¹ Balẹmọ siye, aka ami se balẹ Ẹkraist e siye. ² Akana ẹfu iyeyi nẹwọ ọyẹn mọ ẹpẹn fẹyan. Iyeyi wu ubaka nẹ sẹ ije ẹpẹn akọ ise ya nẹ nẹ na. ³ Akana me ni ka udin ka Ẹkraist a wẹ pan nẹ iforo fẹyan, ka oforo awọ ẹpan ni iyaro, akọ Osibina awẹpan ni Ẹkraist. ⁴ Oforo nẹ siye aàdura aka agẹsẹ a fọ ẹpẹn ri ẹpan eme kuru nẹ yẹ pan. ⁵ Ama iyaro nẹ siye aàdura ọọ̀ agẹsẹ ọnẹ ama fuwẹpẹn ri yẹ pan eme kuru nẹ yẹ ẹpan. Ewaka a fan yẹ ẹpẹn. ⁶ Adaka iyaro emi ri yẹẹpan, a chẹn yẹ ẹpẹn. Adaka ẹpan nọ kwọ kwọ ya ka iyaro a chan yẹ ẹpẹn teyi eri yẹ ẹpẹni. ⁷ Oforo ama fọ ẹpẹn ri yẹ pan, awọ Osibina uṣhi ẹka. Ama iyaro aya wọ oforo uyeyei. ⁸ Bi me siye oforo nẹ iyaro. Akọnẹbẹ, iyaro bẹ mẹ fura oforo. ⁹ Ẹgan wa oforo bi mẹ ni iyaro. Akọnẹbẹ, ba ma iyaro nọ oforo. ¹⁰ Aya wọrẹ iyaro abọwọ ka afọ ami uburu wiyọ ẹpan na angẹli abẹ. ¹¹ Amaro, Idu, iyaro eme jọmọ nẹ yi wu furọ uforo, kẹgan oforo eme jọmọ nẹ yi wu furọ iyaro. ¹² Akọ nẹnẹ iyaro wọ oforo iwu veṣa ẹga nẹ ka oforo furọ iyaro nẹ. Ẹpẹn fẹyan furọ Osibina uba. ¹³ Balẹ ya nẹ wiwu abọwọ ka iyaro e siye aàdura nọ Osibina eme ri yẹ pan? ¹⁴ Ika ijepẹn eme te ka oforo nẹnẹ su ẹpẹn ọlọlọrẹ wọ ẹpan nọ ọkwọkwọ nẹ ya? ¹⁵ Ijepẹn eme te tu ka iyaro nẹ su ẹpẹn ọlọlọrẹ awa yọ ugbugbodi? Tẹpẹn bi ya nẹ ya akọ oriri. ¹⁶ Ẹfẹ ni ka aisu osakata ọnẹ na, ati me su osisiye ọbẹn, kọ iṣọṣi Osibina ẹka. ¹⁷ Ama nọ otitẹn ẹbẹn, imafọwọ pọ. Ọgbọnẹ ne jese, ama wa no oboro ya ama nọ odudu. ¹⁸ Nẹ oṣoro, ẹwọ ka nẹ jese ẹ iṣọṣi, oruruwa we netin, amẹ nawọ. ¹⁹ Idin ka ọlọnẹ eke wa mọ, ka ọnẹ tẹ fuba wo aka fọ yi wu yẹn. ²⁰ Na ọgbọnẹ ne jese, sa mọ Ida ijẹn ne je? ²¹ Ọgbọnẹ ne je, oro ọrẹ je yi jen ṣa nọ ẹbẹn di je bẹ ka. Obẹn wọ awọn, ọbẹn wa efe. ²² Ine me su ubu ọnẹ ne ke je akọ ọwẹ wa? Ọfayẹn wa nọ. Iṣọṣi Osibina bilọ ẹnanẹ eme su kenakide? Ẹna ma ka ga nẹ na? Ime ke ye yi nu? Me ke ye yi nu nọ ọnẹ! ²³ Ẹkẹ nẹ ẹna furọ Idu ayẹ iya nẹ nọ, ka Idu Ijisọs, yiọ ijogwe nẹ bẹ jọya, e tiye ẹpasẹ. ²⁴ Ọgbọnẹ agamẹba, eruwẹ agẹ yẹ ka, "Miwu awonẹ, nẹ ne, siye onẹ na mọ ọyẹ́nyẹn." ²⁵ Bilọ ọrẹ ayẹ e tiye uwebi ọgbẹna bi jijẹn, agaka, "Uwebi ọnẹ wa mọ ọọ̀pa owowo imẹyọn. Siye ọnẹ akọọnẹnẹ ni siya wẹ, nẹ kẹ yẹn mọ." ²⁶ Ọgba kọ gba ọne nẹ jẹ ẹpẹsẹ akọ uwebi, ni ya yẹn nọ Idu ufo rọ ọgbọnẹ eke pila ṣa. ²⁷ Ẹfẹna, onu uba, ejẹẹ̀ ọọ awọ uwebi Idu ẹka ọrẹ ọnẹ ama bọwọ na ejebe nọ uwipe bile ẹyọn Idu ẹka. ²⁸ Teyi oro yẹ aà balẹ yi wu ke, ọrọ nẹ edi je ẹpasẹ akọ uwebi. ²⁹ Ẹfẹna fẹna eje bilọ ọwẹ wa na wa balẹ yi wu eyẹ ẹkarẹ nẹ yiwu ke. ³⁰ Ẹkẹna na wọrẹ ọyọyọ iniwu rẹn bilọ igun, ẹbẹn si fo. ³¹ Ama ta balẹ ti wu, koro ọyẹrẹ aka ṣẹn tẹ ẹkarẹ. ³² Ama ọgbọnẹ Idu a chẹn ẹkarẹ, bẹ pẹrẹ tọ, ubaka ti me fu bilọ ẹrọ ọnẹ. ³³ Onuba, tọ dàa, ọgbọ nẹ ni jese nọ ojije nẹ kara abẹn. ³⁴ Esu ẹfẹna awọn asẹ, ejijẹn ubo, ubaka na jese, ama wa nọ ẹkarẹ ọsẹnsẹn. Akọ ẹpẹn obuba nẹwori iwe, maka file yiọ osisiye ọgbọna ma ṣa.