¹ Mungbureh Yesu phenoh farisiyawa yele shilouh ti phiri we anshurah tiphiri binyung amh khokho Yohana. ² Yesu khan khunih ti binah amh ti memmeh ning shakkhihim. anshurahnih, ³ Shakkhi wushahim khu ili Yahudiya shakkhi phengeligjo Galili. ⁴ Shele khelau ti samariya. ⁵ Shakkhi wanah phiri manning yayi kha samariya we yuyih kha saikar, nimih khu kherem kha Yakubu mungoh lanih Yusuf. ⁶ Kham neng khobe amh Yakubu ti phiri balyeng meleh, Yesu digoh ti fuk khubeo amh ta dennomg phalang. ⁷ Mannihg fommi Basamariya wannan gbeh amh, Yesu ta ma motoh mundeni amh shakkhi sheeh. ⁸ Anshurahnih yele liyo shekhe minna ya banung we shinah. ⁹ Basamariya ta phemoh Bayahude yaghau phemoh ta dimmoh amh ta Basamariya? ¹⁰ Yesu ta ma shirah phennouh khunghanoh Yamba khan meyah weta mashi munning amh shakkhi sheh shirih dimgenih, shakkhi ta munge ye amh fodoshonnang. ¹¹ Fomin ta antomh khai angeh khan wegberu amh yakhubbe amh zolih, ¹² makho wauh amh fodoshon nah ti tonk? Ashe khai khokho tahmong Yakubu we wushige moh ya khubbe amh shakkhi kha khuinin kha shibba ni kha ma wushunanih yele sheuh amh? ¹³ Yesu ta phep meya sheuh amh ati khummoh ishi yafukhim? ¹⁴ Ma khisheng phep meya we she amh wenara muna nih ati shilo ishi yafuk har dunimg amh we narah munanih ta diya phiri pheta amh, ta phetoh har phiri fodonshunnang. ¹⁵ Fomin ta antunhim munnoh ambyen manna kheng shilo ishi yafuk, mannoh khengah watoh tiya beg amh. ¹⁶ Yesu ta waruh shing watoh kha mannayi. ¹⁷ Fomin ta nneh angeh kha battin, Yesu ta shi tekkho fuyi shi ange battim; ¹⁸ shi diggoh battin fhag meya wedijing kha amannayim ti phesheye shi tekkho foying. ¹⁹ Teh Fomi ta antomnoh nne phennoh khen anteufuk. ²⁰ Ti Urushalima phiri we diyo men yung wauwah. ²¹ Yesu ta fomin anmmnah mennouh kha nneh phalang ti phiri watu mari yu wauwa tah ti khupanalkha Urshalima. ²² Meti yu wauwa ti wema weshighim, munnoh munda yu wauwah ti weh wehmuh phennouh lukkhu meleh ti khokho Yahudawa. ²³ Phalang ti phirin watoh phalang ma fonang kha meya, wauwah weh khuli yele ta yu wauwah ti tah tiyeteh jilib kha khulih sharam memmeh an wauwa menneng we tah menji. ²⁴ Yamba jilib meya wauwahni ma yele yu wauwal ti shekhi jilib kha mennabh. ²⁵ Fomin ta nneh phenouh khai anningho weti phirin watoh weh phiri yeni kha Almasihu, ma wannatu teumoh weh. ²⁶ Yesu ta nneh weta yupharoyeeh. ²⁷ Bonje anshuraning yele phengelah yele gbuntoh shela ti boyung wahing weti yupharo khan fomin ma khishen angeh miyah we tekkho ma shi men ji nih? ma lukkhoni khati yupharo kha tein. ²⁸ Fomin montah wusho dige amh phengelouh shekki minnah ta memmeih, ²⁹ Me watoh ta ningho meya weh tekkho we wehno yung yung ko shakkhi neh almasihu. ³⁰ Yele phenong ti shekkhi minna bina phim shakkhi ³¹ Ti phiri yuweh khishen anshurani yele dimmeye ni ta antom shuh shinan. ³² Ta Nneh khan wushina wema phenom. ³³ Anshurani kha shapherr ta ma nong munghe wu shinang? ³⁴ Yesu ta wushinanoh ne foroh meyaweh shon nenoh nne kbando foronih. ³⁵ Na meti phiri teuwanih shurih tele pherow? Nne ti phiri me ningho khuliye forofuk khashani. ³⁶ Meya khashani ta wen weshigforonih ti gaunu wushina weh warani fodonshunnah weh angeh badanim ³⁷ Ti phesheng pharon ti yetein pharo khullih mandi anphejeng manni ankhashani. ³⁸ Nne shurgeme khashon weh wema yungwang ti. khum manni yele yungho wang tikhi me an khunmotomonwang. ³⁹ Sanariyawa gbag weti shikkhi minnaye yele menouh kha shakkhi lukkhu pharo fominye we montoh tekkho ta shakkhi tekheru wetei nangho yuanih. ⁴⁰ Samariyawa yele fonan phirini yele dibbegeni ma dollu ti phirinshonoh shakkhi shiggoh shung phelaw ti phiri. ⁴¹ Manni gbag khokho weh yun yele khongong kha pharoni. ⁴² Yele tekkho ti fominih bonje munoh mennouh kha shakkhi a lukkhu we shi tekkhom munoh ma mun shilow kha khumoh mun tabbungho shakkhi ta melouh khupherah. ⁴³ kha ya bi shun phelaw shakkhi ilengho ti phiri shakkhi waroh Galili. ⁴⁴ Yesu kha khuni yupharo ta anfurfuk angeh kha gbure ti minnayung, ⁴⁵ We forungho Galili, Galilawa yele khekhoshela dok lukkhu yele weuh we yuphep ti Urshalima ti phalang bishi shunoh ma yele waroh phiri bishi. ⁴⁶ Shakkhi shakho phengelow kana ti khuilih Galili phiri we mengo kha amh amlani tommoh, ti kafarnahum kham an diya amnanok khub khan lani a gbag. ⁴⁷ Kha shilanih Yesu Phennah ti khu ili Yahudiya shakkhi phengela ti Galili, shakkhi waroh phirinishakkhi dibbegeni ma dagghuh lanih, motoh ti fomoroh. ⁴⁸ Yesu ma weh weneh yuhong khan wewoh munoh sheuwum me weuhm marih menanin. ⁴⁹ Andiya yazauni khub ta antab watoh lanoh lahwigile phedan a morom. ⁵⁰ Yesu to yumelekho lahgho ti fodonshonang meya yele khongoh kha pharo weh Yesu tekkho shakkhi khan khonih. ⁵¹ Ti shikkhi meleh manning shibba funah khomna funih lahgoh gbagnih. ⁵² Shakkhi mayokhenyung weh dugghomg wehee gbagnih, yele ta shonnoh khan anyem dok wekha phalang dogga furgenih shela. ⁵³ Tahni phenouh phalang Yesu ta lahgho gbagnih shakkhi kha khuinih menouh phiri kha lenya minnanih phep. ⁵⁴ Te weh gbundina weh phelaw weh Yesu yuhou phengelani Galili kha Yahudiya.