¹ Nei pirtemme ma miyah we liyouh pirinkhan comjanh deinyih ati khokhon fomnab. anjilli ninshak khi anyanjih. ² Miyan we liyou ti ko khon fomna ankhafokh denyi ninh shak khi. ³ Angelle fomnah sak khi ashinh fomminaih denyih demyih elle shiliyi elleneih shak khi khishi sommonih denyih shak khinn waruh pebbeh. ⁴ Yambi we pergonh shinih pebeh kan ko yadoyuh denyih elle kan biya bini elle penoh ellenih. ⁵ Elle a ti biya mibam sunda shin mibba ti kuh elle pen elleninh, Yamba makgeyuh teyeh elle ⁶ penumh we shak khi tekouninh. ⁷ Khisheyeh Yamba maregeyuh khuih eanei mineih denyib weka tomh. ⁸ miwe elle begeno waranih anjili anyanji denyi elle mallokha sunumh. ⁹ Nei ti tom miya we liyou ta we millah ta warun watunh shak khin galfokgih. ¹⁰ Anjilin wariji wane shakkhon yu jillih gballani kashanih, neiwanna lunkuih mawe fondoh sunah. ¹¹ Nei angalfok we wallah angalfok we wallah munji kunih tiku denyinih. ¹² Miya anbanfok. shakkhi a ankuwem mun wallam mawe anjili tinah kunnih ta shiyenih wosoh denyih anyih anjilli elle ta watu wallanih. ¹³ Akham shiga ti shikgimk tuku shak khi anbanfokh akam we nakhenimh kha denyimh. ¹⁴ Nei angellekh we wallah, nei penosenoh seno pengenoh. ¹⁵ Khiga toh we penge4nonh nei pen Tah. Nei mungoh kunah lumkuh denyih. ¹⁶ Nei khm khanh manaih denyi wa ti yeteh denyinomh, elle ta shillo ellenoh elle ta diyani ta talla senoh. Pir dokh angalfoyun dohn. ¹⁷ Ti ku teyeh Ta menjero munji kuni shak khin satenih. Akham khan bakh shar pir fondo ¹⁸ sunnom ma nokh ta muno jilim reh? we shantu. Nei khinnah munan fokh ti piroh Yamba. ¹⁹ Tuku paroyeh ballani khan liya sekhi yuhudawah. ²⁰ Gbeh ta tallayuh ta anwu nin shak khi lukh wane piryunih tukini mera shillene?. ²¹ Maniyun ta paroyeh a we miyanh wauwimh. Wauta auando andulle?. ²² Yampirih sugohfok vindoh shikh ti Urshalimah. ²³ Munta tehkhou Yamba per mallanih, ti tamnoh Sulemanu, ti yammina pir wauwah. ²⁴ Yahudawah elle khan kommo fonoh elleta dimni kheni kheta wose mu kha for ya loshoh? makhei lano Yamba khen khe temmu ti kutamh. ²⁵ Yamba menegeyun ta foroweneh piryunih weno Tanoh elle pir konfokgih, ²⁶ Mei ma menpirimh mati shek khi denyinomh. ²⁷ Denyiyeih seno elle shiliyi ellenoh nei pengeyuh elle waryi ti binoh. ²⁸ Nei Pirmujun pirfodosunah. We Ekhem fokgimh, elleati mutanimh we fokdoh- akam miya an laweyun ti shillonomh. ²⁹ Tah we mungeno sunuh kokhou peph gbureh, akammanh wata lauwani ti piri gbakno tanomh. ³⁰ Nei kan Taroh mun dokh. ³¹ Yahudawa elle khan marokuwollu pandi mawiteh ninh. ³² Yamba menegunh ta nei sukkeme pandi ma we walla we gbehg, tipirih Tah tiku ni mera wendonoh. ³³ Yahudawa elle menouh, elleta ati ku forowe walla munta witgeh gom ti ku nauh ya bokh khei khe linyah khepirmen kha kugoh Yamba. ³⁴ Yesuu megeyun fokgi ta ballanih ti konmeh taniih tekhhou me limbih?. ³⁵ Mune parono Yamba wan nayunh tehkou ta elle limbih alparonih apir (Illanimh). ³⁶ We tehkouh tah gakkhow sak khin suntu ti ku pebeh, nau ya bokh khe piryuni kannei ti kulh ne tehkoh nei lanoh Yamba?. ³⁷ Ma foro we tanoh piryunim teh nei piryanim mekha menkhanemh. ³⁸ Mateih nei piryunih mekha menukhanemh, me menukha foroh me pinu men banah neiri yetenoh Tahno Tah ti yentenoh. ³⁹ Elle khan marokuh khennih shak pero ta shillayuh. ⁴⁰ Shakkhi pengullomani kommo yabi tulle Urdum. Piriwei Yahaya dukho yun bina amh, shak khi digoh ti piri. ⁴¹ Memme geghu elle wannah pirin shakhi, elle khanteh wanih ta Yahaya ayuh mani we sewomh peph we shak khi tekkhou ti ku miyeh kullih. ⁴² Timoyeh bonje memme gbehg elle meni kha shak khi.