¹ Ọgbọnẹ ẹṣa to nu modaà, Ima ṣa akọ owo oranran bile ẹdayẹn akọnẹ isega ikwa nẹ bẹbẹ itọ Osibina. ² Ami me ni ka idin kanakide ọgbọ nẹ ẹma ni ne tin na efuraka Ijisọs Ẹkraist, nẹ bẹ kan sọ ogbalati na. ³ Ama bile nu orirẹn ọrẹ bilọ ọrọre, ako opiperi. ⁴ Mẹga ọgẹgẹga bile akọnẹ isa gẹ na ama wọ awọrẹ ọga odindin. Ama biya yẹn Efunwẹnfunwẹn akọ uwogbigben, ⁵ nẹ ba ka nọ enawọ emo wo orokoro edayẹn, ama Osibina uwogbingbe. ⁶ Ta gọ ẹdayẹn enanẹ ama wọ ogben, ama wọ edayẹn erọnẹ ka, enanẹ wọ awọnma nẹnẹ ekwe ayọ na. ⁷ Ama, ta gọ Osibina ẹdayẹn ikwa nẹ bẹbẹ, ẹdayẹn nẹ bẹbẹ ọnẹ Osibina tiye ẹrọ nẹ na to ugbugbodi. ⁸ Koro korẹ ni wọ awonma osi ẹrọ nẹ din na, adaka eye ba, ebanabẹ kan wọ ọgbalati ti Idu iyio ugbugbodi. ⁹ Akọnẹnẹ bi se wọrẹ ya na, "Ayẹn emi gbeè, ọtọn emi wọọ̀ orokoro uloko nẹ danyẹn su nẹ ẹkẹna Osibina guru nọ enanẹ ni yẹ ga. ¹⁰ Ama Osibina aya yẹn nẹtọ ẹfunwẹnfunwẹn ọrẹ. Nọ nẹ ẹfunwẹnfunwẹn ayẹ de pila ẹpẹn fẹyan, bilọ ẹkẹna lon Osibina ẹka. ¹¹ Era wọ ẹfẹna din orokoro iroro efuraka ẹfunwẹnfunwẹn ni woroko? kẹ gan, koro ọyẹrẹ emedin epen nẹ lomibe Osibina ẹka ama wọ ẹfunwẹnfunwẹn nẹ wo Osibina eka na. ¹² Ama ti ma nọ Ẹfunwẹnfunwẹn ẹrọ nẹ ka ama Ẹfunwẹnfunwẹn nẹ wọ Osibina ẹka ti di din ẹpẹn ọfẹ nẹ Osibina ya nẹ tọ na. ¹³ Ta ga ẹpẹn na nẹ wẹha ọnẹ erokoro eme te ibẹ ẹdayẹn ama Ẹfunwẹnfunwẹn, tiye te ẹfunwẹnfunwẹn ẹpẹn no Ẹfunwẹnfunwẹn erokorobẹ oka ¹⁴ Ẹfẹnẹ eme su ẹfunwẹnfunwẹn ediya nọ ẹfunwẹnfunwẹn ẹpẹn ne wa nọ Osibina ẹpẹn, ewe aà bẹ nẹ ya. Edieyẹ ubaka awọ Ẹfunwẹnfunwẹn ẹka tiye na. ¹⁵ Ẹfẹna wọ ẹfunwẹnfunwẹn ro ede ṣin nẹ ẹpẹn fẹyan ama koro ọyẹra nẹ di mẹ ohẹnya na. ¹⁶ Ere din Idu uloko à a, ka ere di ye te yà a? Ama ti su Ẹkraist uloko.