¹ Nẹ ọnẹ wọ ọkwọ jese nọ Osibina yero owọnwọn: akọ isete iṣọṣi ni wọ Ẹgalatiya, ni ki siye. ² Isubu oṣoro ọsẹ, nọ oro ọyẹ rẹ yọrẹ afẹ ẹpẹn su wubu akọ ese su ọfọpọ. Siye ọnẹ eme pile su ọkwọ jese ọgbọ nẹ ma ṣa na. ³ Ọgbọnẹ nẹ wura, ẹf̣enẹ ni fuba wo, maka wọrẹ ikokori iya fuwẹ yẹn bi filẹ bilọ onẹ nẹ kwọ jese okuru yọ Ijerusalẹm. ⁴ Aka ka a bọwọ kami jen ba ka yẹro mọ. ⁵ Ama maka ṣa to nu mayọ Ẹmasidonia ọrẹ. Ubaka ma ka yọ Emasidonia ṣun. ⁶ Boya ma ka ma nọ ma lo ifu ọgba, ni di siye oguba nẹ me jen ẹfẹna ma yọ na. ⁷ Me ni ka ẹgba nọ akana ime ṣun. Isu ọfayẹn yẹrẹ ka me ke lo ọgba bila mọ inẹfa, ada Idu eya na. ⁸ Ama ma ka manọ Efesubrọ Ẹpenticost, ⁹ ujun ne ṣan na jin nẹ mọ, ama ebero yọ. ¹⁰ Ọgbọnẹ Itimoti aṣa, ni teyi ama kẹ yọ nọ eme ṣọ orẹrẹ, ka yẹ e siye Idu utun akọ ise siye. ¹¹ Kọrọrẹ amọ fayẹn wanya, Gwo iyuba ọrẹ ọbẹriwu, edi ṣa to mu Ẹfọn ayẹn su ka ayẹrẹ yẹrẹ ọda bẹ. ¹² Nọ tọda Apolo, ẹrẹ yọ imoran oboro ka aṣa bale nọ akọ tẹda be. Ama eme wo yọ unini akana. Aka ṣa ọgbọnẹ ọgba ere. ¹³ Nẹkẹ sẹlẹ, ni jọmọ inọ ọnawọ, siye akọ oforo, bile uwogbẹn. ¹⁴ Teyi fẹyan neke siye ni siyẹ aka unini. ¹⁵ din ka Istifanusi ubo, aba wọ ilukutu oṣoro ọ Akasiya, akọ enanẹ fọ bi wu nọ Osibina utun nẹ yero ọwọnwọn. Akana ẹpẹrẹ nọ tẹ da, ¹⁶ ni teyi ni wu nẹ ere lẹ na be me siye oguba Osibina utun bile tu. ¹⁷ Ẹbẹn nọ ọṣẹn sa Istifanusi, akọ Akeikusi. Be siye na ayẹn. ¹⁸ Bẹ wọrẹ ka mẹ ẹfuwẹnfuwẹn bili nẹka ebṣin na oboro ubonẹ ni peli eraka abẹ na. ¹⁹ Iṣọṣi ni wọ e siue file ka bẹ ganọ. Aquila aka Ipirisilla ba gan nọ Idu, bilọ iṣọṣi nẹ wọ ibọ ubo. ²⁰ Tẹ da nẹ a à ganọ. Na ga à ma bẹn ọsabẹn filiwu. ²¹ Amẹ, Ẹpọl, nẹ fuba wọrọ ikokori ọnẹ. ²² Esu ẹfẹna eme nibIdu unini, teyi aàdura, awa yẹka. ²³ Ti Idu ese Ijisọs e bile ni wu. ²⁴ Mọ unini e bile anọ fẹyan Ẹkraist Ijisọs uwiru.