¹ YAHUZAH. shaki shelek an yu foro khan Yeshʉu Kirishti kha moloni Yakubu paroti me weh yu yeh ti kume menan ti piri yamba tahmu, khan ɠbuttou tih yeshhu Kirishti; ² ma yuhg, lotsho kha ɗihya tomon an menan ma yun ɠbah tipiri me . ³ Miyan mennu waalah nai nita magkho shiran weh we ta milehmun ƙhan ballahni ti mei paro lah yunilati mu neh minji vene ballo tih mai ma teweme me selluka sho me bhannu paro weh sunu menun ka yamba. ⁴ Tah mani mem-meh ledihina shekinyu ko jilli, memmeye suna ma nohn phrkon ƙha sunnu kayo biyon fukdok shunu mem-meh an wallan kha me we shunu khuroi yung losho ni Yamba ti yatai khan me we kurou aminamu kha mungbure mu yeshʉu Kirishti. ⁵ Ɓonjeh ne menji nen katte me ma ta paro me panu me peno sho ɗok me badou pir penani tah mungbureh we shakku phelou kumme tih ku ill massarawa tih phesirere akaya bey shakku dagkhulo me we kuv keyon ka paroni. ⁶ we ƙhulli ƙha shibba foni Yamba, weh yello ƙhu ƙhuyun keu g bureyun ti me we yello whoso manayan Gbungk piri we yello singoh yamba kekkeyon fukdok shakku forgkeyo tih yata ɠerek Anyin ti yatta ɗihli ta yu yun ƙhon ti palang ɠbure. ⁷ Weh ƙhiga saddoma kha Gomohrah an birni leken yo ti shekih who shekonka shun tah youn paro Nyangna kha Ɗhalak nehnsik suku shakki yun yele ti you venne ngeye ɠhadanin ti yata weyi. ⁸ Phedag palang me weh yello you sunna weyi kha shun ɗagkulo shakkiyun sun kurkeyu ka munan fuk yello kurkeyon, yello ti yuduyu dagkilan Alparo tihmeyan ɠbudu ɠbudo ƙwi. ⁹ Tih palang weh sibbah foni Yamba shaki mukailu tipiri yun vennh kha jillim shah yello ti piri salparo tih ƙhu kumoni musa shakki mukailu a pattto bammmim teweni teweni ɗagkilang paron sakuta takou ta mungbureh ma sulfuk ta mem-meh yun shunu wannan khan paro yu nanneh ti ku we wesuna pennum kha we we yello pennou fuk sabir khan shakki, ¹⁰ Yello kiko loh ya shoyoh we engeye khan shigham teye menen guni gbukulanyu. ¹¹ Pirseme ta paro shunu kekeu fuk dikyini khai nu dalagkh denkuyu tih yata pherani bal-amu paro ɗalaggh yello ƙhan mattirani tiï yu bang fuk ti korah. ¹² Teye minin tei dok weh tukhami miya ti yata menen yelo ti piri yu su ɗiyo sudiyo ti sheki me engeye shikaullem engeye shewon keren yello ta bannu kha shebir yun ɠbadani sunu kika Ilan wau a han weh wau ta kairu sunu kika vuro we engiyem khan lediya nim kha gaka, muturani ukurani sun kikah rakumi ya aham umah ti piri yu lung yello ta yu ɠahyak khan fulful shi kanleh. ¹³ sunu kika payal miyan warun khan wattum meh weh bannikeyun me we sun penno dinli engiye ɠbadanim. ¹⁴ Anuhu, shakku an phalileu tih pirin Admu, shakki ma yun shimoh tewan tiku lenya ta ownih me neehiho mungbare ti piri watto ƙhan nenyamin Ɠbang ¹⁵ sunu sick, sick shaki ta wato paro yu ƙhon ti ku mem-meh pip shakku ta wato phenu me we yello a wallah ti ku yun foro foro we yello yow ti me we a wallah we yello a biya kokkon khan alparo wei wallan an Ɗagkullo wehti piri tewun tih sunu tah teye miyan yohko sick, ¹⁶ miyan liyan piri tih me we meti ɓia bi Batdughu yeleu khan (lahyakan guru) miyan shugu ando. ¹⁷ ta tih mei an menan me ɲengho ya lotshome tah alpharo we yallo yuu palang neh yun nin an waru suran ti mun ɠburenmu Yeshuu Kirishti ¹⁸ yello teku ti kai ti palang reh ti piri yumane mem-men shunu miyan yudahgfuk, miyan Matdunguh khan me we korou Yamba. ¹⁹ Ta memmeye shunu an ɠbudulo khub me we minji ya lotso yun ta yallo ati weh jelenim. ²⁰ Takai an menani ta mame ɠbttu kume ti sheki foro weh kulli khan metin yu ɗehnma tih pirin jilim ²¹ we wallah tah me shou kume ti pirin Yamba. mena ta me danghoh ya yung losho ti mungbure yeshʉu Kiristi weh wanenko ti yata losho we nduhu. me yun yunglosho ti me we yello yuw shinani, ²² Mellu manni mesatita leyu ti ya ²³ wuyi ti manni yu yung losho ti yu shewo ta me kurah weh sholone piri pirshigayu kekah pir shigka shogko dihn. ²⁴ Ɓonji ti me weta wawo keu meti piri tubbulou khan ta liyeme men sley ti ya ɗoh ni saki mun ɠbureh ni khan yung ya losho ti pirini ²⁵ shakki Yammba an milehmu ti pirin Yeshuu Kirishti mungbureh ɠbudo ɠbudo kui khan takou fukgah, weti palang pip, ɓonje kan nduhu kha Ɲduhu, ne menou.