¹ kọ nẹ Ijẹṣu si yẹ ge ka ẹnanẹ ke, aá pan ma ayẹ pọ Ọsibina ẹfa aka á ge ka, "Ededa, ewakati ayẹ sa, fo ugbogbodi nẹ wọ gbẹn kọ gbẹn é di fọ ugbogbodi nẹ wọ. ² akọ nẹ úsi yẹ fọ ububuru nẹ ya iwu kpẹ fenyan ubaka aá di fọ ẹrọ nẹ mẹ ṣu ọtá na nọ ero fenyan nẹnẹ wu áne ya na, ³ Ọnẹ awọ ero-nẹ mẹ su ota na, ubaka bi di din wu, Osibina ikua. Ẹka, aka ayẹ nene úfilẹ na, Ijẹṣu Kristi. ⁴ Ẹ fọ wọ pọ ẹrọ ọnẹ. Ẹ si ye kuwẹ, utun nẹ uwa nẹ mọ ki si yẹ na. ⁵ Akana, Ẹdẹda, fọ mọ pọ ọsẹrẹ aka awọ aka ugbogbodi nẹnẹ isu aka awo sanọ bi áfọ ero one ápa na. ⁶ Ẹ fọ ni íwuru nyen nẹ ẹrọkọrọ nẹnẹ uwa nẹ mọ ẹrọ ọnẹ na; wẹ ka bẹwa, aka nọ fọ nẹ mọ na, aka, béé fo we ga ẹ si yẹ ọsi siyẹ. ⁷ Akana béé di ka, epen fenyan nẹnẹ uwa nẹ mọ na, wẹ fa bi wẹ sa, ⁸ ubaka èfọ ėo ga fenyan nẹnẹ uwa nẹ mọ na nẹ ba. béé nạ báá áka inua éka bi ḍin ka wẹ fa iwẹ sa, aka béé nawọ ka ufilẹ mu. ⁹ Ẹ si ye Adura ne ba. E meé si ye Adura no ẹrọ ama nọ erokoro nẹnẹ úwa nẹ mọ na, úbaka wẹ ka bẹ wa. ¹⁰ Ẹpẹn fẹnyan nẹ wa wẹ ka na, mẹ ka béé wa, aka Ẹ su ugbogbodi íbi bẹn. ¹¹ Ẹ mẹẹ pila wọ ẹrọ ọnẹ, ama erokoro ẹnanẹ wọ-ẹrọ ọnẹ, aka à mi ni wu à sa; Ededa ọwọnwọn, fọ báá bẹnbẹn iwi wúrú ubaka ọ́fọ ba nẹ mọ ka bi din wọ ọyẹrẹ akọnẹ ti si ye wọ ọyẹrẹ na. ¹² Akọnẹ Ẹ si ye wi be fa na, Ẹ fọ ba bẹnbẹn iwẹ wuru, nẹnẹ uwa nẹ mọ na Ẹ sẹlẹ ba, aka ẹ́ méé ṣu ọrọ ọyẹrẹ ibe wu nẹnẹ fú na, áma da ọgbẹn nẹ wọ ofufu éka na, ubaka Ọsibina Ẹ ga, nẹ bẹ wọra na ẹ di sa suu. ¹³ Akana Ẹ ni wú ása, áma Ẹ ma ge ga Ėopẹn nẹnanẹ ọfifiyẹ Abẹ nẹ iwu. ¹⁴ Ẹ fọ wẹ ga nẹ ba, áka ẹrọrọ gọli ba aka ẹrọrọ abi goli ba, ubaka béé máá wa ẹrọ éka, akọnẹ Ẹ méé si ye wọ ẹrọ ọnẹ éka. ¹⁵ Ẹ méé sin úbaka wu ti yẹ ba fura ero ama ne wọ udi fọ ba, bẹnbẹn fura ẹrọkọrọ odudu uba. ¹⁶ Béé má wa ẹrọ éka, akọnẹ Ẹ méé si yẹ wa ẹrọ ẹnanẹ éka. ¹⁷ Ti yẹ ba wọbọ aki ikua éka wẹ ga ikua eka ya. ¹⁸ Akonẹ wu si yẹ filẹ mu sa erọ, ẹ ganẹ Ẹ si ye file ba fọ mẹrọ ibẹ. ¹⁹ Íburu Ẹ ti ye mu wu wọbọ, ubaka béé ẹbẹba àbdi ti ye bi iwu wọbọ ako, ikua eka. ²⁰ Ẹ méé siye Adura nọ ẹnanẹ àbá rẹ ama nọ ẹrọ fẹnyan nẹnẹ aka na mọ wọ íbọrẹ ²¹ ubaka béé di wa ọyẹrẹ, aka awọ, Ẹdẹda, si ye wa im wu, aka Ẹ si ye wa iwi wu, béé di wọ ti nwu ubaka ẹrọrọ Ẹ di nawo ka úfile mu. ²² Ugbogbodi nẹnẹ uwa nẹ mọ, Ẹ yanẹ ba, ubaka bi di wa ọyẹrẹ, akonẹ ti si ye wa ọyẹrẹ: ²³ áá mẹ ibi wu, ako awo, Imi wu ka béé di fọ é sa gụrė unini, ubaka eroro é di din ka bi file mu, aka uni ba akọnẹ úsi ye ni mu na. ²⁴ Ẹdẹda Ẹ nẹ ka ẹnanẹ uwa nẹ mọ bẹn ma mọ máá Éfa ne emáá na, aka bi di gba mu ugbogbodi, ugbogbodi nẹnẹ uwa nẹ mọ ubaka úni mẹ ga sana bi di ya fọ ẹrọ ọnẹ ápa. ²⁵ Ededa ọwon-wọn, ẹrọrọ ẹ méé di wu ama à mi di wu, aka ẹnanẹ abẹ di ka wọ file mu. ²⁶ Ẹ wọn rẹ ka bi di wẹ wúrú aka Ẹ ma kẹ di yẹ si yẹ ka bẹ di din yan ubaka unini nẹnẹ uwa ni mu na Ẹ di wọ bẹ wu aka áá me É di wọ ibi wu.