¹ Eni Ifarisii bi eso egbebe ne rhi Ijerusalemu vale eda kokonẹ ga le. ² le da ghe idibo ne sole ebha kpobọ ekwuea alebale. ³ (Eni Ifarisii bi eni Ijew ele gbo le bae se bha kpoọ, rhumude ele riobọ uhi ose ne wanlen na ke bhotọre. ⁴ Eghe ni eni Ifarisiirhẹ na bhi ughe Ẹki vae, ele ilebale aki mien ebha khọa fo, ele ewo mue uhi nọ bunbun mọ bhe emilin ni elan mielen na kere bhotọ, Enemi na da yi aki kpu ukpu, uwawa, emi elomọn na rhe luemi bi emilin nedia se lebale) ⁵ Eni Ifarisii bi eso ene gebe da noi Ijesu, "bezẹle ni idibo ne sọle dai rhe khan uhin nọ notọre nosi ewanlen, eki a lebale bho na bha kpe?" ⁶ Ọda waniele yiọ hen "Azaya ka sakhase yiole nọsen wẹ ikpunu bha rẹga. Be na gbon len wẹ, ikpunu bha rẹ gen elinmẹ,ekhoi no se kha bho kha rẹ bhe gbe mẹn. ⁷ Ihoho Oga nọ sẹ bha ne bha rẹ gi me,bha ma u uhi na rhẹ a rha gbon khia ebagbon wo ta. ⁸ Bhaa mu onosetale bhe egia okpa bha da mu onọ notọre osa gbon" bhi iroboi. ⁹ Oda ye ta man len wẹ bha mu uyi ose osenobulua fia ni uyi nọ notore. ¹⁰ Imosesi tale wẹ 'mud ekpen na abae bi inee, ọnọ tẹmọ aba bi inen ọle khọ ọke nọ yẹ yuu. ¹¹ Ọkpa kinọ bha yiọle, ọmọn a tama abale bi inolen, "e bi a rẹ re ni bha irole lu ẹse no osẹnobulua" (ole khi Corban). ¹² Ibha jiọle da lue min na abale bi inolen. ¹³ Bha rẹ elo gbe ẹbhon Osenobulua a robọ ebe ene re bhan khian tale. Bi ebhin esoeso. ¹⁴ Ọ da tie usien agbon tama ele bha ka bhien ehọ bha len ọ na. ¹⁵ O yie e bọ oria le rọle kion ọnọbhakhia ọkpọnọn ọnon nẹ ẹkẹ ọkhọle nọ sọle dagbare. ¹⁶ Onọn bhon eho ọ a rẹhon. ¹⁷ Ẹgbe ni Ijesu kirẹ si bhe eni re a khien ẹkọwa, edibo ne sọle da nonlen oni Ita na bọrẹleta. ¹⁸ Ijesu da yiọle ibha a yẹ len ọ na, uwẹ bha len ebọria le ọrọ kien Ọlukhọ. ¹⁹ Rabhude ọ jiọbhọkhọ ọkpanọ ọki jọbhẹkẹ aki nolenfia, Ijesuvda rọ ọnayọ eba yi ebhin ebe bhelo oso osenobulua. ²⁰ Jesu da yiọle ebhilin nọ nọkhọle vale ọle rọ oria lue ebhiebe, ²¹ Okhọle are ria nọ bhen bi Igboghẹ ọyi bi igbughe. ²² Awa elobhọ-ọbe, eku irẹlo bhemin nọyẹ sọria eloebe, ọtanobhen, iyia bhegbe u'kin. ²³ Ena rebhegbe nebhen ọkhọ ọnava, ena rọ ọria kiọn ọluebhin ebe. ²⁴ Ọ da kpanọ bhen akhi osi aItai (Tyre) re bi Isaidon. Ọ da nakhu wwa, ọ le bha he nẹ bho len ọle rhibheni, Ọkpakinon Ọlekha sabọ rekoh. ²⁵ Ọneghe okhuo nọ ọmọnọsọle a bhon ahu ebe bhegbe, da hen bhonlen ọ da dediguẹ nalen. gbere. ²⁶ Ọ no okhuo da a yi Igiriki (Greek),Isarafonisian adabiọle, Ọ da khin Ijesu no khuọ Ọ nahu nomhin siomon nọsole bhegbe re. ²⁷ Ijesu da yọle, omon aka rebana, Ọ bha dia naremien eba nọ sọmon aki muna awa. ²⁸ Ọno Okhuo da yọle ẹkhantanọ, ọkpakinọ awa yẹ le ene denọkhua sọ omọn le ebale. ²⁹ Ijesu da tamalen rabhude ebuwẹtale akhiuwa ọna ahu nọbhen sio omon nosẹ bhegbere. ³⁰ Ọno Okhuo da a khuwa ọki su uwa ọda kere egbe dan ọnọ ọmọn. ³¹ Ọ da gbo sibhi Ityre re giọ bhin Isaidon ọse gbẹdẹ nọ rhi bhi Igalili ne si kẹi Idicapolis. ³² E da mui odin re noi talọ nọi hehọ eda gui nalen nọ rhobọ suọle uhumu. ³³ Ijesu da riọle sibhi ejẹbho yere, ọda re obọ le bhehọ, ọda re esen suọle olabhen. ³⁴ Oki khua elo ghoghun , gbetian, ọ da yọle "Ephphatha", na rẹ talen wẹ "ta an!" ³⁵ Ẹjeje ehọ da ta an, ọnebhin nọ mu olabhin mọn da fan, Ọ da talọ nọsen. ³⁶ Jesu da yele nẹ tama oria soso, ọkpa ki nọ nọ le gbọ ọnuhi na iriọ eda a tama ẹbhorebhe. ³⁷ Ọda kakabọ han ele ilo, e da tale "Ọ lue ebhin re bhe nọsen, ọyehọ e hẹmọi bi odin talọ.