¹ Yesuu waro kpandi olives. ² Ka sheger shakki wattu yamina dimmo, pib memmeh wanna; shakki diyyo koyeyuh. ³ Me scribes khan pharisees wannan kha fomin we kekho shingo kha pattin. yelle ligero tiya shekki. ⁴ Yelle tekon ti shakki," Ansubet, fomin ye kekwo shigo kha pattin, ⁵ Gbonje ti walih, Musa tekemun munnung shiram memmeh ye kkha kpandi; ⁶ manni we karatewani tukuro?" Yelle tew waye lucku ma yelle kweu shoin ma yelle we manni we yelle fulleni, Amma Yesuu dingo illi yuh gballa ti ku illi kha shillani. ⁷ Yelle keshi yudeni maya, shakki shello gag tew yah, "Dog we ta shekime ayuh daklak wem, ma shakki keshi windero kha kpandi" ⁸ Shakki dingo manni, shakki yuh gballa tuku illi kha alshilani. ⁹ We yelle shillo, yello gallan kokho kha dof-dog, kekwo ti kuh an mayina yuh. karshero Yesuu di dogni, khan fomin weri we ti ta sheki. ¹⁰ Yesuu shillo ti gag tewro, "fomin, ma tong an gban shoyi? ingem manni we showlegeyine?" ¹¹ "Mato teko," ingem deg, Tamu." Yesuu teko," Ne na shokyim. Kho kheren kha yu manni daklan wem" ¹² Yesuu sako yuyi paro, tew, "Ne malyo ku pepe; miya we dakko bino ara yuh melle ta dillim amma khan weru malye we rai" ¹³ Pharisees tew ti shakki," me munnu shaida kummei shaida me a kullim" ¹⁴ Yesuu dego teke yuh, "Ko na munna shaida kunne; shaidano we kulli; na pheno phiri we na wanna khen phiri we nara warani, amma ma pheno phin we na pennam khan phiri we nara wanni. ¹⁵ Me yuyi khong we shiki na yuh kong ti ko non, ¹⁶ manna yoh kong, khongno we kulli paro anne dakno, amma ne khan Tano we shunneno. ¹⁷ I tiya walihme gballani shiada miya pelou we kulli. ¹⁸ Ne wenne mungo shaida tukunne, tano we shunneno mungo shaida tukunne" Yelle tekeni, "maton, Tokho?" ¹⁹ Yesuu deggo, "me pheno ko ne ko Tano; mame phenogeno, mera pheno Tano". ²⁰ Shakki teko paroye ti Batalmani we shakki ta yoh koyaswa ti yamina dimma, ako dos we kekenni phidan lokalini a wattum. ²¹ bambiri shakki tewyuh, "Nara kono; meragban pishine mera murani tiya dingme phiri we nara warani, mera wattum" ²² Ma Jews tew, "Shakki ta gballe kunne? shiya sa shakki tew, phirin we nara warani mera wattum? ²³ Yesuu tekeyuh, "Mera ti illi; ne ti gag mera ti pepe; ne a ti pepem. ²⁴ Kisheye, na tekeme mera murani tiya dingme, mame gaskantom kanne, mera murani ti dingme" ²⁵ Kisheye yelle tewni, "ke non" Yesuu tekonyuh," we na tekeme tun farko. ²⁶ Na kam khan we beg we nara tew khan khang tukumme, ko kigani, shakki we shargeno kulli; ka we na shillo ti phirni, we na tew ti pepe" ²⁷ Yelle a phennum shakki ta yoh paroni tonim. ²⁸ Yesuu tew, "phallang we mera daggo la inya, mera pheno mene shakki, na yuru we tsukunom, kashi ta koyono na twe weye. ²⁹ Shakki we shurno kashi kanne, shakki a wosheno dogno kullum na yuh we mene yagbonni;" ³⁰ We Yesuu di ta twe weye, bey gaskanto ka shakki. ³¹ Yesuu yoh pharo ka Jews we yelle gasknto ke shakki, "in mamme pheno khan pharono me de aanshuranno we kulli, ³² meno pheno kulli, kulli ta wosheme" ³³ Yelle menkenni," Asaliumu ti yaminanin Ibrahim yelle naw di shebber manni; ma yakhan ka tar, shakki ta de wannen?. ³⁴ Yesuu pheneyuh," kulli, kulli, na tekeme miya me yuh we ding ta de shebbe ding. ³⁵ Shebbe ara diyim ta yamina har, la ta dimni har, ³⁶ Ma lau woshome wane, mere deni wane kulli. ³⁷ Nei penou meh jingnih Ibrahim; meh Kenji kwalehnoh lunghu parohnoh ekkhen tha lohchomem. ³⁸ Nei penou weh weneh wewu shighi, meh yuh wemeh Shiloh tipirin khan Tahmeh. ³⁹ Yelle mene yelle tewni," Tamu Ibrahim" Yesuu tekenyuk, "Mame shibbeni Ibrahim, mere yu foroni Ibrahim, ⁴⁰ Gbonje me gbanno me kpalleno, miya we tekeme kulli we na shillo ti phir Yamba. Ibrahim a yuh weyem. ⁴¹ Me yuh foroni tame" Yelle tekeni" A lemmu tiya sexual immorality mu kam kan ta dog; Yamba" ⁴² Yesuu tekeyung "In ma Yamba yame mene mene kanne, na wanna phirin Yamba na pisheye; na wattu fokunom, amma shakki shirgeno. ⁴³ lucku ni ma pheno pharono? lucku ma memji shillo pharonom. ⁴⁴ Me tame, shaitan, me menji yuh menen yagbon tame shakki an kpallo tun pishi a shilliyim ti kulli ako kalli tiyateini ma shakki teko shawa, shakki teko yadda we yuni an shawa ta na shara. ⁴⁵ Kisheye na teko we kulli, me gaskantononi. ⁴⁶ Ma nong dog tallame wenno khan ding? ma teko kulli, ma yakhai me a gaskantonom? ⁴⁷ shakki we Yamba shillo pharoni Yamba; ma menji shillonim me a shinni Yamsba" ⁴⁸ Ma Jews meno tenni,"munna tew kulli ke samaritan khan limbin?" Yesuu meno "Na ako kan limbim, ⁴⁹ ama na phemmo Tono, me a phammenom. ⁵⁰ Na gban dankaka; Ako dog we gbannim khan kong. ⁵¹ Kull, kull, na tekeme, ma ko non kew pharono, shakki ara we murom" ⁵² Ma Jews tewni, gbonje mu pheno ke kan kha limbi. Ibrahim khan annabawa mutto; amma ka tew, ma ko non kew pharoko; shakki an nan murom! ⁵³ Ka gbure tuku tamu Ibrahim we muro, keh? Annabawa ma yelle muro. ke non we ke phennan kukuh?" ⁵⁴ Yesuu men," ma ne sharo kuno, sharu kunno wannai; Tano we sharu kunno we me tew shakki Yamba, ⁵⁵ Me a phenegeni, amma na phenegeni, in ma teko na phenenim; nara de kamme an shawam. Kisheye, na phenneni khan keb pharoni. ⁵⁶ Tame Ibrahim yuh murna ka gbanno phallangno; shakki nungo yukho murna". ⁵⁷ Ma sew tewni, pidan kha foro shenne shik fara manyo, ka we Ibrahim? ⁵⁸ Yesuu tekeyuh, kulli, kulli, na tekeme, katin Ibrahim ne" ⁵⁹ Yelle sharo kpandi windeni, amma Yesuu tukko kunni gallan.