1
Tan nwan djiwadi nawaci lomo,nyiu danguji la,mazyamu magdalinya u wu kun jum,wu ci ei fakə yəə nə lam kə nwa ɓwa nə.
2
Nəng u ƥəi ɓə bujum u ta sə saminu bitru ɓə lei mongɓwi və Yeso nə də yiɗi nə,u nalei la,"ei ɗei yiceivah tangsə ɓwa yang,ɓə ibə nə ei lən la nə lən."
3
Nəng bə bitru ɓə lei mongbwi nə ei ii,nəng bə ei ta kunjum bə.
4
Lei kƥem ei ii ɓə bujum cuehei nəng ɓə mongbwi a tsing tangsə lei pəi sə bitru u ta kunjun bə.
5
Nəng bə ɠhanəng kə lyua tangsə,amma u ta tangsə ləu.
6
Nəng bə saminu bitru u wu cwau nəng bə wu ta tangsəu kunjun bə, wu ci ɓwansəu likkafanin lillin iẅi bə bi.
7
Bwasəu nəng ɓə kũu.Ei e lei cwahei ɓə (likkafamin)amma bisi (linkeshi)nəng ɓə ei leiu ɓəng tsie.
8
Sə mongbwi nə pəi ta kunjum nə u ma tu ɓə,nəng ɓə u də bi aghanla.
9
Ha la də nə ei ibə gulbi də nabi a ei iyiu kə ii na ɓwa ni lou.
10
Sə lei mongbwi bə fa ta vəh.
11
Maryamu fə ji bə buu nwa bwan jum də tataa.yayi dəu tata nə,nəng bə u fəu baɓə nwa kaɗwan u ɓə tangsə ɓwa bə.
12
Nəng bə u ɓə(malaiku)ninə iyiu tangsə nəng yăsə a flən.(fari)ku lyua,tsing kă kũu a tsing kă lei kabu bə nə ei lee Yeso la nə.
13
Nəng ɓə ei nən la,yihee nə ɓə cuei de man tata?nəng u nalei,"Bisi ei ɗe yicuevəh mi ma in ibi nə ei ləu la nə ləu.
14
Cwa bi u nanə,nəng ɓə u nya danla u ɓa Yeso ji ɓəbu kə u ibə kon Yeso ɓə nəba.
15
Yeso naula,"(uwargida)ɓa sa kə də məng tata?nwatsing de məng ɓaa bə?don dəu keemɓa məng yivə nə də ji nəng sə lambu ni nə,nəng bə u naula,"yicuevah in nə manə a dən yang a nəm bənə a taukə la nə,yang tə min dənrə.
16
Yeso nəu a,"maryamu" nəng bə u miyeam,u nəula a(armaniyanci)"Rabboni" wato ywə ni na si nəng(mallam).
17
Yeso nəu la,bi a keeu sim ka,ladda in npii m taa sə dahm ləu amma a taa si lei lyiem(yar uwana)a nalei la,min taa sə dahm bə dahɓə,fiim ɓə Fii ɓə".
18
Maryam magdaliya ũ taa sə lei mongsəim bə,nɓa yicuevah u na rə nəu lei nəng la ha yang kpem.
19
Fi bə lei ɗwuin ɗu,fi a na ei tangsə lomm,Ei lam lei mongsəim tan kwun bə lambə bisi ɓiɓi vəh yahudawa,Yeso wu wu ji tangsə lei u na a "Nddasi ɓai(salama agsreku)".
20
Də u nabi manəng ni,nəng ɓə u ta nasi lei nəu ɓə nəng ɗwa tan nəu m nə.də lei mongsəim nə ɓə yicuevah,nəng bə də lilarə.
21
Yeso miyeam da ləi la,"ndda sə bəi."bisi la nə ɗahm cummi,mi maa min cum ɓa mənəngbə.
22
Də Yeso na mənəngbə,nəngbə u lei cuhyui la,u na ləi,"əi mua kwan gharanran.
23
Duk yivə nə ɓa loo nəng a ɓai vəu,əi loo lan yang,yivə nə ɓa mua nəng a ɓai vəu,əi hyua irəu.
24
Toma,tangsə ləi və hyua irəu naiu,yivə nə də ɗu kə ləi yin zəin u yang cuehəi ɓə lei vii nə Yeso wu fuh.
25
Niu ləi muangsəim nəu la, "ɓi ɓə yicuevah"nəng u ləi la in nə ɓə ləi ɓwa kusa kanəu ləu yang,in nə ba nwa nəng hyuana bwa sə ləi nwa nəng hyuana tangsə ɓwa kusa loo yang,in bə m də bi a ghang lən.
26
Vii bu kənya wu kə lyəi muangsəim lam tanvah,toma u ma ɓə lei kə,ləi nwakum kpem ləllam,nəng bə əi ɓə Yeso tangsə ləi u nə a, "Ndda sə ɓəi."
27
Nəng bə u na Toma, "a wu bə nəm nə.a wukə nəma wa bə ɓwa ni nə,bi a miyeam kə ywə nə ba də bi agang nəu,sə də yivə nə də də be a gang nə."
28
Toma nə ləi la a "yicuevah ɓə Fiim."
29
Yeso nə ləi la,wato a ɓəm nə,a debə aghang lan?be aghang lansə ləi ve nə əi ɓə ləu nə əi kuma əi də be a ghang la yang.
30
Yeso taă na sə ləi kə tsing-tsing ci vii tangsə kwun djwa vəu nə.
31
Amma a vii nəng nə,bisi bə də bi a ghang sə Yeso nəng bə kə yi Fii bisi ɓə də be ghang kə bə ci kə hurə tangsə inm.