¹ Wo ósorosoro ayẹ Ẹga we wamọ, Ega ayẹ ma gbeli Osibina, Osibina diya wa Eha ayẹ nẹ. ² Ọnẹ ọrẹrẹ a ma gbeli Osibina kaba osoorosoore nẹ. ³ Iyọ ọrẹ bi a ma ẹpen fẹnyan nẹ, efura aye e me su ẹpen nẹnẹ bi pila bu ma nẹnẹ bẹ ma na. ⁴ Í yi ibe ayẹ ẹrọ ma nẹ; ero ayẹ ọsọ nẹ erọ abẹ nẹ. ⁵ Ọsọ ayẹ a a ba esiri eètin; esiri e me sisi di su afọrẹ yẹrẹ yẹ epan. ⁶ Oforo ọbẹn wamọ nẹnẹ bi file kaba Osibina ẹfa ṣa na, iyiru egbe Ẹjọọnu nẹ. ⁷ Ayẹ ọọrẹọọrẹ bi file nu ubedin nẹ, ka e di siye ubedin nọ ọsọ aye nẹ, ka ẹrọ feyan edi wo yẹ ọọrẹ nawọ. ⁸ Ẹjọọnu a ma ayẹ awa ọsọ ayẹ, ema ibi file ka edi siye ubedin nọ ọsọ ayẹ. ⁹ Ọsọ ikua onẹ nẹ pi ọsọ yẹrẹ ẹrọ fẹyan nẹ a a ṣa ẹro ọnẹ na. ¹⁰ E wo ẹrọ ibe, ẹrọ ayẹ bẹ yio yọ rẹ ma, ẹrọ emi sisi di yan. ¹¹ Eni yė ka abẹ ṣa, yẹ ka bi me sisi nẹ ya. ¹² Ama ero ọyọyọ nẹ nẹ a nẹ wọ na abẹ a fọ iwogbingbe nọ ka bi di ṣina osibin eègben nẹ ka ero eègben na yi wuru wọ na. ¹³ Enẹ nẹ bẹ ba na ma wọ enyẹn ọrẹ na, sa ibe-opin nẹnẹ wa iwupe, na ma wọ orokoro iroro iibe-opin, ama Osibina ẹka. ¹⁴ Ẹ ẹ ga ṣina uwikpe ama tọ a a ma. Tẹ gba yi igirima-ri-igirima aka Osibina Ogbẹn nẹ wo wẹ da ẹfa ṣa nẹnẹ fiye ne ese aka ikua na. ¹⁵ Ẹjọọnu siye ubedi nẹ ya eyi ọga, ka a wa oro nẹnė ẹga yẹ ga ka, oro onẹnẹ aṣa ì mu urun na, afọrẹ mọ ¹⁶ Ubaka iyo ofifiye ibe ayẹ atọ fẹyan we gba na, ese na. ¹⁷ Ububuru wọ Imose u ba re ṣa, ama ese ikua wo Ijesu Kristi rẹ sạ. ¹⁸ E me su oro nẹnẹ gba Osibina gba na; yọ Ogben ọọrẹ ọgbọgbọ nẹnẹ wo yẹ ẹgban na aya fọ ya nyen. ¹⁹ Ọnẹ a wo ube din Ejọọnu nẹ, ọgba nẹnẹ Ijuro file alufaa abẹ aka Ẹlevi eègben abe ṣa kabọ Ijerusalemu ka bi sịn ya ka, Ẹra u kpoto waa? ²⁰ Anowo, e me yuru; anowo ka, í ma wa onorofan ayẹ. ²¹ Bi ṣin ya ka, "Ẹra u mi wa kaa? Eliya ọ wa họn? Aga ka, "I ma wa ayẹ". Awọ awa ẹsẹro ayẹ họn? Egunowo ka, ẹnẹn. ²² Onẹbẹ uùbu bẹ ga ya ka, Era u kpoto wa a? Kati di fọ owoguguna pila ne ero abẹ nene file tu na. Ena wà àka ga yẹrẹ wi iwu epan na a? ²³ Aya ka, Amẹ a wa ore ohun nẹnẹ e e yi oga ọ́dan na, ni sie orikpokpo a sẹrẹ, kpẹnẹkpẹnẹ akọ nẹnẹ Aisaya ẹsẹro sie ye ga na. ²⁴ Ero nẹnẹ bi file nẹ wa Efarisiro abẹ ere. ²⁵ Bi ṣin ya ka, bẹ ga yẹ ka, Eni e mi wọrẹ nẹnẹ we e ri ero imomo a, a a daka u ma wa onorfan, sa Elija, sa ẹsero ayẹna? ²⁶ Ẹjọọnu guna bo owo, ka, efọ ebi e e ri imomo: ama orr ọbẹn jomo wo ne etin nẹnẹ ni i me din na. ²⁷ Ayẹ wa oro nẹnẹ fọrẹ mẹ na, efẹnẹ i i me guwe otora yẹ ẹkatakpo oòyi na. ²⁸ Bi sie ẹpẹn ẹnanẹ Ẹ́batabara Ijo dani oòsun, ẹfẹna Ẹjọọnu wẹ e ri ero imomo na. ²⁹ gba ki Ijesu a a ṣa yẹ fa; aga ka, ungbẹẹ, Osibina ududo Oògben nene kọ ẹrọ iluwe yọ na! ³⁰ Ẹfẹna ẹga ka a wa wọ nẹ ka, Oforo ọbẹn aba ṣa i mu urun,oro nẹnẹ fọrẹ mọ na, ubaka a tai wamọ fọrẹ mọ. ³¹ I me sisi din ya: ama kadakada edi sina ọfọnyẹn ni Isreali, yuba aworẹ nẹnẹ i a sa ẹ fọ ebi e e ri ero imọmọ nẹ ³² Ẹjọọnu mi si sie ubedib, aga ka, Egba Efuenfuen ka e holo a a ṣa kaba ososi aka eṣokpo na, e mi ma ẹ a a ma. ³³ I me sisi dinya: ama oro nẹnė file mu ka e fo ebikiri ero imọmọ na, ayẹ ẹbẹba aga nẹ mọ ka, Efẹna ẹẹ̀pan wa a gba na, ka ẹfuẹnfuẹn Ọwọnwọn e e ri ero imọmọ nẹ. ³⁴ Ẹgba ka ẹke, i mi sie ubedin ka, Ayẹ awa Osibina Ogben nẹ ³⁵ Isubu oboro nẹnẹ yẹrẹ ya na, Ẹjọọnu jọmọ, aka ero ẹbọrẹ i ye egbenurunmẹka abẹ iiwu, ³⁶ Ako esie balẹ Ijesu ka e e jejen na a ga ka, ungbẹẹ Osibina ududo Oògben! ³⁷ Egbenurunmẹka abẹ ẹbọrẹ wọ akọ e sie ga ẹ na, bẹ yẹrẹ Ijesu urunmurun yọ ³⁸ Ọgba ọnẹbẹ ayẹ Ijesu bilanyẹn nẹ, agba ka ba a yẹrẹ áyẹ̀ urun; a ga nẹ ba ka, Ẹna ne e ni a? Bẹ ga nẹ ya ka, Erabi (nene waka,be e fuwa ga ọrẹ ọbẹn na, ọtẹro) eta wa ma na a? ³⁹ Aga nẹ ba ka, Nẹ ṣa nẹ gbẹ ẹ. Bi ma ṣa, gba efena na nẹnẹ a a ma na, bi mi ma ẹ ma ni isubu ayẹ: ubaka a wa ẹpẹn akọ ewakati efọiìwu. ⁴⁰ Ọọrẹ ero ẹbọrẹ abẹ iìwu nene wọ Ẹjọọnu ega na, nẹnẹ mi yẹrẹ Ijesu urunmuru na, a wa Anduru Isimoni Ipita oòda. ⁴¹ Ayẹ a tai gba Isimoni ayẹ ẹbẹba ọọ̀da, emi ga nẹ ya ka, íe gba Ọfanakpẹ ke, nẹnẹ wa be e fu ya ga ọrẹ ọbẹn na, onorofan. ⁴² Emi fọ ẹ ṣa Ijesu ẹfa. Ijesu balẹ ya, aga ka, Awo a wa Isimoni Ijonasi oògben ne: Ẹkẹfasi bè éke mi ki ye u, nẹnẹ be e fu ya ga ọrẹ ọbẹn na, ọtarẹ. ⁴³ Isubu nẹnẹ yẹyẹ ya na Ijesu ka sa ya yo Ẹgalili, à áka gba Ifilipi, emi ga nẹ ba ka, kẹ yẹrẹ mọ. ⁴⁴ Ẹbẹtisaidaro a wa Ifilipi ne, iken nẹnẹ wa Anduru aka Ipita ẹka na. ⁴⁵ Ifilipi gba ,Ẹnatanieli, emi ga ne ya ka, tẹ gba oro ayẹ nẹnẹ Ímosisi uùburu ibe aka ẹsẹro abẹ wọrẹ emumu ga yẹrẹ ẹpan na, Ijesu Enasẹrẹti ẹka, Ijosẹfu oògben. ⁴⁶ Ẹnataniẹli mi ga nẹ ga ka, Ésu ẹpẹn oboro nẹnẹ die reṣa kaba Enasareti hon? Ifilipi ga nẹ ya, keṣa ọ gbẹẹ. ⁴⁷ Ijesu gba Ẹnataniẹli ka a a sa yẹẹfa, a ga ẹga yẹrẹ yẹ ẹpan ka, ungbẹẹ, Isirẹliro ẹtẹ, oro nẹnẹ awọrẹ e e me wo yi ibe na! ⁴⁸ Ẹnataniẹli ga ne ya ka, Ėta u we din mu a? sana Ifilipi die ye u, ogba nẹnẹ ube wo oja oòti ígben na ẹ gba ọ. ⁴⁹ Enatanieli gunowo, aganẹ ya ka, Erabi, awa wa Osibina Oogben ne; awa wọ Isireli Obin. ⁵⁰ Ijesu gunowo, aga nẹ ya ka, uba ka ẹga no wọ ka, egba ọ ọja oòti igben ayẹ u a nawọ họn? Wa ka gba ẹpẹn na bẹ nẹnẹ fọrẹ ọnẹ na. ⁵¹ Aganẹ ya ka, Ẹgaba, Egaba ayẹ ẹ ga nẹ ga nẹ nọ, Naka ososi eke jin wuje Osibina ẹẹjenẹno abẹ áka kẹ kpo, be, kẹ walẹ yẹrẹ orokoro Oògben ẹpan.