1
Tangnwanɗjuɗi, lei kunlau'angã wukwaha ɓǝle vangã, ɓǝle ve'viinǝng ɓǝle fada vai le'yahuda gbam. Nǝng ai tsa Yeso ai coa ai laichi, teidau kǝ Bilatu.
2
Bilatu ɓiu a, 'Makǝ yivah vai le'yahuda?'' U gwaula, ''A na manǝngɓǝ.''
3
Le kunlau'angã dǝ dǝ le shaida aɓai ku Yeso.
4
Bilatu ɓiu aka, ''A yaung ɓai bi? aɓa le shaida aɓainǝ kpala dei wukǝrǝ kumaini!"
5
Yeso vĩbi akakǝ Bilatu lalau, nǝngɓǝ dausiɓi.
6
kanǝ lang tangsa mimɓang, Bilatu saba bǝ yinakǝ yivǝbursina tsing nǝ aigũ.
7
Yivǝ tsakula bursina, tangsa levǝ hyiabǝnǝ ai tsa kǝ nwahem bǝ tsakuvainǝ, i'u Barabbas.
8
Ɗjung ɗjung zaivǝ wusǝ Bilatu dǝ nau a u cuelela kǝnwa avǝɓinǝ.
9
Bilatu gwalela a, ''Dǝ ɓayiɗi n dǝɓa Yivah vai le Yahuda?"
10
U i'bǝn lansǝ bǝ sǝnbǝ vai kunlau'angã nǝngɓǝ daukǝ kǝ Yeso.
11
Langfǝ lei kunlau'angã dǝ boo'ɗjungɗjung zaivǝ a ai yina kǝ Barabbas.
12
Bilatu gwalela aka na'a, ''Ɓa dǝɓa yiɗi ncueɓai Yivah vai le'Yahuda?"
13
Ai boubo aka, ''A giciyeu!"
14
Bilatu nale'a, ''Nǝng'aɓai ɓa'u cue?" Nǝng ai jinwa boubo'a, ''A giciye'u.''
15
Bilatu dǝyiɗi bǝ lanyinyi zaivǝ, nǝngɓǝ inakǝ Barabbas kǝlela. U gba Yeso ɓai cuei nǝng u dau a ai giciyeu.
16
Lei taɓui iukǝ tangsa fãdaɓi (fãdavǝ gwamniti), nǝng ɗubuo niule taɓui'anǝ hagbam.
17
Ai yaunǝnglashi, nǝng ai manǝngbaiku ƒã ai bailaku.
18
Ai fuɗi bǝ ɓourǝ'a, ''Akutsa, Yivah vai le'Yahuda!"
19
Ai piku ɓai kakǝ nǝng ai cucicila. Ai baɓainwaɗung kǝci'u ɓama dei ɓounɓoung.
20
Nda ai ɗzĩnwa, ai ikǝ nǝngnǝ ai yaulanǝ, ai yaunǝngyasǝvoula, ai taukǝ bǝ giciye'u.
21
Nǝng yivakala i'vah-ahang wudǝ pairǝ, i'u Saminu Bakurani, davai Iskandari ɓai Rufus, ai sau daule u ɗǝ giciyivǝ Yeso.
22
Lei taɓui wukǝ Yeso kǝbǝla dai ɗukǝ Golgota (Bǝvai kwaliku).
23
Ai dau mǝng inabi ai lang ɓai mur, u labǝ nwarǝ.
24
Nda ai giciye'u nǝng ai hyãng nǝngyasǝvou ai tsakǝha dei gbakǝ caca aiɓa n aka yi'taɓuin ɗarǝi.
25
Lang ɓi'nata ai giciye'ukǝ.
26
Ai viinǝng-aɓaivou nǝ ai pi'ukǝnǝ kuye a, 'Yivah vai le-Yahuda.
27
Cuehai ɓaikǝ ai pi lenǝng-inǝng na'iu, yivatsing nanalivou, yivatsing nanamivou.
28
Nǝngnǝ kǝbǝ yilavǝ kwanɗjunǝ na'a, 'Ai zammu tangsa levǝ nǝng-aɓai.''
29
Levǝnǝ dǝ pairǝ bapinǝ dǝ dǝuɓai iyem, dei yaukule a, ''Ahaa! manǝ nama sai deikum gũFi a ma ami buna'ta nǝla,
30
ayungkuma a cuhua kukaiɓiwai!"
31
Manǝngɓǝ le kunlau angã dǝ ɗzĩkǝnwa tangsale, cuahai ɓǝlevǝ viinǝng ai na'a, ''U yung levakan, langfǝ uba u yungkuwau.
32
Kristi nǝ ɓai Yivah vai le-Yahuda cuihua ku giciyeni, yang kǝ ɓiɓa yang kǝɓi ɗzanyinyila, ''levǝnǝ ai piu cuahaiɓaikǝnǝ namanǝngɓǝ.
33
Ɗuafi, nǝng bǝbaji kuhuagbam ha takǝ ɓi'nata aɗunɗui.
34
Nda ɓi'nata, Yeso ikǝ wiu tsala dǝna'a, ''Eloi, Eloi, lama sabachtani?" (Fim, Fim, nɓakǝ a lam ai?")
35
Levǝnǝ jibibi lĩnǝngnǝ unanǝ nǝng na'a, '' Ɓa'ɓa, du ɗubǝ Iliya.''
36
Yivǝtsing tangsale hyuijum ta aimǝng a'amrǝ tangsa kũ, u tanwakai, u dau a u nwa deuna'a, ''ɓiɓa ko Iliya wun cuakǝncua kukaiɓi.''
37
Yeso buobu ɓai wii, nǝngɓǝ ɓui.
38
Nǝng laɓulei tangkum'gũFi hyãng na'iu, kaye wukǝ hua.
39
Mongɓuila jibibi ɓa yanda Yeso ɓuikǝnǝ, nǝng una'a, ''Kǝbi-abǝgang yivǝnǝ n YiFi!"
40
Leheila jicuila dǝɓarǝ. Tangsale n Meri Magdalin, ɓai Meri (a Navai Yakubu ahang ɓai Yusufu) ɓai Salomi.
41
Vii'anǝ le Galilini ai moacua dei cueu semla. Lehei kpala wuɓaikǝ Urushelima.
42
Nda ɗunɗui cue, nfi bǝ cue shiri, nfi kamin fisatti,
43
Yusufu yivǝ Arimatiya wubǝɓǝ. u, dei daugãrǝ tangsa fãda, uma du miwurǝ vǝ VahFi. U tsa nyinyi u wusǝ Bilatu wu gũ kwamɓui Yeso.
44
Bilatu lii a Yeso ɓuing nǝng sǝɓimo; U ɗubǝ yimoabasǝɓǝ wuɓiu ko Yeso ɓuing.
45
Nda u lii nwa yimoabasǝɓi a Yeso ɓuing, nǝng u tanasǝ kwamɓui kǝ Yusufu.
46
Yusufu lyã manti. U cũakǝ Yeso hua nǝng u kwammu ɓai manti, nǝng u cũi ɓuani ai hasǝteini, nǝng u kǝngtei kangã u bamkǝ nwa ɓuaɓǝ.
47
Le Meri Magdalin, ɓai Meri Navai Yusufu ɓabǝnǝ u cũ Yeso lanǝng.