Gul 5
1
Ei wu gum wuam, ku yhua Herasens:
2
Yeso dǝ chuirǝ tangsǝ ƒah, tanghuaɓi, yivǝ yuahɓeiseu wuseu.
3
U' ƙuɓǝ chueiba , yivǝkah yaungɓan tseurǝkah ko bǝi sarkakǝ,
4
Viɓi dǝ tseurǝ bǝi sarka, bǝi nǝngbǝnǝng, u'wa sarka, yivǝka yaung bǝi sambǝinǝ tseukǝrǝnǝ.
5
Invï, bǝi ɗuafih, ko ɓǝ chueɓǝ ko kutei ɗeu pasǝu bǝi teilamrǝ.
6
Da uɓa Yeso chuilah, uwusǝubɓei ɗjum uaɓei nwaɗuankǝsǝu,
7
U, tatæ ɓei wikǝ, nɓa mincueɓeima Yeso YiFIHngã? dǝmin gũ ɓei FIh ɓeinoukǝ, biadem yiɓeinka.
8
U' na'a ei'i tangsa kwang yivǝni ma yuaɓeinǝ.
9
U' ɓiu a' ingmanwä? u'na'a ingrin ɗʒung' ɓikpa'ing'.
10
Nǝngɓǝ u'gũ Yeso la'nyimaha bi'a nyamɓinka yuani
11
Nǝngɓǝ lei ɗjun hyau'avah de tangnǝng kutei.
12
Nǝnɓǝ aigũ a aiɓanlei hyau'avahlei ɓitatansǝlei.
13
Nǝngɓǝ u'yilei, lei yuaɓai i' tatansǝlei hyau'avahɓǝ. Nǝngɓǝ ɗǝƙǝ vua teikpaika tansǝ wuam.
14
Nǝngɓǝ leivǝnǝ dǝ dǝnǝngtang kǝlei hyau'avahnǝ pai'ɓeiɗum, eita denarǝ gari nǝngnǝ cuesǝnǝ, har ɓei gum hyuaha. Leivǝ ita dǝ ɓa nǝngnǝ dǝ cuesǝnǝ.
15
Nǝngɓǝ eiwu sǝ Yeso, eiɓa yivǝnǝ yuaɓeisǝuni, ukunfam jamvou, nǝngɓi muale.
16
Leivǝnǝ ɓa nǝngnǝ cuesǝ'sǝyivǝ yuaɓeini, zamle ɓuaniula, ei na ɓei bivǝi hyuavaɓǝ.
17
Nǝngɓǝ ei gũ' a uyile yuaveila.
18
Da ɗǝu ta'tangsa ƒah, yivǝ yua-viɓinǝ gũ'a nmuacuemei?
19
Yeso guolalou, nau'a atavah ta nalei hyiumala nǝngagangnǝ Fih cuelanǝ tangsǝ bǝleitãvou.
20
Nǝngɓǝ upai tau fuɗi bǝna nǝngnǝ Fih cueulanǝ. sǝɓi' mualeha.
21
Nda Yeso fa hyangum wuam, leivǝ ƙpala ƙwaiu wuawam,
22
Nǝngɓǝ yivaka tangsa lei ninasǝnǝg, iun' Yayarus, nda uɓa Yeso nǝngɓǝ uba' ɓeiɗungciu.
23
U' gũ, u manala u gũ, a yim'la kahang, u wua ɓua. in'na dʒanama kuyang , un cilarǝnci, u' ɓuiu.
24
Nǝngɓǝ uta cuahei ɓeikǝ, leivǝ kpala muachu, bǝpiseu.
25
Kanǝng yihei akala bibi hwui dǝ aiseu ha hah hua'irǝu na'iu,
26
U'cueyiɓei ing wuakum vöo, u'tǝnkǝ nǝngnau ɓam, u'chi larǝlau,
27
Da u'li ɓivǝ yeso, u wu'ka chua tangsa zaivǝh kpala u'tamnasǝ nǝngyasǝ vǝ Yeso,
28
U'na a'' in nǝn tamnasǝ nǝngyasǝvoun, minci larǝnci.
29
nda u'tamnasǝu, wuan-hwuibǝ dʒehua tanhua, u'cilarǝ tangsasǝu.
30
Nda Yeso li'tangsa sǝu samɓei bǝ larǝ insǝu, nǝngɓǝ u mim tangsa zaivǝi, u'na'a nwa kimnasǝ nǝngyasǝrie?
31
Le mongsem vou nau'a ''zaivǝnǝ kpalanǝ nǝngɓǝ nama nwa kimnasǝmai?
32
Yeso zambǝ ɓa, nwacue nǝngnǝi.
33
Yihei bǝ i'bǝ nǝngnǝ cuesǝsǝu, nǝngɓǝ ɓi'mua, sǝu'dǝ ɓasem. uwuociu, unaubi-aganglaɓam.
34
Yeso nau'a," yimuayihei, bi-agangma dae larǝn, ata tangsa yua tä acilarǝ sǝ nǝngʒimai.''
35
Nda du' nabi, levaka wu' sǝ levangah tankum bǝ ƙaFih nau a yimabǝ ɓuin, nɓakǝ bǝǰuasǝ yivǝninasǝnǝngɓi?''
36
Yeso li' nǝngnǝ ei nanǝ, U'nale vangäkumFihɓǝ a' biɓa ɓiɓinka, ɓabænila.
37
U' yiyivaka a'dʒiriɗjulou, ɓuasǝun Bitru, ɓai Yakub, ɓai Yohana a'hyui Yakub.
38
Ei-wu' vavǝ yivangãkumFihɓǝ, nǝngɓǝ u'ɓa zaivǝ kpala dǝ tata ɓaiwï.
39
Dau u' ta'tangvaɓǝ, u'nale a'' Nɓakǝ dǝɓa ɓankǝhua, dǝɓa tatæ? yimungnǝ dǝ luenǝnglue, u'ɓuilou.
40
Nǝngɓǝ ei-mam'mu, nǝngɓǝ u'nale a ɓa'iɓǝifa, u ɗubǝ dah,ɓai nahvǝ yinǝ ɓuinǝ ɓǝleivǝna cuahai ɓaikǝnǝ, ei ta'tangsa ɓǝnǝ yimuangɓǝ lanǝ.
41
U' muakana yimuangɓǝ, u'nau''talitha, koumi",Nǝngɓǝkǝ,' yimuayihei a i'ajirǝbou."
42
tanghuaƁi, yimuamɓǝ i'jirǝbou dǝ horǝ(hæ yimuanɓǝ hua'ǐrǝu'na'iu"12") tanhuaɓi, sǝɓi'mualei.
43
U vǝ' cuacualei, bianakǝ yivakalanka, Unale a ei-dou nǝngtang utang.