1
Yeso dǝ pairǝ nǝngɓǝ ɓa yiɓui aka nǝ ai ci ɓai nǝng agbamrǝnǝ.
2
Le mongɓuivou ɓiu bi a, ''Rabbi, nwa cue nǝng-aɓai, nyibuiɓǝ kon, le yicirǝvou, kǝ ai ciukǝ lenǝngbamnǝ?
3
Yeso nalela a, ''yivǝnǝ cuenǝng-aɓailau langfǝ le yicirǝvoulau, yang kǝ ɓaɓa kana nwacum vǝ Fii sǝu.
4
Ɓin cue nwacum vǝ yivǝnǝ lcumɓi nǝ on ɓai nibǝ. ai bǝ'n vǝvǝ yivǝ yaung cuenwacum.
5
A nǝ mi la pfangwam ni nmikǝ garǝ fangwam.
6
Yeso ai ni ku bǝ gnale nǝngnǝ, nǝngɓǝ u cu cicihua, u kwaɓa cicibǝ ɓai hua u nunǝng yiɓuiɓi.
7
U nau a, 'ata a lounǝngma mǝng Siluwam (nǝngɓǝ kǝ 'cumbǝ). Nǝng yiɓuibǝ ta tau lounǝu fauwu du ɓabǝ.
8
Nǝngɓǝ levǝnǝ ɓauyang illa dau gũnǝngnǝ na a, 'n yivǝnǝ lang ku dǝ gũnǝngnǝ lau?
9
Levaka na'a, ' u, levaka na'a, 'u lau ai i'ha.'' nǝng u na a 'mi'
10
Ai nau a. 'cue'ũ kǝ nǝngma ɓai?
11
u nale a yivǝnǝ dai ɗukǝ Yeso nǝ u chuahua u fimla nǝng u nam ah nta Siluwam tan lounǝngmi. nda tan lou, nǝng dǝmin ɓabǝ.
12
Ai nau a, 'u ɓaiya? u na le a, 'i'bǝ lau.
13
Ai wukǝ yiɓui nǝngbam a illabǝ kǝsǝ lefarisa
14
Lan fisati nǝng Yeso ɓaikǝ nǝng yiɓui ɓai hua a muarǝ ǝ cicivouvǝ.
15
Le farisa ɓiu u cue'ũ du ɓakǝbǝi. U nale a, ''U fim hua'amurǝla nǝng, tan lou, kanǝ dǝmin ɓabǝ.''
16
Le-farisi aka na a, ''Yiɓuinǝ lansǝ Fii lau, don u yhui fisai lau, Levaka dǝ na'a, cue ũ yivǝ nǝng-aɓai cuekǝ nǝng manǝngni? nǝng bǝ tsahaku i' ɓuale.
17
Ai ɓiu yiɓui gbamnǝngɓǝ aka, 'nɓa a naku, unda u ɓai nǝngma?'' Yiɓui-gbamnǝng na'a, ''un annabi.''
18
Le yahuda ha ladda gwalau a un yivǝ nǝng-gbamnǝng nǝngɓǝ nǝng'u ɓai nǝng ei ɗubu le yicirǝvou.
19
Ai ɓi le yicirǝvou, 'n yiɓanǝ ɓa ci'u nǝng'u gbamgbarǝnei? cue'ũ kǝɗu ɓabǝ kanǝ?
20
Nǝng le yicirǝvou nale a ''Ɓi i;bǝn yivǝnǝ n yiɓi, fǝ ɓi ci'u tangyhua ɓai nǝng'ukǝ gbamgbamrǝ.
21
Cue'ũ kanǝ ɗuɓakǝbǝ, ɓi ibǝlau. ɓa ɓiu, un yimoanglau, u nabin na kǝ kula.''
22
Le yicirǝvou nabinǝ don dei ɓiɓi vai le-yahuda. Don le yahuda gwakǝhalanha a yivǝnǝ na'a run kristi yang ai nyamu tangkum gũFii.
23
Bisǝu nǝng le yivirǝvou na'a, ''un yimoanglau, ɓa ɓiu.''
24
Nǝng na'iusǝu, e ɗubǝ yivǝnǝng-gbamnǝng nǝng ai nau a, u dǝ gãrǝ kǝ Fii. bi ɓang yivǝ yivǝnǝng-aɓai.''
25
Yiɓuiɓǝ villa a, ''n i'bǝlau ko ''un yivǝnǝng-ɓai, nǝngtsing nǝng n i'bǝ nǝngɓǝ: nǝngmi gbagbam, kanǝ dǝmin ɓabǝ.-
26
Nǝng ai nau a, ''Ɓa u cuela? u cue'ũ u ɓāikǝ nǝngmai?
27
U gwa'nwa a, ''n Na ɓalan nawaci, fǝ ɓa ɗzaɓaculalau, ɓakǝ dǝɓa yiɗi bǝ liiakǝ? dǝɓa yiɗi ɓa memkǝ le-moangɓuivou laɓǝi?
28
Ai deiu ɓai iyem a, ''Makǝ moangɓuivou, ɓin le-moangɓui vǝ Musa.
29
Ɓi i'bǝn Fii nabi ɓai Musa, ɓi ibǝ bǝnǝ yivanǝ ilalau.''
28
Ai deiu ɓai iyem a, ''Makǝ moangɓuivou, ɓin le-moangɓui vǝ Musa.
29
Ɓi i'bǝn Fii nabi ɓai Musa, ɓi ibǝ bǝnǝ yivanǝ ilalau.''
30
Nǝng yiɓui vĩlela na'a, ''nǝng cuesǝɓi, ɓa ibǝ bǝnǝ u ilallau langfǝ u ɓai nǝngmin.
31
Ɓi ibǝn Fii libǝ gũFii vǝ yivǝ nǝng-aɓai wau, ama yivǝnǝha dǝmuacua, dǝ cuenǝngnǝ du yiɗin un liun'li.
32
Tun ɓai marǝ fangwam taɓa lisǝlau a yivaka ɓainǝng yivǝ ai ci'u ɓainǝng gbamrǝ.
33
Nǝ yiɓuinǝ lansǝ Fii lau, u bau cuenǝngakau.''
34
Ai available ai na'a, ''ai cie tangsa nǝng-ɓai nǝng dǝma nyiɓi nasǝnǝng?'' Nǝng ai nyemu.
35
Yeso lii a ai nyemun tangkum gũFii. nda u ci'u nǝng u nau a, ''a ɗza nyinyima sǝ Yi'Yivǝ ka?
36
U vi'ula u na'a, ''Un wa, Yicuevah, yang kǝn ɗza nyinyisǝu?''
37
Yeso nau a, ''A ɓau yang, langfǝ uɓǝ du nabi ɓai manǝ.''
38
Yiɓui Na;a, ''Yicuevah, n ɗza nyinyilan'' nǝngɓǝ u kau.
39
Yeso na'a, ''nwu fangwamnǝ bi bǝ tsarǝ yang levǝnǝ ɓalau nǝn ɓa, langfǝ levǝ ɓabǝ mem lenǝng-gbamnǝng.''
40
Le farisi akala cuahai ɓaiukǝ, ɓiu a ''langbǝ ɓin lenǝng-gbamnǝng h?
41
Yeso nale a, ''Nǝ ɓan lenǝng-gbamnǝng yang nǝng-aɓai ɓayaung, kanǝ naɓa, dǝɓa ɓabǝ,' yang nǝng-ɓai bǝla.