¹ Ima ma fan? Ima wọ apostulu? Ima gba Ijisọs tọ Idu? Ina wa mutun uba Idu? ² Ma ma da apostulu nẹ erebẹn, ekere, ẹwa nẹ nọ. Ana wa ma ami apostulu Idu. ³ Ọnẹ wa mọ ọfurun gbeli nọ ẹnanẹ eni mọ ọmabale. ⁴ Iteme su ọrẹ ka ti je akọ ọwẹwa? ⁵ Itemi su ọrẹ ka ti su oyegbẹn aka oworo, akọ apostulu, tọda Idu, aka Isefas? ⁶ Akọ Ẹbanabasi ayarẹ akamẹ amẹ su ka ti me siye utun? ⁷ Ero siye isoja utun na ma na kenakide? Ere ke bire ọba nẹnẹ eme je yọ ilukutu aka ẹkẹrẹ? Akọ oshẹlẹdanẹ ududo na ma wọ yẹ ba: fura yi wu? ⁸ Aya ga ẹnẹna yera orokoro uwọgbẹn? Itọ obubu ama gẹẹ̀? ⁹ Iba ma wọrẹ wọ buru Imose, "Uma parẹ ọna owo ne siyi egi utun erun." Ikwa ya ka ọna ayẹ Osibina pota aga? ¹⁰ Ama atọ aàga? Bẹ wọrẹ ga nẹtọ, ubaka ẹfẹna awọ utun awọ ya ọfayẹn yẹrẹ, ẹfẹna edi wọ utun awọ ya bile ọfayẹn yẹrẹ rọ ọgbọ opẹparẹ. ¹¹ Te bire ẹfwẹnfuwẹn ẹpẹn inetin, ayọ fọrẹ ba ka tẹ parẹ uwupe eka? ¹² Ada ka ero ẹbẹn louwogbẹn ọnẹ nẹnẹ, ati me su fọrẹ egan? Ama atima lọuwogben ọnẹ. Kaka ọnẹ, tẹ fiwuna ẹpẹn fẹyan ti ma wa oju ọrẹ ne ẹpẹnpa noboro nẹ wo Ẹkraist. ¹³ Ine me din ka ẹnanẹ e siye utun apasẹ abọwọ ka bi je furọ ẹtẹmpulu? Ume me din ka ẹnanẹ e siye utun obona be na bi jen furọ ẹkẹna bi ye wọ apesẹ? ¹⁴ Ọrẹ ọnẹ Idu buru ka ẹnanẹ a pẹpẹna oboro bẹ na bo je furo ẹpẹpan oboro. ¹⁵ Ama ima nẹ enane wa mẹ tọ. Bila mọ ẹma wọrẹ ka bi siye ẹpẹn nẹ nana nẹ mọ. Akẹsẹ ka ifo fọrẹ ka-oro eke jumọrẹ imo owo orun run! ¹⁶ Adaka ẹpẹpan oboro, emosu ekena wọrẹ ẹrọn mowọ onẹ uba meke siyẹ ọnẹ. Aka adan awa nẹ mọ ma ma gọ Osibina ẹga. ¹⁷ Me ki siye ọnẹ imọ unini, Esu ẹkẹrẹ. Ama ama wa mọ unini, isu utun nẹ bi ya dọn me ba. ¹⁸ Ena wa mẹ ẹkẹrẹ? Fọrẹ ka ma gọ yẹ ga edi wọrẹ ẹpẹnpan oboro ọnẹ maka nọ ikiba idi na mẹfa ẹpẹnpan oboro ayẹ idin gba mẹfa. ¹⁹ Esi da ka ẹfan furo ero fẹyan, oṣin na okotoro nẹ ẹrọ fẹyan, idi su ero ọyọyọ. Nẹ Ijùu abẹ iwaka Ijùu, idi wunaba. ²⁰ Nẹ abẹwọ, isiue aka ẹfẹna wo obubu idi wuna ba furọ obubu. Isiye ọnẹ ewaka iwọ obubu. ²¹ Nẹ enana eme wọ obubu, kq mi wọ aka ẹnẹ eme wo obubu, ama ẹbẹba ime wọ obubu Osibina eka. Isiye ọnẹ idi wunẹro nẹ ẹnanẹ ama wọ obubu. ²² Nẹ ẹnanẹ rẹn, isin na ẹnanẹ rẹn idi wuna ẹnani rẹn. Iṣina ẹpẹn fẹyan nẹro fẹyan, idi siye ọrẹ kọ rẹ bi di su ọnafan. ²³ Isiye fẹyan nẹ ẹpẹpan oboro, ka mi din su okurubile. ²⁴ Ni din ka eso fẹyan nẹ ero de mune, fẹyan ede mune, ama oro ọyẹrẹ ada na yọ afọrẹ? mune ka wu di na afọrẹ. ²⁵ Ena nẹ emune eso, ibi da sẹ biwu ẹpẹn fẹnya. Bi de siyẹ ka bi di na ẹkẹrẹ nẹ ekefu, ama tebsiye tẹka ti din na ẹkẹrẹ ne ke fu. ²⁶ Ọnẹ uba aka ide siye mune, amaka ẹkẹ na eme su igben; aka ide siye yẹrọ ayẹ, ama wa ka ẹfẹna mọ eperi eya na. ²⁷ Ama ide holo mi wu bile ka ẹsẹya ovan, urunba ọnẹ ega Osibina ega na ṣin na ẹfẹnẹ bẹ tẹba fura.