu-okeka áyen kabo Osibina ẹ ẹ̀ṣẹn nọ ẹnanẹ emeje gbeli ọnwọnwọn na aka nẹnẹ emaje gbeli oserer abe na enane dewo ore nena mawo osere se yo-urun ikuwa ri. ¹⁹ Ọnẹ wọrẹ na awaka, ọnẹnẹ bi din se Osibina na, ayẹ ba gba. Ubaka Osibina te bọrẹ. ²⁰ Yọ oboro nẹ ayẹn na ma gba na, akọ ọ yọ ọ iwogbigben nemesu ọta na, aka osi ọọ̀ma ero kwe gbẹ ama bẹbẹ ṣana bi diya mọ ẹrọ ọnẹ, ewo ẹpẹn fenyan nẹ bi siye na, bi rorẹ bi lọ ẹpẹn fenyan nẹ bi siye na. Ọnẹ uba be me su ẹkarẹ okarẹ. ²¹ Ọnẹ uba, bi ki din Osibina ro ama be me kuru nẹyan aka Osibina na, be me diye yisi gan yẹn ẹba. Akọkọnẹbẹ bi ṣinọ abẹyẹ ibọ iroro bọ ẹfunwẹnfunwẹn ṣinọ esiri. ²² Be siye ka abi gben na yẹn, ama abẹyẹ bẹwa. ²³ Bẹ fọ ugbugbodi ne wọ Osibina nẹnẹ e diye fu na anọ ọ unini nẹ wọ uṣi nẹ wọ ofufu orokoro ẹka na, ọnẹnẹ aka ọne nẹnẹ su ipisi ẹna na aka ẹpẹn ẹnanẹ e vunije na. ²⁴ Ọnẹbuba Osibina fọ ba no bọ ọlarẹ nẹ wo ba uloko na, nẹnẹ ama wọn na, bọ iwukpe emesu okuru nọ abẹ etin. ²⁵ Abẹ ẹnanẹ fọ ọ Osibina yọ ikuwa biya nọ iṣoma na, biye pun, bi diye siyọ okoto anọ ọnẹ be mana ore nebo ka ẹfẹna ini ẹrọ na aye su okururubile re ọgbọna eme su ọta na Aamin. ²⁶ Ọnẹ uba, Osibina fọ ba nọ uni siye ne me wo ọṣẹrẹ na, bọ iyaro fọ ọ ojegbeli ọnẹ bọwọ na nọ ojegbeli na ma bọwọ na. ²⁷ Ọrẹ ọlọyẹrẹ ọnẹbẹ iforo abẹ tebi osisiye nẹnẹ abọwọ ka bẹ ma iyaro abẹ ki siye na, bọ ọlarẹ wọrẹ ba ma bẹ ne siye. Iforo ẹnanėo e siyọ ọ ẹpan nọ kọkọ ẹga e to iforo, bi diya gba oya nẹnẹ bọwọ ba na nọ oṣisyliye nẹnẹ bi siye na. ²⁸ Uba ka bama fọ uba ka Osibina ewọ babẹ ẹrọ afọba nọ ọ uloko nẹnẹ eme siye ọṣẹrẹ na, bi de ki siye ẹpẹn nẹnẹ eme wo ọṣẹrẹ na. ²⁹ Bi fe nọ ọ onẹnẹ ama wọ ọsẹrẹ na, ẹga odudu, ọlarẹ aka oro ọfọ wibe. Bi fe nọ oro iwu ọkẹkan oro ọwẹnwan, iwu ọkẹkan, awọrẹ, aka ẹga odudu osu wibe. Ọsọ ọ ero eṣe bẹ wa. ³⁰ Obo oro iwuru fuwa, ẹnanẹ eme ni Osibina ẹga na, ẹnanẹ me su okuru no na, otiyayẹn, oko agumabonọrẹ siye ẹga odudu, ba wọ ọtọn ma nọ ẹdẹda aka iya. ³¹ Be me su ifoni, be me su ọnawọ, uloko oṣiṣile aka be me su eyi. ³² Bi din Osibina iyo osisiye ne be wora wijen na, ka ẹnanẹ e siye ẹpẹn nẹnane na abọwọ ka bi fo. Eme gbeka aba yẹrẹ e siye ẹpẹn nẹ nane, bi diya fọ iwu gbeli ẹnanḍ e siye na.